Zekaria 11:3 - KITABU KITAKATIFU

³ Mwoyo gwelikupa tsikwili gwa avayi kigira ubukumi bwavo bwononnyeywi: mwoyo gwelifwuma lyeving'ang'a visoleli kigira luyai lwa Yordani lwononnyeywi.

Zekaria 11:3 ပူးပေါင်းရင်းမြစ်များ

Zaburi 22:21

U nkonye ku munwa gweking'ang'a; Yee, ku tsinziga tsyetsing'ombe tsyomigendanyama u mbugiriye.

Isaya 5:29

lihuma lyavo li la va kuli lifwuma lyeking'ang'a, va la fwuma kuli ving'ang'a visoleli; yee, va la fwuma noku gumira vilanye, nokuvivugula va tsie navyo bulahi, na si ha la va nomundu kuvahonnya.

Isaya 65:15

Mu la leka lieta lyenyu kuva kilaamo ku vatovole vange; Mwami Nyasaye a liita ive; na a la gulika avatumekiri veve lieta lindi:

Jeremia 2:15

Ving'ang'a visoleli vi fwumanga kuye, nokuloka; na vi koli kivala kikye kuva vutswa: mada la gege ga hiye, si ga veye navandu.

Jeremia 2:30

Likuya lya nda kuya avana venyu ni lya vutswa; si va bugirira kuhebwa mageli mba: kivavi kikyo ive mwene ki liye vaprofeti vovo, kuli king'ang'a kyononyanga.

Jeremia 26:6

hene yaho nda kola inyumba yiyi i ve kuli Shilo, na nda kola lidala yili li ve lilaamwa ku tsihiri tsyosi tsyelirova.

Jeremia 49:19

Henza, a lanegira kutwula mu luyai lwa Yordani, kuli king'ang'a, ku limenya lya avetsingulu: navutswa nda va nyagulidza viruke nonoho; na uyu wa tovolwa, niye wa ndi vika kulyo: kigira ni bwaha u leng'ana ninze? Kandi ni bwaha u ling'olera inyinga? Kandi ni bwaha ni mwayi u li singira imbiri wange?

Jeremia 50:44

Henza, a lanegira kuli king'ang'a kutwula ku luya lwa. Yordani ku bumenyo bwetsingulu: navutswa nda va kola viruke nonoho; na uyu u tovolwa nda mu vika kulyo: kigira ni bwaha u fwanana ninze? Kandi ni bwaha u ntovolera inyinga? Ni mwayi ki u nyala kusingira imbiri wange?

Jeremia 7:4

Mu ta suuvira ku makuva gobubehi, kuvola, Litempeli lya Yahova, litempeli lya Yahova, litempeli lya Yahova, ni yava.

Ezekieli 19:2

u vole, Mama wowo ya li kindu ki? Ya li king'ang'a kikali: kya gona hasi hagati heving'ang'a, hagati heving'ang'a visoleli ya nyunnya avana veve.

Hosea 10:5

Avamenyi ba Samaria va la va nobutii kigira vimoli vya Bethaven; kigira avandu velidala yilyo va la lisyomera, avasalisi valyo ava sangala kulyo, kigira ubukumi bwalyo, kigira bu twuli kulyo nokulileka.

Joeli 1:13

Mwebohe na magunia, mu syome mwinye avasalisi; mu kupe tsikwili, mwinye ava tumikanga ku bwali; mudze, mu gone ubudiku bwosi mu magunia, mwinye avatumekiri va Nyasaye wange: kigira kihaanwa kyobusie na kihaanwa kyokunwa vigaliywi vi ta va mu inyumba ya Nyasaye wenyu.

Amosi 8:8

Kivala si ki la degera kigira yaga, noku vosi u menyanga mukyo si a la syoma? Yee, ki la vuka kvosi kuli Mugera; na ki la lola ubudinyu nokugehera kandi, kuli Mugera gwa Egepeti.

Zefania 1:10

Kandi mu li diku yilyo, Yahova a vola, li la va ho liyoga lyelilira mu kiribwa kyetsisudzi, nelisyoma mu lusoma lwa kaviri, nomuliviti mu vigulu.

Zefania 3:11

Ku lidiku yilyo si u la va isoni mba kigira likola lilye lyosi, vya u nkoleye mu mahyolo; kigira inyinga yeyo nda twulidza hagati hoho avandu vovo aveyidzominyanga nokukola luyai, na ive si u legingira kandi mu kigulu kitakatifu kyange.

Zefania 3:3

Avanene veve hagati hehe va veye ving'ang'a vi fwumanga; avakalagi veve va veye visalong'ongo vyamgo lova; si va lekanga ki tigala kuduka mugamba kali kilala mba.

Zekaria 11:2

Kupa tsikwili O cyprus, kigira mutaragwa gu gwiye, kigira misala milahi gyonomlyeywi: mu kupe tsikwili mwinye misala gya Bashan, kigira mulitu gwetsingulu gwiki hasi.

Zekaria 11:8

Na nda twulidza avayi vavaka ku mweli mulala; kigira va luhidza mwoyo gwange, navo kandi myoyo gyavo gya ndunyira.

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.

Vikolwa 7:52

U li ha ku vaprofeti, vaguga venyu va vula kudambidza? Kandi va viita yavo ava tanga kumannya lidza lyo Mulungi; wa mwinye kalunu mu mali kugwa avazami naviiti;