Zefania 2:7 - KITABU KITAKATIFU

⁷ Na luginga lu la va lwavatigala venyumba ya Yuda; va laya magondi gavo ha zana; inyinga ya mgolova va la gona mu tsinyumba tsya Ashikelon; kigira Yahova Nyasaye wavo a ladza kuvo, nokugalukidza lyadikidza lyavo.

Zefania 2:7 ပူးပေါင်းရင်းမြစ်များ

Litanga 50:24

Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

Zaburi 80:14

O Nyasaye wa mahe, ku goonya ive, wirane ku kwinye: Wumike ha u veye migulu, u henze, u linde muzabibu yigu,

Zaburi 85:1

O Yahova wa vera tsimbabasi kivala kikyo; Wiranyi lilanywa lya Yakobo.

Kutwula 4:31

Na avandu va suuvira: lwa va hulira Yahova yadza ku avana va Israeli, kandi ya lola ubusaliri bwavo, hene yaho vinaminya mitwe gyavo nokusigamira.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 11:14

Na va la buluka hasi nokuduka ku mavega ga Vafilisiti ku luvega lwemadioli; navo halala va lononnya avana vevugwe: va la nyira mukono gwavo ku Edom na Moabu; na vana va Amon va la va hulira.

Isaya 11:16

Kandi lihasi li la va ho lyavandu veve va tigala, ava twulanga Asuria; kuli lya li lya Israeli mu lidiku lya yanegira kutwula mu kivala kya Egepeti.

Isaya 14:1

Kigira Yahova a la vererera Yakobo, na a la tovola Israeli, na a la va vika mu kivala kyavo: na mumenya a la hambana navo, va la hambana nenyumba ya Yakobo.

Isaya 32:14

Na inyumba yobwami i la lekwa; lidala li veye navandu vanyingi ligali, li la va bugira mundu; kigulu nekitaradzi vi la va ubumenyo bwetsinyama madiku gosi, ubusangali bwetsisukiri tsyommulitu, ubwayiru bwamagondi;

Jeremia 23:3

Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 29:10

Kigira Yahova a vola, Babuloni lwa li dukidzwa mihiga makumi gatano na gaviri, inze nda luuta mwinye, na nda mu dukidzira likuva lyange lilahi, kumwirannya hano.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 3:18

Mu madiku yago inyumba ya Yuda i la genda halala nenyumba ya Israeli, navo va ladza halala kutwula ku kivala kya kasikasini, kuduka ku kivala kya nda ha avaguga venyu kuva imiyandu gyavo.

Jeremia 30:3

Kigira, henza amadiku gadzanga, Yahova a vola mu madiku yago nda girunkannya kandi lyadikidzwa lyavandu vange Israeli na Yuda, Yahova a vola; nda virannya virane mu kivala kya nda ha avaguga vavo, na va li ki gumira.

Jeremia 31:7

Kigira Yahova a vola ndi, Mwimbire Yakobo nobusangali, mu gingire umunene wetsihiri tsyosi mwoyo: mu landidze makuva, mwidzominye, mu vole, O Yahova u honnye avandu vovo, litigala lya Israeli.

Jeremia 32:44

Avandu va la gula milimi nefetha, nokung'oda ameta ku tsibaruwa, nokutsivika mihuri nokulanga avaloli, mu kivala kya a Benjamini, na hosi kutsimbega tsya Yerusalemi, nomu madala ga Yuda, nomu madala gekivala kyevigulu, nomu madala gekivala kyekereremu, nomu madala ga Kusini: kigira inze ndirznnya lyadikidzwa lyavo, Yahova a vola.

Jeremia 33:12

Yahova wa mahe a vola ndi Kali ga la va ho kandi hano, aha veye hatswa, ha ta li nomundu kinga inyama, nommadala gaho gosi, ubumenyo bwa avayi ava gonnyanga mu kivala magondi gavo.

Jeremia 33:7

Na ndirannya lyadikidzwa lya Yuda nelyadikidzwa lya Israeli, nokuvonbaka, kuli matsyambiri.

Jeremia 47:5

Kyole ki duki ku Gaza; Ashikelon li mali ku kiring'anywa ligali, nelitigala lyelivona lyavo: u lekalaga ku duka inyinga ki?

Ezekieli 39:25

Kigira yaga Mwami Nyasaye a vola: Kalunu ndirannya kandi lyadikidzwa lya Yakobo, nokuvererera inyumba yosi ya Israeli; na nda kendekira lieta lyange litakatifu.

Hosea 6:11

Kandi O Yuda, ligesa li lageywi ku ive, lwa nzirannya kandi lilanywa lyavandu vange.

Obadia 1:19

Navo ku luvega lwa Kusini va la vugula kigulu kya Esau, na vekivala kyekereremo va la vugula Vafilisiti, na va la vugula mulimi gwa Efiraim, nomulimi gwa Samaria; Benjamini a la vugula Gileadi.

Mika 2:12

Ligali nda vungidza mwinye vosi, O Yakobo; ligali nda vungidza va tigala va Israeli; nda va vika halala kuli magondi ga Bozra, kuli kyayo hagati hekyairu; va la kola liyoga ligali kigira ubunyingi bwavandu.

Mika 4:10

U ve nelilumwa u kupe lukwili u duke kwivula O mukana wa Zioni, kuli mukali wivu langa; kigira kalunu u la twula mu lidala, na u la menya mu mulimi, na u la duka kali ku Babuloni: ha zana u la honnyirwa ho, ha zana Yahova a la ku tungira u twule mmukono gwavasigu vovo.

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Zefania 2:9

Kunangwa kuli inze mbeye mwoyo, Yahova wa mahe a vola Nyasaye wa Israeli, Ligali Moabu a la va kuli Sodoma, navana va Amon va la va kuli Gomora, ha la va miyandu gyelitambadza, nobogo bwo munyu, na hatswa kazozo: navandu vange va eigala va la va lanya, na va tigala ve ihiri yange va la va nyola kuva miyandu.

Zefania 3:13

Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.

Zefania 3:20

Inyinga yeyo nda leta mwinye ku mwingeridza, inyinga yeyo nda mu vungidza halala; kigira nda mu kolera lieta nelidzominywa mu avandu vetsihiri tsyosi tsyomu lirova, lwa ngalukidza lyadikidzwa lyenyu imbiri wetsimoni tsyenyu, Yahova a vola.

Haggai 1:12

Hene yaho Zerubabeli mwana wa Shealitieli, na Joshua mwana wa Jehozadaku, musalisi munene, halala navatigala vosi vavandu, va hulira mwoyo gwa Yahova Nyasaye wavo, namakuva gomuprofeti, Haggai, kuli Yahova Nyasaye wavo ya mu tuma; navandu va tia imbiri wa Yahova.

Haggai 2:2

Kalunu u volere Zerubabeli mwana wa Shealitieli, govuna wa Buyuda na Joshua mwana wa Jehozadaku musalisi munene, navandu va tigala u va volere,

Luka 1:68

A gasidzwe Mwami Nyasaye wa Israeli; Kigira u henzi avandu veve, u va tungiye,

Luka 7:16

Nobutii bwa gumira vosi, ni vidzominya Nyasaye, ni va vola, Muprofeti munene u vuki mu kwinye: Nyasaye u henzi avandu veve.

Vikolwa 8:26

Navutswa ingelosi wo Mwami ya volera Filipu, na a vola, Twula, u tsie ha luvega lwakusini kuduka ku inzira yeyo i sulunguta kutwula Yerusalemi kuduka Gaza: i veye mu kyangalangwi.

Vikolwa 8:40

Navutswa Filipu ya loleka mu Azotu: kandi ya vita ni yilwadza ivangeli mu madala gosi kuduka Kaisaria.

Varumi 11:5

Kunangwa na ndiyo kandi inyinga ya kalunu va veho avatigaye mulitovola lyetsimbabasi.

Ruth 1:6

Naye ya vuka na vanavizala veve, a duke kwirana kutwula mu kivala kya Moabu: kigira ya hulira mu kivala kya Moabu kuli Yahova ya henza avandu veve kuvaha vyokulia.