Zefania 3:4 - KITABU KITAKATIFU

⁴ Avaprofeti veve va veye avavutswa, na va tumekira ubugadi; avasalisi veve vononnya hatakatifu, va koleye lilaga kirage.

Zefania 3:4 ပူးပေါင်းရင်းမြစ်များ

Isaya 9:15

Na mukulundu na mundu wolu yali, uyu a veye mutwe; nomuprofeti wegidzanga makuva gobubehi, uyu a veye mukira.

Jeremia 23:32

Henza mbeye nobusigu ku yavo ava profetanga amaloto gobubehi, Yahova a vola nokugavola, nokwikigitalidza avandu vange na makuva gavo gobubehi; nelyegingira lyavo lya vutswa: navutswa inze si nda va tuma mba, kandi si nda va laga; kandi si va konya avandu yavo kali hakuzu mba, Yahova a vola.

Jeremia 34:19

avanene va Yuda, navanene ve Yerusalemi, nevitsiri, navasalisi, navandu vosi avekivala vosi va vita hagati hevidonye vyombi vyekimoli;

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Ezekieli 22:26

Avasalisi veve va kyaminyi lilaga lyange, no kwononnya vindu vyange vitakatifu: si va vika lyavukannya hagati hevitakatifu na vi tumekirangwa kazozo, kandi si va mannyi avandu lyavukana hagati hevindu vyobubi nevilahi, netsimoni tsyavo tsi visiywi ku masabato gange, na inze ndegannyiywi hagati havo.

Ezekieli 22:6

Henza avanene va Israeli, sa mulala kuli tsingulu tsitsye tsi veye va li mu ive kutahidza masahi.

Ezekieli 44:23

Navo va legidza ava ndu vange kuli vi veye nelyavukana vitakatifu na vya kazozo, nokuvegidza va duke kumanya lyavukannya hagati hekidamano nekilahi.

Hosea 9:7

Madiku gelidukirwa lyavo ga duki, madiku gelitunga ga duki; Israeli a la manya: muprofeti a veye musiru, umundu a veye na roho a veye mulalu, kigira ubunyingi bwobudamano bubwo, kandi kigira ubusigu bu veyebunyingi.

Mika 2:11

Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Malaki 1:6

Mwana muyai yidzominyanga dada wewe, na mutumekiri yidzominyanga wa mu tuga: kunangwa ni mba ni mbeye dada, lidzominywa lyange li veye haliha? Ni mba ni mbeye munene, litibwa lyange li veye haliha? Yahova wa mahe a tevanga mwinye, O avasalisi, ava leganga lieta lyange. Na mu vola, Kwinye ku legeye lieta lilyo ku kindu ki?

Malaki 2:7

Kigira ga dukira minwa gyomusalisi kulinda limanya, kandi ga va dukira kwenya lilaga mu munwa gwigwe: kigira a veye mutumwa wa Yahova wa mahe.

Malaki 2:8

Navutswa mwa girunnkana nokuleka inzira zana; mwikigitalidzi avanyingi mu lilaga; mwononnyi lilagana lya Levi, Yahova wa mahe a vola.

Matayo 7:15

Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu.

2 Vakorintho 11:13

Kigira ava ndu kuli yava va veye avatumwa vobubehi, ava kolanga miyinzi gyobugadi, ni vegirunkannya avene kugwa kuli avatumwa va Kristo.

1 Yohana 4:1

Avayanze, mu ta suuvira roho gyosi, navutswa mu geridze roho, ni gyi va ni gyi twula ku Nyasaye; kigira avaprofeti avobubehi avanyingi va twuli kutsia mu kivala.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Vakalagi 9:4

Na va mu ha vidonye vyefetha makumi gatano na gaviri vya twula mu inyumba ya Baal-berithu, nakyo Abimeleku ya tunga avandu avoluyai navatamanyi, va mu londe.

1 Samweli 2:22

Kunangwa Eli ya li musakulu ligali; na ya hulira amakuva gevindu vyosi vyavana veve va kolera Israeli vosi kandi kuli va gona navakali va tumikanga ha muliango gwelihema lyokuvugana mu.