Zekaria 1:16 - KITABU KITAKATIFU

¹⁶ Kigira yaga Yahova a vola: Mmali kwirana ku Yerusalemi netsi mbabasi; inyumba yange i lombakwa mulyo, Yahova wa mahe a vola, nomugoye gu la nyirwa ku Yerusa lemi.

Zekaria 1:16 ပူးပေါင်းရင်းမြစ်များ

Ayubu 38:5

Ni bwaha wa laga vigero vyalyo, nu u va nu u manya? Kinga ni bwaha wa nyira mugoye kukyo?

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 34:11

Navutswa ki la menywa na magungu nevilungu; na makuuli na majikolo ga la menya yo: na a la nyira kukyo mugoye gwokugenya, na magina ga vutswa.

Jeremia 30:18

Yahova a vola: Henza, ndirannya kandi lyadikidzwa lya mahema ga Yakobo, na nda vererera ubumenyo bwibwe; nelidala li lombakwa ku vyanyi vyalyo vyene, nenyumba yobwami i la menywa ku lilonda mwimagwayo.

Ezekieli 40:3

Na ya ndeta yo; na, henza, ya li ho mundu musatsa, wa lifwana lilye lya li kuli lifwana lyomugasa, naye ya li nomugoye gwekatani mmu kono gwigwe, nekidundu kyokugera; na ya singira mu kiribwa.

Ezekieli 47:3

Mundu uyu lwa ya tsia ku lulwevuzwe, na ya li nomugoye gwokugera mmukono gwigwe, ya gera ligera lvamakono eifu, na ya mbitidza hagati ha madzi, amadzi ga duka ku vidze Jedzege vyevirenge vyange.

Ezekieli 48:35

Li la va ligera lyevidundu tsielfu likumi na tsitano na tsivaka, kukumbiridza tsimbega tsyosi: na lieta lyelidala kutwula ku lidiku yilyo li la va, Yahova a veye ho.

Haggai 1:14

Na Yahova ya vukidza mwoyo gwa Zerubabeli mwana wa Shealitieli, wa li govuna wa Buyuda, nomwoyo gwa Joshua mwana wa Jehozadaku, musalisi munene, nemyoyo gyavandu vosi avatigala; navo va tsia ni va kola miyinzi mu inyumba ya Yahova wa mahe, Nyasaye wavo,

Zekaria 10:6

Na nda vika tsingulu ku inyumba ya Yuda, na nda honnya inyumba ya Yosefa, na nda galukidza yavo kandi; kigira mba vereye tsimbabasi; navo va la va kuli ava nda vula kuta: kigira mbeye Yahova Nyasaye wavo nda va hulira.

Zekaria 2:4

na ya mu volera, Nyagula, u volere musoleli uyu, u mu volere, Avandu va la menya mu Yerusalemi kuli mu tudala tu ta li na madigi getsingaga, kigira bunyingi bwa avandu nemitugu mulyo.

Zekaria 2:5

Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

Zekaria 2:6

He, he, mwiruke kutwule mu kivala kya kasikasini, Yahova a vola; kigira nda salannya mwinye kuli tsimbuudza tsine tsyomigulu, Yahova a vola.

Zekaria 4:9

Makono ga Zerubabeli ga mali kutema muse gyenyumba yiyi, makono gege gene yago ga la gi mala; na ive u la manya ni Yahova wa mahe wa ntuma inze ku mwinye.

Zekaria 8:3

Yahova a vola: Mmali kwirana ku Zioni, na nda menya hagati ha Yerusalemi: na Yerusalemi li la langwa Lidala lya geligali; na Kigulu kya Yahova wa mahe, Kigulu kitakatifu.