5 Yahova hagati hehe a veye mulungi; si a la kola bwoni mba; mugamba na mugamba a lang'aminyanga likalaga lilye, si a geheranga mba; navutswa uyu mu kyamu si a manya tsisoni mba.
Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?
Tsinyinga tsyosi tsya ki vita hagati, ki la vugula mwinye; kigira ki la vita mugamba nomugamha, inyi nga yombasu na inyinga yobudiku; i la va litihidza lyere kumanya likuva.
Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.
O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.
Va lola tsisoni lwa va kola kivihiri? Auwa, si va lola tsisoni kali hakuzu, kandi si va nyala kuva isoni; kunangwa kigira yaga va la gwa mu yavo ava gwidzanga; lwa ndi duka kuvo va la tuulwa hasi, Yahova a vola.
Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.
Navutswa mwinye mu vola, Inzira ya Yahova si i veye inungi mba. Hulira kalunu, O inyumba ya Israeli: Inzira yange si i veye inungi? Tsinzira tsyenyu si tsi veye tsinkyamu?
Li la va ligera lyevidundu tsielfu likumi na tsitano na tsivaka, kukumbiridza tsimbega tsyosi: na lieta lyelidala kutwula ku lidiku yilyo li la va, Yahova a veye ho.
Ibwaha u veye nobugeeri, nowokumanya vindu yivi? Ni bwaha u veye netsiganagani a vi manye? Kigira tsinzira tsya Yahova tsi veye tsinungi, na avobulungi va la genda mutsyo; navutswa avamahyolo va la gwa mutsyo.
Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.
Kigira ki u mannyanga inze ubudamano, kigira ki u henzanga ubukyamu? Ki gira ubwoneku nekirage vi veye imbiri wange; kandi ubulwani nelihing'ana vi vuki.
Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.
Yahova u mali kutwulidza likalagirwa lilyo, musigu wowo u tebeywi kyova: Mwami wa Israeli, uyu Yahova, a veye hagati hoho; si u la tia ubudamano kandi mba.
Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba.
U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri
Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.
Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.
kigira Yahova Nyasaye wowo a gendanga mu hokusosa, kukuhonnya, nokukuvikira havulavu vasigu vovo imbiri wowo; kigira yaga hokusosa hoho ha ve hatakatifu, gase a la lola ku ive kindu ki ta li kisiyeku, na a la girunkana kukuleka.
Kandi ni mu va ni mu mwaniranga kuli a veye Dada, u kalagira mundu sa mulala kuli miyinzi gyigye, bugira lyeridza mu ve neliva lyenyu lyobumenya mu butii: