Zekaria 10:9 - KITABU KITAKATIFU

⁹ Nda va midza hagati ha avandu; na va lidzulitsa inze mu vivala vyehale; na va la menya halala na avana vavo, na va la galuka.

Zekaria 10:9 ပူးပေါင်းရင်းမြစ်များ

Nehemia 1:9

navutswa ni mwirana ku inze, nokugumira lilagana lyange nokuli kola, kali yavo ava kungwa ni va veye ku luvega lwekiheri kyeligulu, nda va vungidza kutwula ha va veye nokuvaleta ha ntovoye, nduke kuvika ho lieta lyange.

Esther 8:17

Na mu tsiprovinse tsyosi sendala, na mmadala gosi sa lilala, na hosi ha lilaga lyomwami lya duka, Avayuda va li nobuyanzi nobusangali, nelilia neli diku lilahi. Na vanyingi ku vandu vekivala va gwa Avayuda; kigira litihidza lya Avayuda lya va gwira.

Isaya 44:21

Widzulitse vindu yivi, O Yakobo, na Israeli; kigira u veye mutumekiri wange: inze nda ku lomba; ive u veye mutumekiri wange: O Israeli, si ndivirira ive mba.

Isaya 64:4

Kigira kutwula kale ava ndu va vula kuhulira, kandi si va manya na amatu, kandi imoni si ya lola Nyasaye wundi, lugano ku ive, u kolera uyu u mu lindiranga miyinzi.

Isaya 65:23

Si va la kola miyinzi gya vutswa, kandi si va livulira kivi; kigira va veye kisukululwi kya uyu wa gasidzwa wa Yahova, na lwivulu lwavo halala navo.

Isaya 65:9

Nda leta bugutsa kutwula ku Yakobo, na wemi yandu gyevigulu vyange kutwula ku Yuda; na mutovole wange a la nyola miyandu, na vatumekiri vange va la menya yo.

Jeremia 31:27

Henza, madiku gadzanga, Yahova a vola, mu madiku yago, nda midza inyumba ya Israeli nenyumba ya Yuda ubugutsa bwomundu, nobugutsa bwemitugu.

Jeremia 51:50

Mwinye ava honi ku kivavi, mu tsie, mu ta singira mba; mwidzulitse Yahova kutwule ihale, na Yerusalemi lingire mu tsiganagani tsyenyu.

Ezekieli 6:9

Na va li hona ku avandu venyu va lidzulitsa inze hagati hetsihiri ha va li hilwa avahambe, kuli nda vunannya vidonye ku myoyo gyavo gyamalaya, gyahulwa ku inze, noku tsimoni tsya vo, tsya londa vifwananyi mmalaya: navo va ledunyira avene mu tsimoni tsyavo, kigira ubudamano bwa va kola mu kivihiri kyavo kyosi.

Hosea 2:23

Na nda mu simika mu lirova kigira inze; na nda vererera mukali uyu wa vula kuverererwa; na nda volera yava ava ta li avandu vange, Mwinye mu veye avandu vange; navo va la vola, Ive u veve Nyasaye wange.

Amosi 9:9

Kigira, henza, nda laga, na nda sesa inyumba ya Israeli hagati hetsihiri tsyosi, kuli ubusuage bu sesangwa mu luderu, navutswa inzoli indala i la vula kugwa hasi.

Mika 5:7

Na avatigala va Yakobo va la va hagati ha avandu vanyingi kuli lime li twulanga ku Yahova, kuli lunyirira ku bunyasi, vi ta lindiriranga umundu, kinga kulindirira avana vavandu.

Vikolwa 8:1

Tsindolo. Kandi Saulo ya bugirira likudza lilye. Ku lidiku yilyo lidambidzwa linene lya duka ku livugana lya li mu Yerusalemi; navo va salanywa vosi mu kivala kye Buyuda nekya Samaria, bugira avatumwa.

Vikolwa 8:4

Kigira yaga yava ava salana va vodonkana ni vilwadza likuva yili.

Varumi 11:24

Kigira ive nu u va nu u temagwa kutwulidzwa ku mzeituni gwomulitu gwa kale, nokuhambannywa ku mzeituni mu lahi ku miima gu ta li gwa kale; nasindi yitsi tsya kale tsyene tsi la vula ndi kuhambannywa?