Zefania 3:20 - KITABU KITAKATIFU

²⁰ Inyinga yeyo nda leta mwinye ku mwingeridza, inyinga yeyo nda mu vungidza halala; kigira nda mu kolera lieta nelidzominywa mu avandu vetsihiri tsyosi tsyomu lirova, lwa ngalukidza lyadikidzwa lyenyu imbiri wetsimoni tsyenyu, Yahova a vola.

Zefania 3:20 ပူးပေါင်းရင်းမြစ်များ

Zaburi 35:6

Inzira yavo i ve nekisundi nobuterere Na ingeiosi wa Yahova a va kunganga.

Isaya 56:5

Nda haana kuvo lidzulitsa na ameta mu inyumba yange, mu madigi gange ga li va malahi kuvita kuva navayai navakana; nda va ha lieta lyemihiga nemihiga, li la vula kutwulidzwa.

Isaya 56:8

Yahova Nyasaye wa vungidza halala yavo avatebwa va Israeli, a vola, Halala na yaga nda vungidza avandu kuye, ukuvita yavo aveve va vungidzwa.

Isaya 60:15

Kuli wa lekwa nokudunyirwa, kuduka ni ha vula kuva nomundu wa vita hagati hoho, nda ku kola u ve ubunene bwemihiga nemihiga, ubusangali bwa makula manyingi.

Isaya 61:9

Na kisukululwi kyavo ki la manyekana mu tsihiri, na lwivulu lwavo lu la manyekana mu vetsihiri: vosi ava va lola va la va bugirira, kuva kisukululwi kya Yahova ya gasidza.

Isaya 62:12

Na va la va langa Avandu vata katifu, Ava Yahova ya tungira: na ive u la langwa Wenyangwa, Lidala li vula kulekwa.

Isaya 62:7

kandi mu ta mu ha lisosa, kuduka lwa a dinyeridza, nokukola Yerusa lemi kuva lidzominywa mu lirova.

Isaya 66:22

Kigira kuli ligulu lihya nelirova Iihya, lya nda lomba, vi menya imbiri wange, Yahova a vola, ni ndiyo kisukululwi kyenyu ki la menya, ni lieta lyenyu.

Jeremia 23:3

Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 30:3

Kigira, henza amadiku gadzanga, Yahova a vola mu madiku yago nda girunkannya kandi lyadikidzwa lyavandu vange Israeli na Yuda, Yahova a vola; nda virannya virane mu kivala kya nda ha avaguga vavo, na va li ki gumira.

Jeremia 33:9

Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

Ezekieli 16:53

Na ndirannya lyadikidzwa lyavo, lyadikidzwa lya Sodoma navakana veve, na lyadikidzwa lya Samaria navakana veve, na lyadikidzwa lya vahambe vovo ava veye hagati havo;

Ezekieli 28:25

Mwami Nyasaye a vola ndi: Lwa mmala kuvungidza inyumba ya Israeli kutwula ku avandu va va sa lanywa mu, nokutakaswa muvo imbiri wetsihiri, hene yaho va la menya mu kivala kyavo kya nda ha mutumekiri wange Yakobo.

Ezekieli 34:16

Ndenya lya gota, nokuleta kandi lya kungwa, nokuboherera lya vunika, nokuha tsingulu lya kenya, na manetu na getsingulu nda ga dividza; nda ga lihidza mu likalaga.

Ezekieli 37:12

Kunangwa u profete, u va volere, Mwami Nyasaye a vola ndi: Henza, nda kunula vilindwa vyenyu, nokumutwulidza mu twule mu vilindwa vyenyu, O avandu vange; na nda leta mwinye nokumuvika mu kivala kya Israeli.

Ezekieli 37:21

U va volere, Mwami Nyasaye a vola ndi: Henza, nda vugula avana va Israeli va twule hagati hetsihiri, tsya va tsia mu, na nda va vungidza tsimbega tsyosi, noku va leta nokuvavika mkivala kyavo avene:

Ezekieli 39:13

Yee, avandu vosi avekivala yikyo va la va ta; inkuva yeyo i la va likuminywa kuvo mu lidiku lya ndidzominywa, Mwami Nyasaye a vola.

Ezekieli 39:28

Navo va la manya inze mbeye Yahova Nyasaye wavo, kigira nda vadikidza va tsie mbutugwa hagati hetsihiri, kandi mmali kuvavungidza virane mu kivala kyavo; si nda leka yo mulala kuvo kandi mba;

Joeli 3:1

Kigira, henza, mu madiku yago, na inyinga yeyo, lwa ndirannya lyadikidzwa lye Buyuda na lye Yerusalemi,

Amosi 9:14

Na nda galukidza kandi lyadikidzwa lyavandu vange Israeli, navo va lombaka madala aga ng'anywa, nokumenya mugo; na va la taga milimi gyemizabibu, na va la nwa iwaini yagyo; na va la lomba milimi, na va la lia makuyu gagyo.

Mika 2:12

Ligali nda vungidza mwinye vosi, O Yakobo; ligali nda vungidza va tigala va Israeli; nda va vika halala kuli magondi ga Bozra, kuli kyayo hagati hekyairu; va la kola liyoga ligali kigira ubunyingi bwavandu.

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Zefania 2:7

Na luginga lu la va lwavatigala venyumba ya Yuda; va laya magondi gavo ha zana; inyinga ya mgolova va la gona mu tsinyumba tsya Ashikelon; kigira Yahova Nyasaye wavo a ladza kuvo, nokugalukidza lyadikidza lyavo.

Zefania 3:19

Henza, inyinga yeyo nda kola inkuva ku vosi avadambidzanga ive; na nda honnya uyu u segeranga, na ava kungwa nda va vungidza; nda va kola kuva lidzominywa, nelieta avetsisoni tsyavo tsya li mu lirova lyosi.

Zekaria 8:13

Kandi ga la va kuli mwa li neli laamwa mu tsihiri, O inyumba ya Yuda nenyumba ya Israeli, ni ndiyo ndi mu honnya, na mu la va ubugasu. Mu ta tia mba, navutswa makono genyu ga ve netsingulu.

Zekaria 8:8

nda va leta, na va la menya hagati ha Yerusalemi; va la va avandu vange, na inze nda va Nyasaye wavo, mu geligali nomu bulungi.

Malaki 3:12

Na tsihiri tsyosi tsi la mu tala mu veye avobuyanzi; kigira mu la va kivala kyokuyanzidza ligali, Yahova wa mahe a vola.

Kwidzulitsa 26:18

na Yahova weyami ive lero ndi kuva ihiri yeye mwene, kuli ya ku suuviridza, kandi ga ku dukira kugumira lilaga lilye lyosi;

Kwidzulitsa 26:19

na a la ku vika igulu ku tsihiri tsyosi tsya ya lomba, ku ubukumi, noku lieta, noku lidzominywa; u duke kuva ihiri intakatifu ku Yahova Nyasaye wowo, kuli ya vola.