Zekaria 10:2 - KITABU KITAKATIFU

² Kigira vifwananyi vi volanga vutswa, na vagimba va lolanga bubehi; na va volanga vya maloto gobubehi, lileminya mwoyo lyavo li veye lya vutswa: kigira yaga va tsitsanga kuli magondi, va dambidzwa, kigira si ha veye nomwayi.

Zekaria 10:2 ပူးပေါင်းရင်းမြစ်များ

Litanga 31:19

Inyinga zana, Labani ya li na a tsiye kukalaga ubwoya bwa magondi gege: na Raheli yiba vifwananyi vya dada wewe.

1 Avami 22:17

Mikaiya ya vola, Inze nda lola Israeli vosi vasalani ku vigulu, kuli magondi ga ta li nomwayi: Yahova ya vola, Yava si va veye nomunene; virane sa mulala mu inyumba yeye nemirembe.

Ayubu 13:4

Navutswa mwinye mu veye avakongi vamakuua gobubehi; Mwinye mwosi mu veye avetsinyasi va ta veye nobukonyi.

Ayubu 21:34

Kunangwa ga li ndi mwinye mu neminya vutswa mwoyo, Kigira mu mativuli genyu bu tigaye ububehi bwere?

Isaya 41:29

Henza yavo vosi, miyi nzi gyavo gyi veye mwika vutswa, na gyavutswa; vifwananyi vyavo vyokwelonga vi veye imbuudza neligenya.

Isaya 44:25

U heridzanga vilolekidzu vya yavo avobehi, nokukola avasegetiri kugwa avalalu; wirannyanga avageeri inyi ma, nokukola bugeeri bwavo kuva lubusiru;

Isaya 44:9

Yavo va lomba kifwananyi kyokuvadzwa va veye vutswa vosi; na vindu vya va yanzidzanga si vi la va konya kindu; na valoli vavo avene si va lolanga mba, kandi si va manya: va duke kuva isoni.

Isaya 46:5

Mu la fwanannya inze na bwaha, nokuneng'annya naye, nokungeranya, ku duke kuleng'ana?

Jeremia 10:8

Navutswa va veye kuli tsinyama nobusiru halala: lyegidza lyevifwananyi li veye kitinya kyomusala vutswa.

Jeremia 14:13

Hene yaho nda vola, Ai, Mwami Nyasaye henza, avaprofeti va va volera, Mwinye si mu la lola kivavi, kandi si mu la va nenzala mba; navutswa nda mu ha mirembe gya dinyeridzwa hano.

Jeremia 14:22

Mu vindu vya vutswa vyosi vya yavo avetsihiri ki veye ho ki nyala kuleta imbula? Naho ligulu li nyala kuleta lunyirira? Si a veye ive, O Yahova Nyasaye wetu? Kigira yaga kwinye ku la linda ive; kigira ive u lombi vindu ylvi vyosi.

Jeremia 23:17

Va voleranga kazozo yavo ava leganga inze, va vola, Yahova a voye, Mu la nyola mirembe; nomundu sa mulala u gendanga nobudinyu bwomwoyo gwigwe va mu volera, Ubudamano kali bulala si bu la mu nyola mba.

Jeremia 23:32

Henza mbeye nobusigu ku yavo ava profetanga amaloto gobubehi, Yahova a vola nokugavola, nokwikigitalidza avandu vange na makuva gavo gobubehi; nelyegingira lyavo lya vutswa: navutswa inze si nda va tuma mba, kandi si nda va laga; kandi si va konya avandu yavo kali hakuzu mba, Yahova a vola.

Jeremia 27:10

kigira va mu profeteranga ububehi, va duke kumutwulidza mu tsie ihale nekivala kyenyu, kandi inze mmu twulidze, mu dive.

Jeremia 27:14

Mu vule kuhulira makuva gavaprofeti va mu volera, kuvola, Si mu la tumekira mwami wa Babuloni; kigira va mu profeteranga ububehi.

Jeremia 27:9

Navutswa ku makuva genyu, mu ta hulira avaprofeti venyu mba, kinga avasegetiri venyu, kinga amaloto genyu, kinga ava ng'oleranga ku malesi, kinga avakumu venyu, ava voleranga mwinye, kuvola, Mwinye si mu la tumekira mwami wa Babuloni mba:

Jeremia 28:15

Hene yaho muprofeti Jeremia ya volera Hanania muprofeti, Hulira kalunu, ive Hanania; Yahova si ya tuma ive mba: navutswa ive u suuviridzanga avandu yava va suuvire ububehi.

Jeremia 29:8

Kigira Yahova wa mahe, Nyasaye wa Israeli, a vola: Mu ta bugirira avaprofeti ava veye hagati henyu, na vasegetiri, va mu gade; kandi mu ta hulira maloto genyu ga mu lotanga.

Jeremia 37:19

Avaprofeti vovo va veye haliha kalunu, ava profetera ive, kuvola, Mwami wa Babuloni si a ladza ku ive mba, kinga ku kivala yiki?

Jeremia 50:17

Israeli a veye ligondi lya sala nywa; ving'ang'a vi mu kungi; kutanga, mwami wa Asuria ya mu liana kalunu Nebukadirezaru mwami wa Babuloni ya vunannya vigumba vi vye.

Jeremia 51:23

kandi nda vugula ive kudonyannyira mwayi ne kyayo kikye; nda vugula ive kudonya nnyira u limanga netsing'ombe tsitsye; nda vugula ive kudonyannyira avagali navanyampara.

Jeremia 6:14

Va honnyi ulugoma lwa avandu vange hakekeke vutswa, ni va vola, Mirembe, mirembe; inyinga mirembe gyi ta veye ho.

Jeremia 8:11

Va honnyi ulugoma lwomukana wavandu vange hakekeke, nokuvola, Mirembe, mirembe; lwa mirembe gvi ta veye ho.

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Ezekieli 21:21

Kigira mwami wa Babuloni ya singira ha bwavukaniru bwetsinzira, ha mutwe gwetsinzira tsiviri, kutumekira ubusegetiri bwibwe: ya sung'usa mibano yiyi neyiyi, na a teva ku vifwananyi, ya henza ku likudumani.

Ezekieli 21:29

hali kanyingi va mu lolera malola ga vutswa, hali kanyingi va segitiranga ku ive ububehi, kukwalira mmagoti gavadamano avatwa tsing'oma tsyokuviita, avelidiku lyavo li duki ku inyinga yobudamano bwekiheri.

Ezekieli 34:5

Nago ga salannywa yiyi na yiyi, kigira si ha li nomwayi; nago ga li vyokulia vyetsinyama tsyosi tsyomwigendanyama, na ga salannywa yiyi na yiyi.

Ezekieli 34:8

Kuli mbeye mwoyo, Mwami Nyasaye a vola, ligali kigira magondi gange ga gwa vilanye, magondi gange ga gwa vyokulia vyetsinyama tsyosi tsyomwigendanyama, kigira si ha li nomwayi, kandi avayi vange si venya amagondi gange, navutswa avayi veyayanga avene, si vayanga amagandi gange:

Hosea 3:4

Kigira ayana va Israeli va la menya madiku manyingi bugira mwami, na bugira munene, na bugira kihaanwa, na bugira itiru, na bugira kisibao na bugira kifwananyi:

Mika 2:12

Ligali nda vungidza mwinye vosi, O Yakobo; ligali nda vungidza va tigala va Israeli; nda va vika halala kuli magondi ga Bozra, kuli kyayo hagati hekyairu; va la kola liyoga ligali kigira ubunyingi bwavandu.

Habakuk 2:18

Kifwananyi kyokuvadzwa ki konya ki, kya mulombi a vadzi; kifwananyi kyokulongwa, na uyu wegidzanga ububehi, na uyu wa lomba kifwananyi a ki suuvira, nokulomba vifwananyi vidimbidi?

Zekaria 11:17

O bayaye umwayi u ta konya kindu, u lekanga kyayo kivavi ki la va ku mukono gwigwe, noku imoni yeye ye nomukono mulungi: mukono gwigwe gu la va mwumu ligali, nemoni yeye yenomukono mulungi i la va kilive ligali.

Livalidza 27:17

u genda imbiri wavo, kutwula nokwingira, nokwimirira imbiri wavo, kuvatwulidza nokuvingiridza; livugana lya Yahova li ta va kuli magondi ga ta li nomwayi.

Matayo 9:36

Navutswa lwa ya lola viduma ya va vererera, kigira va li ni va damba ni va sala nnywa kuli magondi aga ta li nomwayi halala.

Marko 6:34

Na Yesu ya twula, na a lola kiduma kinene, na a va vererera, kigira va iwana magondi ga ta li nomwayi: ya tanga ku vegidza vindu vinyingi.

Kwidzulitsa 13:2

ne ki loleka kilolekidzu kinga kyokugennya kya ya ku volera, na a vola, Genda ku londe avanyasaye vandi, ava u ta manya, ku va tumekire;

Vakalagi 18:14

Hene yaho avandu vatano yavo, ava tsia kuluta kivala kya Laishi, va tivula ni va volera vamwavo vavo, Mwinye mu manya kisibao ki veye mu tsinyumba yitsi, nevifwananyi, nakifwananyi kyokuvadzwa, nekifwa nanyi kyokutulwa? Kalunu mu ganagane aga mu dukira kukola.