Zekaria 10:11 - KITABU KITAKATIFU

¹¹ Naye a la vita hagati henyanza yelidambidza, nokukuya viguvuli vyenyanza, noluliva lwosi lwomugera gwa Nile lu la kama; noluyai lwa Asuria lu likidzwa, na impimbo yobwami ya Egepeti i la gota.

Zekaria 10:11 ပူးပေါင်းရင်းမြစ်များ

Litanga 8:1

Na Nyasaye yidzulitsa Nuhu, netsimyama tsyosi, nemitugu gyosi vya li halala naye mu liatu: na Nyasaye ya leta imbuudza ku lirova, na amadzi ga geha;

2 Avami 2:14

Na ya gumira ingubo yokwigulu ya Elija yaguluka kutwula kuye, na ya kuyira amadzi, na a vola, Yahova Nyasaye wa Elija a veye haliha? Lwa ya mala kukuya amadzi, gayuka kutsia yiyi neyiyi; ma Elisha yambuka.

2 Avami 2:8

Na Elija ya vugula ingubo yeye yokwigulu, na a gi linga halala, nokuduya amadzi, nago gayuka kutsia yiyi neyiyi, ma vambuka vombi ku kivala kyumu.

Ezara 6:22

nokulomba lisavo lyobukima bu ta li namamera nobu sangali, madiku gatano na gaviri: kigira Yahova ya va sangalidza, nokugirunkannya mwoyo gwomwami wa Asuria gu yeke kuvo, a duke ku dinyeridza makono gavo ku miyinzi gyenyumba ya Nyasaye, Nyasaye wa Israeli.

Zaburi 114:3

Inyanza ya lola, ni yiruka; Na Yordani gwa kungwa.

Zaburi 114:5

U veye na ki, ive inyanza, ive u duke kwiruka? Na ive Yordani, wirana inyima?

Isaya 14:25

nda vunannya Muasuria mu kivala kyange, nda mu duvagira isi wevirenge mu vigulu vyange: kunangwa inira yeye i la twula kuvo, nemisigo gyigye gyi la twula ku ma vega gavo.

Isaya 19:16

Mu lidiku yilyo Avaegepeti va la fwanana navakali; na va la degera nokutia kigira lisung'usa lyomukono gwa Yahova wa mahe, gwa a sung'usanga kuvo.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Isaya 44:27

u voleranga luliva, Kama, nda kaminya migera gigyo;

Isaya 51:10

Si a li ive wa kaminya inyanza, amadzi goluliva lunene; kya kola ululiva lwenyanza kuva inzira yavatungirwa va vite kuyo?

Isaya 51:9

Vuka, vuka, wivike ubunyali, O mukono gwa Yahova; vuka, kuli ga li mu madiku ga kale, mu makula goku matsyambiri. Si a li ive wa kalaga Rahabu vidonye, nokuhudula gunani?

Ezekieli 30:13

Mwami Nyasaye a vola ndi: Nda dividza vifwananyi vyavo, na nda heridza vifwananyi vya vutswa mu Nofu; a la vula kunyoleka munene u twulanga mu kivala kya Egepeti: nda vika ubutii mu kivala kya Egepeti.

Zefania 2:13

Naye a la nyira mukono gwigwe ku luvega lwa kasikasini, nokudividza Asuria; Nineve a la li kola kuva hatsua, ne Iyumu kuli kyangalangwi.

Likunula 16:12

Kandi wa vatano na mulala yagulula kituva kikye ku mugera munene, Farati; kandi amadzi gagwo guma, inzira i lomberwe avami ava twula ebutwuliru bweliuva.