Zekaria 1:12 - KITABU KITAKATIFU

¹² Hene yaho ingelosi wa Yahova ya tivula na a vola, O Yahova wa mahe, kuduka inyinga ki ive u la sula kuvererera Yerusalemi na madala ga Yuda, aga u veye nobutima kugo mihiga yigyi makumi gatano na gaviri?

Zekaria 1:12 ပူးပေါင်းရင်းမြစ်များ

2 Kyetsinyinga 36:21

kudukidza likuva lya Yahova ku munwa gwa Jeremia, kuduka kivala kya dukidza masa bato gakyo; kigira kya li nelisabato ku madiku gosi gelyoneka lyakyo, kuduka mihiga makumi gatano na gaviri.

Zaburi 102:10

Kigira ubutima bubwo na livihirirwa lilyo: Kigira u ng'ingi, nokuntuula hasi.

Zaburi 102:13

U la singira kuvererera Zioni; Kigira inyinga yokumuvererera i duki Yee, inyinga ya lagwa i mali kuduka.

Zaburi 69:5

O Nyasaye u manye ubusiru bwange; Na ubwoni bwange si bu viseywi ku ive.

Zaburi 74:10

O Nyasaye, mudambidzi a la nyega kuduka inyinga ki? Musigu a la lega lieta lilyo mihiga nemihiga?

Zaburi 79:5

O Yahova, tsinyinga tsyanga? U la vihirirwa mihiga nemihiga? Likendeka lilyo li laaka kuli muliru?

Kohelethu 3:3

inyi nga yokwiita, nenyinga yokuhonnya; inyinga yokusambula, nenyinga yo kwombaka;

Isaya 47:6

Nda vihirirwa avandu vange, nda vika ubudamano ku miyandu gyange, nda va vika mmu kono gugwo; ive wa vula kuvavererera; na wa vika inira yoyo ku vasakulu nobuliduhu ligali.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Jeremia 12:4

Kivala ki la syoma ku duka inyinga ki, netsingutsa tsyekivala kyosi tsi niala? Kigira ubudamano bwa yavo ava menyanga mukyo, tsinyama tsi divi, na manyonyi; kigira va vola, Uyu si a la lola kiheri kyetu mba.

Jeremia 15:17

Nda wla kwikala mu livugana lya yava ava syevanga, kandi nda vula kusangala; ndikala tsyeng'ine kigira mukono gugwo; kigira u nzizulitsi ubutima.

Jeremia 29:10

Kigira Yahova a vola, Babuloni lwa li dukidzwa mihiga makumi gatano na gaviri, inze nda luuta mwinye, na nda mu dukidzira likuva lyange lilahi, kumwirannya hano.

Jeremia 30:18

Yahova a vola: Henza, ndirannya kandi lyadikidzwa lya mahema ga Yakobo, na nda vererera ubumenyo bwibwe; nelidala li lombakwa ku vyanyi vyalyo vyene, nenyumba yobwami i la menywa ku lilonda mwimagwayo.

Danyeli 12:6

Na mulala ya volera mundu wevika ingubo yekatani, wa li ku madzi gomugera igulu, na a vola, I la va inyinga ki kuduka ku kiheri kyevindu vyokugennya yivi?

Danyeli 9:2

mu muhiga gwokutanga gwelyameha lilye, inze, Danyeli, nda manya ku vitabu hesabu yemihiga ya makuva ga Yahova aga duka ku Jeremia muprofeti, ku litwekidza lyelyoneka lyelidala lya Yerusalemi, gyi veye mihiga makumi gatano na gaviri.

Habakuk 1:2

O Yahova, ndanira ive kuduka inyinga ki, na ive nu u vula ku mbulira? Nyaniranga ive kigira kirage, na ive si wenya kukonya.

Zekaria 1:8

Inze nda lola mbudiku, na, henza, mundu a ninanga ku iparasi inzakanyu, na a singira hagati hemisala gyemiyandasi gyi veye mwivona; kandi inyima wewe tsya li ho tsiparasi, tsinzakanyu, ne tsisernbe, ne tsindavu.

Zekaria 7:5

U volere avandu vosi vekivala, na avasalisi, u va volere, Lwa mu honga lilia nokusyoma ku mweli gwa katano noku mweli gwa katano na kaviri, mu mihiga yigyi makumi gatano na gaviri mwa honga lilia ku inze, ku inze ligali?

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Likunula 6:10

navo va lira nomwoyo munene, ni va vola Mwami mutakatifu noweligali, kuduka inyinga ki, ive u vuli kukalaga nokuvanza kisalya kya masahi getu ku va menya mu lirova?