Zefania 2:9 - KITABU KITAKATIFU

⁹ Kunangwa kuli inze mbeye mwoyo, Yahova wa mahe a vola Nyasaye wa Israeli, Ligali Moabu a la va kuli Sodoma, navana va Amon va la va kuli Gomora, ha la va miyandu gyelitambadza, nobogo bwo munyu, na hatswa kazozo: navandu vange va eigala va la va lanya, na va tigala ve ihiri yange va la va nyola kuva miyandu.

Zefania 2:9 ပူးပေါင်းရင်းမြစ်များ

Isaya 11:14

Na va la buluka hasi nokuduka ku mavega ga Vafilisiti ku luvega lwemadioli; navo halala va lononnya avana vevugwe: va la nyira mukono gwavo ku Edom na Moabu; na vana va Amon va la va hulira.

Isaya 25:10

Kigira mukono gwa Y ahova gu la sosera mu kigulu yiki; na Moabu a la duvagirwa hasi ha bugono hehe, kuli bunyasi bu duvagirangwa hasi mu madzi gesina.

Isaya 49:18

Ginga tsimoni tsitsyo, u henza tsimbega tsyosi: yavo vosi avevungidza halala vadzanga ku ive. Kuli inze mbeye mwoyo, Yahova a vola, ligali ive u livika yava vosi kuli kwivika kiju kyobukumi, nokweboha yava, kuli mwiha.

Jeremia 46:18

Kuli inze mbeye mwoyo, Mwami a vola, welieta lilye li veye Yahova wa mahe, ligali kuli liva lya Taboru mu vigulu, kandi kuli liva lya Karimeli himbi nenyanza, ni ndiyo uyu a lidza.

Jeremia 48:1

Ku Moabu. Yahova wa mahe, Nyasaye wa Israeli, a vola ndi. O bayaye ku Nebo kigira li lekeywi vutswa; Kiriathaim li leganyeywi, li vuguywi: Misigabu, li leganveywi, nokusasugulwa.

Jeremia 49:1

Ku avana va Amoni. Yahova a vola: Israeli si a veye navana vayai? Si a veye nowemiyandu? Kigira ki Malikam a gumiye Gadi, navandu veve va menya mu madala gakyo?

Jeremia 49:18

Kuli ga li mu litung'aminywa lya Sodom na Gomora namadala ga li himbi nago, Yahova a vola, si ha veye nomundu u menya yo, kandi si ha veye nomwana womundu kali mulala u menya mulyo mugeni.

Jeremia 49:33

Hazoru li la va hobumenyo bwevibwe, li la va kyanyi mihiga nemihiga: si ha la va nomundu u menya yo, kandi si ha la va nomwana womundu u menya yo mugeni.

Jeremia 50:40

Ku li ga li lwa Nyasaye ya tung'a minya Sodoma na Gomora na madala aga li ahimbi nago, Yahova a vola; ni ndiyo si ha veye nomundu u rnenya yo, kinga mwana womundu u menya y o mugeni.

Amosi 1:13

Yahova ya vola ndi: Kigira mahyolo gavaka gavana va Amon, yee, kigira gane, si nda girunkannyira lihebwa mageli lyalyo; kigira vatannya avakali ava veye inda ava Gileadi, va duke kumeda lwako lwavo.

Amosi 2:1

Yahova a vola ndi: Kigira mahyolo gavaka ga Moabu, yee, kigira gane, si nda girunkannyira lihebwa mageli lyalyo; kigira ya samba vigumba vyomwami wa Edom kuduka kuva kilongo.

Zefania 2:14

Na vyayo vyetsing'ombe vi la gona hagati hehe, netsinyama tsyosi tsyetsihiri; neling'ang'a nekirungu vi la gona ku buguliliru bwatsyo; myoyo gyavo gyi la hulirwa mu madirisha: mu mukingi gwalyo ha la va hatswa: kigira u lang'aminye miyinzi gyomutaragwa.

Zefania 2:7

Na luginga lu la va lwavatigala venyumba ya Yuda; va laya magondi gavo ha zana; inyinga ya mgolova va la gona mu tsinyumba tsya Ashikelon; kigira Yahova Nyasaye wavo a ladza kuvo, nokugalukidza lyadikidza lyavo.

Zefania 3:13

Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.

Zekaria 2:13

Mu kiring'ane, mwinye mwosi avemibiri, imbiri wa Yahovakigira u vuki mbumenyo bwibwe butakatifu.

Livalidza 14:21

Navutswa kuli mbeve mwovo, na kuli lirova lyosi li lizula ubukumi bwa Yahova;

Varumi 14:11

Kigira ga ng'odwa, Kuli inze mbeye mwoyo, Mwami a vola amasigamo gosi ga la sigama imbiri wange, Ne tsinimi tsyosi tsi leyama imbiri wa Nyasaye.

Kwidzulitsa 29:22

Nelikula li la duka, avana venyu va li vuka inyima wenyu, nomugeni u li duka kutwula mu kivala kyehale, va la vola, lwa va lola maduya lyekivala yikyo, nobulwaye bwa Yahova ya ki kola kulwala;

Kwidzulitsa 29:23

na kuli kivala kyosi ki veye kibiridi, nomunyu, nalisamba, ki vule kutagangwa, kinga kwama, kinga ubulimu bu meranga mu mba, kuli li tung'aminywa lya Sodoma na Gomora, Adima na Zeboim, ga Yahova ya tung'aminya nobutima bwibwe, nelivihirirwa lilye