Zekaria 10:5 - KITABU KITAKATIFU

⁵ Na va la va kuli avobunyali, va duvaga vasigu vavo mbudohi bwoku mahasi mbulwani; va la lwana kigira Yahova a veye halala navo; navo ava nina ku tsiparasi va la genya.

Zekaria 10:5 ပူးပေါင်းရင်းမြစ်များ

2 Samweli 22:43

Ma nda va sia, va duka kuva kuli lugukyi lwekivala, Nda va duvaga kuli ubudohi bwoku inzira, nokuvasalannya yiyi neyiyi.

2 Samweli 22:8

Hene yaho lirova lya degera ni li dengeya. Mise gyeligulu gya degera Na gya degeridzwa, kigira ya li nobutima.

2 Avami 9:33

Jehu ya va volera, Mu mwagulule hasi. Ma va mwagulula hasi; na malala ku masahi gege ga tuma ku lidigi, na gandi ku tsiparasi; naye ya mu duvaga.

Zaburi 18:42

Hene yaho nda va siya kuva kuli ulugukyi imbiri wembuudza; Nda va ta kyova kuli madohi getsinzira.

Zaburi 20:7

Avalala va suuvira magari, navalala va suuvira tsiparasi; Navutswa kwinye ku la tala lieta lya Yahova Nyasaye wetu.

Zaburi 33:16

Si ha veye nomwami u honnywa nobunyingi bwelihe: Kandi wetsingulu si yehonnya netsingulu tsitsye tsinene.

Zaburi 44:5

Ku la tsoma avasigu vetu netsi ngulu tsitsyo: Ku lieta lilyo ku la duvaga yava ava vukira kwinye.

Zaburi 45:3

Webohe kivavi kikyo ku kikenge kikyo, O ive wetsingulu, Na ubukumi bubwo na ubunene bubwo.

Isaya 10:6

Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 25:10

Kigira mukono gwa Y ahova gu la sosera mu kigulu yiki; na Moabu a la duvagirwa hasi ha bugono hehe, kuli bunyasi bu duvagirangwa hasi mu madzi gesina.

Isaya 31:1

Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Isaya 41:12

U la ve nya, na u la vula kuvalola, kali yavo ava hangalana nive: ava lwananga nive va la va avavutswa, kuli kindu kya vutswa.

Isaya 41:25

Nda vukidza mulala kutwula ha kasikasini, naye u duki; kutwula butuliru bweliuva u duki mulala waniranga lieta lyange: na a la duka ku avameha kuli ku kifongo igulu, kandi kuli umulongi a duvulanga ubudohi.

Isaya 8:9

Mu kole liyoga, O mwinye avandu, mu wnanywe vidonye; mwinye ava mu veye mu vivala vye ihale mu tegidze amatu; mwebohe vikenge vyenyu, mu vunanywe vidonye; mwe bohe vikenge vyenyu, mu vunanywe vidonye.

Ezekieli 38:15

Na ive u ladza kutwula hango hoho ku tsimbega tsyekiheri kya kasikasini, ive, navandu vanyingi halala nive, avokunina ku tsiparasi, vosi kiduma kinene, lihe lyobunyali ligali;

Amosi 2:15

kandi wobuta si a la singira, kandi wetsimbiru si a lehonnya; kandi u ninanga iparasi si a lehonnya;

Mika 5:8

Va tigala va Yakobo va la va hagati hetsihiri, hagati ha avandu vanyingi, kuli king'ang'a mu tsinyama tsyombulimu, kuli king'ang'a kisoleli mu kyayo kyamagondi; lwa ki vitanga hagati, ki duvaganga nokutandula, na si ha veye na u nyala kuhonnya.

Mika 7:10

Hene yaho musigu wange a la lola inkuva yiyi, na a la kunikwa tsisoni uyu wa mbolera, Yahova Nyasaye wowo a veye haliha? Tsimoni tsyange tsi la mu lola; kalunu a la duvagwa kuli ubudohi bwokuli hasi.

Haggai 2:22

na nda tung'aminya intebe yobwami, na nda dividza tsingulu tsyobwami bwetsihiri; na nda tung'aminya magari gobulwani, na yava avavikaye mugo; netsiparasi, na yava va ninanga kutsyo va la gwa hasi, sa mulala ku kivavi kyamwavo wewe.

Zekaria 12:4

Mu lidiku yilyo, Yahova a vola, nda tihidza tsiparasi tsyosi, na uyu u ninanga kutsyo nda mu lalukidza: na nda kunula tsimoni tsyange ku inyumba y a Yuda, na nda kuya tsiparasi tsyosi tsyavandu nelivakula.

Zekaria 12:8

Mu lidiku yilyo Yahova a la sola ava menyi Yerusalemi; na ku lidiku yilyo u veye mudedekere hagati havo a la va kuli Daudi; na inyumba ya Daudi i la va kuli Nyasaye, kull ingelosi wa Yahova imbiri wavo.

Zekaria 14:13

Na ga la duka ku lidiku yilyo, kivi ki twula ku Yahova ki la va hagati havo; navo va la gumirana mukono sa mulaia no wakye, kandi sa mulala mukono gwigwe gu la gingwa igulu ku mukono gwo wakye.

Zekaria 14:3

Hene yaho Yahova a la twula, nokulwana netsihiri zana kuli lwa ya lwana mu lidiku lyobulwani.

Zekaria 9:13

Kigira mmali kukumba Yuda a ve ku inze, mmali kwizulitsa ubuta na Efiraim; na nda vukidza avana vovo, O Zioni, ku avana va Ebugreki na nda ku kola kuva kuli kivavi kyomundu wobunyali.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Matayo 4:3

Ma, mugeridzi yadza na a mbolera, Ive nu u va nu u ve Mwana wa Nyasaye, u lage amagina yaga ga gwe ubu kima.

Luka 24:19

Naye ya va volera, Ni vindu ki? Navo va mu volera, Vindu vya li ku Yesu Munazareti, wa li muprofeti wetsingulu tsyokukola netsyokuvola imbiri wa Nyasaye, nembiri wavandu vosi:

Vikolwa 18:24

Muyuda mulala wa langwa Apolo, wivulwa Alekisanderia, kandi mulongoli, ya duka Efeso; kandi mgulu ku mang'oda.

Vikolwa 7:22

Ku, Musa yegidzwa ubugeeri bwosi bwa Vaegepeti; kandi ya li netsingulu ku makuva gege noku miyinzi gyigye.

2 Vakorintho 10:4

(Kigira vyuma vyo bulwani bwetu si vi veye vyomubiri navutswa vi veye netsingulu kigira Nyasaye kuduka kutsoma hasi tsingaga);

Kwidzulitsa 20:1

Lwa u twula kutsia mbulwani navasigu vovo, nokulola tsiparasi, namagari, navandu vanyingi kuvita ive, u ta va tia mba; kigira Yahova Nyasaye wowo a veye halala nive, wa kwanegeridza kutwula mkivala kya Egepeti.

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.

2 Timoteo 4:7

Mmali kulwana ubulwani bulahi, mmali kudukidza ulugendo lwange, mmali kulinda lisuuvira.

Joshua 10:14

Na si li veye ho lidiku lindi kuli yili ku matsyambiri kinga ku ga londanga inyima, kuduka Yahova ya hulira mwoyo gwomundu: kigira Yahova ya lwanira Israeli.

Joshua 10:42

Na avami yavo vosi, nevivala vyavo Joshua ya vugula inyinga indala kigira Yahova, Nyasaye wa Israeli ya lwanira Israeli.

Likunula 19:17

Kandi nda lola ingelosi mulala a singiye ku liuva; kandi ya hanzuka nomwoyo munene, na a volera manyonyi gosi aga bulukanga hagati hobwerefu, Hambi mu vugane halala ku lilia linene lya Nyasaye;

1 Samweli 16:18

Ma mulala kuvo avasoleli, ya tivula na a vola, Henza, ndoli mwana mulala wa Jesse Mubeth-lehemu, a veye musidza wokukupa ubukana, kandi a veye muluviriri, na a veye mundu welihe, nomugeeri mu livola, naye a veye mundu mulahi; na Yahova a veye halala naye.