Zefania 3:13 - KITABU KITAKATIFU

¹³ Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.

Zefania 3:13 ပူးပေါင်းရင်းမြစ်များ

2 Kyetsinyinga 20:30

Ma bwami bwa Jeho shafatu bwehodzeridza; kigira Nya saye wewe ya mu ha busosi ku tsi mbega tsyosi.

Ayubu 11:19

Kandi u la gona hasi, na si ha la va nowokukutihidza; Yee, vanyingi va lenya mmoni mumwo.

Zaburi 119:3

Yee, va vula kukola ubu ta li ubulungi; Va gendanga mu tsinzira tsitsye.

Zaburi 120:2

O Yahova, u honnye mwoyo gwange ku minwa gyobubehi Noku ululimi lwobugadi.

Zaburi 120:3

U la hebwa ki, kandi u la medwa ki, Ive ululimi lwobugadi?

Zaburi 23:2

A nzimirira ha ntsia kugona mirago A mbila kuduka himbi hamadzi ga lengeye.

Isaya 17:2

Madala ga Aroeri ga lekwa; ga la va gevyayo vyamagondi ga gona yo, na si ha veye na u nyala kugatihidza.

Isaya 35:8

Na ha zana ha la va lihasi, nenzira, na i la langwa Inzira yobutakatifu; ava ta li avanifu si va li genda kuyo; navutswa i la va ya yavo: avandu volugendo, kali ni va veye avasiru, si va li hyolera kuyo.

Isaya 54:14

U la dinyeridzwa mu bulungi: u la va ihale ku lidambidza, kigira si u la tia mba; na ihale ku litihidza, kigira li la vula kwisunda himbi ku ive.

Isaya 6:13

Navutswa ni ki nyoleka kidieli kyelikumi mu kivala, ki la libwa kandi: kuli muvinde, na kuli mugandi gwekitinya kyagwo kya tigala, ha gwa temwani ndiyo kisukululwi kitakatifu ki veye kitinya muvo.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 63:8

Kigira ya vola, Ligali, va veye avandu vange, avana ava li vula kukola nobugadi: kunangwa ya li Muhonnyi wavo.

Isaya 65:10

Na Sharon ki la va kego kyevyayo, nelivona lya Akori ha la va hetsing'ombe tsi gona, kigira avandu vange va nyenyi.

Jeremia 23:4

Na nda singeridza kuvo avayi, avokuvaya; na si va la tia kandi, kinga kutimuka enkolo, kandi si ha la va nomulala u gota, Yahova a vola.

Jeremia 30:10

Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Ezekieli 39:26

Navo va la ginga tsisoni tsyavo, namahyolo gavo gosi aga va hyola ku inze, lwa va li menya nemirembe mu kivala kyavo avene, na si ha la va ho nomundu kali mulala wokuvatihidza;

Joeli 3:17

Kunangwa mu la manya inze mbeye Yahova Nyasaye wenvu, u menyanga mu Zioni kigulu kyange kitakatifu: ma Yerusalemi li la va litakatifu, na avageni si va la vita hagati halyo kandi mba.

Joeli 3:21

Na ndogidza amasahi gavo aga nkikiri kwogidza: kigira Yahova a menya mu Zioni.

Kyavalevi 26:6

Na nda mu ha mirembe mu kivala, na mu la gona, kandi si ha la va no nyala kumutihidza: na nda heridza tsinyama tsindamano mu kivala kyenyu, kandi kivavi si ki la vita mu kivala kyenyu.

Mika 4:4

Navutswa va likala sa mulala isi womuzabibu gwigwe kinga isi womukuyu gwigwe; si ha veye nomu ndu kali mulala u va tihidza mba: kigira munwa gwa Yahova wa mahe gu voye yaga.

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Mika 7:14

U lihidze avandu vovo nempimbo yoyo, kyayo kyemiyandu gyigyo, yavo ava menyanga veng'ine, mu mulitu gu veye hagati ha Karimeli: vaye mu Bashan na Gileadi, kuli vaya mu madiku ga kale.

Zefania 2:7

Na luginga lu la va lwavatigala venyumba ya Yuda; va laya magondi gavo ha zana; inyinga ya mgolova va la gona mu tsinyumba tsya Ashikelon; kigira Yahova Nyasaye wavo a ladza kuvo, nokugalukidza lyadikidza lyavo.

Zefania 3:5

Yahova hagati hehe a veye mulungi; si a la kola bwoni mba; mugamba na mugamba a lang'aminyanga likalaga lilye, si a geheranga mba; navutswa uyu mu kyamu si a manya tsisoni mba.

Zekaria 8:12

Kigira bu la va ho bugutsa bwemirembe; muzabibu gu la leta makuyu gagwo, na marova ga lama limedeka lyago, na ligulu li la leta lime lyalyo; nda ha vandu va tigala miyandu gyevindu yivi vyosi.

Zekaria 8:16

Yaga namakuva ga mu li kola: Mu volerane samulala nomutende wewe makuva geligali; mu kalage likalaga lyeligali nemirembe mu viribwa vyenyu;

Zekaria 8:3

Yahova a vola: Mmali kwirana ku Zioni, na nda menya hagati ha Yerusalemi: na Yerusalemi li la langwa Lidala lya geligali; na Kigulu kya Yahova wa mahe, Kigulu kitakatifu.

Matayo 13:41

Mwana wa Adamu a la tuma tsingelosi veve, navo va la vungidza mu bwami bwibwe vindu vyosi vikigitalidza, navo ava kola ubwoni,

Yohana 1:47

Yesu ya lola Natanaeli yadza kuye, na a vola kuye, Henza, Muisraeli weligali, u ta li nobugadi

Vakolosai 3:9

mu ta veherana avene navene; kigira mu mali kufwuvula mundu wa kale halala nelikola lilye,

1 Petro 3:14

Navu tswa ni mu va ni mu saliridzwa kigira ubulungi, mu veye nobugasu: kandi mu ta tia litihidza lyavo, kandi mu ta henda myoyo;

1 Yohana 5:18

Ku manya, ku vosi wivulwa kutwula ku Nyasaye si a kola ubwoni; navutswa wivulwa ku twula ku Nyasaye yelinda, na mudamano si a mu dira mba.

Likunula 14:5

Kandi ububehi si bwa nyoleka mu minwa gyavo; kigira si va veye nekindu kuvo.

Likunula 21:27

kandi ku vyosi ki veye kinyaviru, kandi uyu u kolanga livihiriridza nobubehi si va lingira mba: navutswa yava ava ng'odua mu kitabu kyelivamwoyo.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.