Zekaria 11:5 - KITABU KITAKATIFU

⁵ ama, gondi ga yavo ava veye nago viita, navo velanga avene ava ta li neli, hyola ku kindu; na yavo ava ga gulidzanga va vola, Yahova a gasi dzwe, kigira inze mbeye mutugi; na yavo avayi vago avene si va ga vererera mba.

Zekaria 11:5 ပူးပေါင်းရင်းမြစ်များ

2 Avami 4:1

Na mukali mulala ku vakali vavana vavaprofeti yanira Elisha, na a vola, Mutumekiri wowo musatsa wange u kudzi; na ive u manya mutumekiri wowo ya tia Yahova: nomuvanzi u duki kuvugula avana vange vaviri va ve avatugwa.

Nehemia 5:8

Na nda va volera, Kwinye kuli bunyali bwetu ku tungiye avamwavo vetu Vayuda, yavo ava gulidzwa ku vetsihiri; na mwinye kalunu nkano mwa gulidza avamwavo venyu, va gulidzwe na kwinye ku va gule? Hene yaho va kiring'ana, va vula kuva nekya va vola.

Jeremia 2:3

Israeli va li vata katifu ku Yahova, ubuhya bwelimedeka lilye: vosi ava li mu mira va la validzwakuva ne lihyolo; budamano bu la duka kuvo, Yahova a vola.

Jeremia 50:7

Vosi ava ga nyola va ga liye; navasigu vavo va vola, Kwinye si ku veye nelihyolo, kigira va kolera Yahova ubwoni, naye a veye ubumenyo bwobulungi, niye Yahova wa li kisuuviri kyavaguga vavo.

Ezekieli 34:10

Mwami Nyasaye a vola ndi, Henza, mbeye musigu ku avayi; na nda vanza amagondi gange ku makono gavo, na nda lekidza kuvo miyinzi gyokwaya amagondi; kandi avayi va la vula kweyaya avene kandi; nda honnya magondi gange kutwula ku minwa gyavo, ga vule kuva vyokulia vyavo.

Ezekieli 34:21

Kigira mwinye mwa luguta netsimbalu na namavega, nokutodza amalwaye netsinziga tsyenyu, kuduka kugasalannya yiyi na yiyi;

Ezekieli 34:6

Amagondi gange ga vayavaya mu vigulu vyosi, noku kigulu sa kilala kitambi; yee, magondi gange ga li ni ga salannywa mu mmoni mwosi mwelirova; si ha li nomundu kali mulala kugateva kinga kugenya.

Hosea 12:8

Na Efiraim ya vola, Ligali inze ngwiye mutugi, nyoye vindu vinyingi: mu miyinzi gyange gyosi si va la nyola ubukyamu mu inze bu veye ubwoni.

Hosea 12:9

Navutswa inze mbeye Yahova Nyasaye wowo kutwula ku kivala kya Egepeti; inyinga yindi nda ku mennya mmahema kandi kuli mmadiku gelilia litakatifu.

Amosi 2:6

Yahova a vola ndi: Kigira mahyolo gavaka ga Israeli, yee, kigira gane, si nda girunkannyira lihebwa mageli lyalyo; kigira va gulidza avalungi kunyola ifetha, navadaka kunyola vilatu

Matayo 23:13

Navutswa O Bayaye bu veye ku mwinye, avang'odi na Vafarisayo, avagadi kigira mwigalira avandu mu bwami bwomigulu: kigira mwinye si mwingira mba, kandi si mu va leka avingiranga, vingire.

Yohana 10:1

Ligali, ligali, mmu volera, U vula kwingira mu kiliango kyekego kyamagondi, navutswa a tsia kuhudula ha luvega, uyu nu mwivi kandi nu mwiguliri.

Yohana 16:2

Va la mu kunga mu mavugana: kandi isaa yidza ya vosi ava mwiita va levolera va kolera Nyasaye ubutumwa.

2 Petro 2:3

Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.

Likunula 18:13

nevyomudalasini, nevyaliki, nevyekimuli, nevyamaguta, nevya ubani, nevyaiwaini, nevyamaguta, nevyobusie bunyuki, nevyengano, nevyetsing'ombe, nevyamagondi, nevyetsiparasi, nevyamagari gobulwani, nevyavatugwa, nevyemyoyo gyavandu.

Likunula 3:17

Kigira u vola, Inze mbeye mutugi, kandi nyoye ubutugi, kandi si mbeye nelyenya kindu; kandi si u manya u veye mudambi, kandi u veye muyingu nomudaka nomuboku nomwere: