Zekaria 11:6 - KITABU KITAKATIFU

⁶ Kigira inze si nda vererera ava menyanga mu kivala yiki kandi mba, Yahova a vola: navutswa henza, nda va vika sa mulala mmukono gwomutende wewe, nommukono gwomwami wewe: na va la kuya kivala, na si nda va honnya kutwula mmakono gavo.

Zekaria 11:6 ပူးပေါင်းရင်းမြစ်များ

Zaburi 50:22

Kalunu mu ganagane yiki, mwinye aviviriranga Nyasaye Gase nda mu donyannya, na a vule wokuhonnya:

Isaya 27:11

Tsisya tsyalyo lwa tsyuma, tsi la vunanywa; avakali va ladza, nokutsyaakidza umuliru; kigira va veye avandu ava ta li nelimanya: kigira yaga uyu wa va lomba si a la va vererera mba, uyu wa va longa si a la va vanza mba.

Isaya 3:5

Navandu va la dambidzwa, sa mulala nowakye, na sa mulala nomutende wewe: mwana a legingira imbiri womukulundu, nomu nyaaviru a legingira imbiri womma nyekanu.

Jeremia 13:14

Nda va duyannya, kali avadada navana halala, Yahova a vola: na si nda vererera kandi si nda lekera, kandi si nda va netsimbabasi, kuduka ndeke kuvadividza.

Lisyoma lya Jeremia 2:21

Muyai nomusakulu va gona hasi mu mahasi; Avakana vagima vange navasoleli vange va gwiye ku kivavi: U viiti ku lidiku lyobutima bu bwo; u viiti, na si u va vereye tsimbabasi mba.

Lisyoma lya Jeremia 5:8

Avatumekiri vamehanga ku kwinye: Na si ha veye nomundu wokukuhonnya ku makono gavo.

Ezekieli 8:18

Kigira yaga inze kandi nda kola mu butima bwange; imoni yange si i la leka, kandi si nda va netsimbabasi mba; kali ni va hanzuka mu matu gange, si nda va hulira mba.

Ezekieli 9:10

Na inze, imoni yange i la vula kuleka, kandi si nda va netsimbabasi mba, navutswa nda leta inzira yavo ku mutwe gwavo.

Hosea 1:6

Na umukali uyu ya vereka kandi, ni yivula mwana mukana. Na Yahova ya mu volera, U mu gulike lieta lilye Loruhama; kigira si nda vererera inyumba ya Israeli kandi mba, mbule kuvasameha ligali.

Hosea 2:10

Na kalunu nda lang'aminya vyetsisoni tsitsye imbiri we tsimoni tsyavayanze veve, na si ha la va na u nyala kumuhonnya ku mukono gwange.

Mika 5:8

Va tigala va Yakobo va la va hagati hetsihiri, hagati ha avandu vanyingi, kuli king'ang'a mu tsinyama tsyombulimu, kuli king'ang'a kisoleli mu kyayo kyamagondi; lwa ki vitanga hagati, ki duvaganga nokutandula, na si ha veye na u nyala kuhonnya.

Mika 6:14

U la lia, navutswa u la vula kwiguta, noluhongo lu la va muunda mumwo: na u la vikwa haluvega na si u la hona; na kya u ginga nda ki haana ki ve ku kivavi.

Haggai 2:22

na nda tung'aminya intebe yobwami, na nda dividza tsingulu tsyobwami bwetsihiri; na nda tung'aminya magari gobulwani, na yava avavikaye mugo; netsiparasi, na yava va ninanga kutsyo va la gwa hasi, sa mulala ku kivavi kyamwavo wewe.

Zekaria 11:14

Ma nda vunannya vihiru viviri impimbo yange ya kaviri, ya langwa Viboheru, nduke kwononnya ubumitu bwa li hagati ha Yuda na israeli.

Zekaria 11:5

ama, gondi ga yavo ava veye nago viita, navo velanga avene ava ta li neli, hyola ku kindu; na yavo ava ga gulidzanga va vola, Yahova a gasi dzwe, kigira inze mbeye mutugi; na yavo avayi vago avene si va ga vererera mba.

Zekaria 11:9

Ma nda vola, Si ndaya mwinye kandi: u kudzanga, a kudze; na u twulidzangwa a twulidzwe; na va tigala va lie sa mulala inyama yomubiri gwa wakye.

Zekaria 14:13

Na ga la duka ku lidiku yilyo, kivi ki twula ku Yahova ki la va hagati havo; navo va la gumirana mukono sa mulaia no wakye, kandi sa mulala mukono gwigwe gu la gingwa igulu ku mukono gwo wakye.

Zekaria 8:10

Kigira imbiri wa madiku yago si ha li nomundu wa langirwa miyinzi; kandi si ha li netsinyama tsi langirwa miyinzi; kandi si ha li nemirembe ku uyu u twulanga kinga wingiranga, kigira mudambidzi: kigira inze nda tindira nnya avandu vosi sa mulala na wakye.

Malaki 4:6

Naye a la girunkannya myoyo gya vadada gyi yeke ku avana, na myoyo gya avana gyi yeke ku vadada vavo; gase ndadza ku kuya lirova nevilaamo.

Matayo 10:21

Namwavo a la twulidza amwavo yiitwe, na ise a la twulidza mwana wewe: navana va la twulira avivuli, va kola viitwe.

Matayo 22:7

Navutswa mwami ya vihirirwa; na a hila mahe gege kwononnya avalumindi yavo, na a samba lidala lyavo.

Matayo 24:10

Hene yaho vanyingi va likigitala, kandi va la zamana avene, nokudunyirana.

Yohana 19:15

Maku, va kola liyoga, Mhile, mhile, mbambe Pilatu ya va volera, Mbambe Mwami wenyu? Avasalisi vanene va tivula, Kwinye si ku veye nomwami navutswa Kaisari.

1 Vatesalonike 2:16

kandi va ku gaya kuvolerana nave Tsihiri va duke kuhonnywa; va duke kukiridza ubwoni bwavo kazozo: navutswa ubutima bu duki kuvo bwosi ligali.

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Yakobo 2:13

Kigira likalaga si li veye netsimbabasi ku uyu u ta li netsimbabasi: tsimbabasi tsiidzominyanga ku likalaga.