Zefania 1:18 - KITABU KITAKATIFU

¹⁸ Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.

Zefania 1:18 ပူးပေါင်းရင်းမြစ်များ

Litanga 6:7

Na Yahova ya vola, Nda gotidza avandu ava nda lomba, va twule ku lirova; vyombi avandu na tsinyama, na vimolanga, na manyonyi gegulu; kigira ndeganira ku lilomba lyavyo.

1 Avami 14:22

Avandu va Yuda va kola budamano imbiri wa Yahova, na va mu kendekidza nobwoni bwavo bwa va kola, kuvita bwosi bwa vaguga vavo va kola.

Ayubu 21:30

Mundu mudamano a vikangwa ku lidiku lyekivi? Va hileywi kyova ku lidiku lyobutima?

Ayubu 3:15

Kinga halala navanene ava li nethahabu, Avizulitsa tsinyumba tsyavo ifetha:

Zaburi 78:58

Kigira va mu vihiriridza nevitumi vyavo vyobwali, Nokumukendekidza nevifwananyi vyavo vyavadzwa.

Zaburi 79:5

O Yahova, tsinyinga tsyanga? U la vihirirwa mihiga nemihiga? Likendeka lilyo li laaka kuli muliru?

Tsing'ano 11:4

Ubutugi si bu konya kindu mu lidiku lyobutima; Navutswa ubulungi bu honnyanga ku likudza.

Tsing'ano 18:11

Ubutugi bwomutugi bu veye lidala lilye lyolugaga Kandi li veye kuli lidigi litambi mu liganagana lilye munene.

Isaya 1:24

Kigira yaga Yahova a vola, uyu Yahova wa amahe, uyu Wanyala wa Israeli, O, inze ndeyahula ku yavo avasigu vange, nokuvanza kisalya kuvo ava hing'ana ninze;

Isaya 10:17

Na ubulavu bwa Israeli bu la va muliru na Mutakatifu a la va lumemo lwomuiiru; nalwo lu laaka nokusamba amafwa gege nolutavati lwilwe mu lidiku lilala.

Isaya 10:3

Na mu la kola ki mu lidiku lyokuhenzwa, nomu lidividza li la twula ihale? Mu lirukira ku bwaha kunyola bukonyi? Nobukumi bwenyu mu la bu vika haliha?

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Jeremia 7:34

Inyinga yeyo nda heridza mu madala ga Yuda, nomu tsinzira tsye Yerusalemi, mwoyo gwobusangali, mwoyo gwesango, nomwoyo gwosereye, nomwoyo gwo mwiha; kigira kivala ki la va vutswa.

Jeremia 9:11

Nda kola Yerusale ni kuva vitumi, ubumenyo vyevibwe; kandi nda kola madala ga Yuda vyanyi, avandu va vule kumenya mugo.

Ezekieli 16:38

Na nda kalagira ive, kuli vakali va kwebwa ava heyanga, nokutahidza masahi, va kalagirangwa; na nda leta ku ive amasahi gobutima nagembodoka.

Ezekieli 23:25

Na ndivika likendeka lyange ku ive, na va la ku kola nobutima; va la ku twulidza amolu gogo namatu gogo; nelitigala lilyo li la gwa ku kivavi: va la vugula avayai vovo navakana vovo; nelitigala lilyo li la hya nomuliru.

Ezekieli 7:11

Kirage ki vuki kuva impi mbo yobudamano; si ha la va notigala kuvo, kinga ku bunyingi bwavo, kinga ku butugi bwavo: kandi si ha la va nelyesyomera hagati havo.

Ezekieli 7:19

Va la ta ifetha yavo mu mahasi, na ithahabu yavo i la va kuli kindu kidamano; ifetha yavo nethahabu yavo si vi la nyala kuvahonnya mu lidiku lyobutima bwa Yahova: si va ligutidza myoyo gyavo, kandi si va ligutidza amala gavo; kigira ga veye lyekigitala lyobudamano bwavo.

Ezekieli 7:5

Mwami Nyasaye a vola ndi: Ubudamano, ubudamano bwere; henza, budzanga.

Zefania 1:11

Mu kupe tsikwili mwinye ava menyanga ha Makiteshi; kigira ava ndu vosi va Kanani va heri; vosi avemisigo gyefetha va twulidzeywi.

Zefania 1:15

Lidiku yilyo li veye lidiku lyobutima, nelidiku lyekivi nelidambidza, lidiku lyelidividza nelyokukola hatswa, lidiku lyekisundi na lya malesi, lidiku lyamalesi nekisundi kinene,

Zefania 2:2

lwa lilaga li kikiri kwi vula, lwa lidiku yilyo li kikiri kuvita kuli mukuudzi, lwobutima bululu bwa Yahova bu kikiri kuduka ku mwinye, lwa lidiku lyobutima bwa Yahova li kikiri kuduka ku mwinye.

Zefania 3:8

Kunangwa mu lindirire inze, Yahova a vola, kuduka ku lidiku lya ndivukira lihima; kigira ndi saaviyi kuvungidza halala avetsihiri, nduke kuvugannya halala ubwami, ntsuke ubutima bwange kuvo, kali ubutima bwange ubululu bwosi; kigira lirova lyosi li la sambwa nomuliru gwelikendeka lyange.

Matayo 16:26

Mundu na a nyola lirova lyosi navutswa a gotidza liva mwoyo lilye, li li ka mu konya ki? Kinga mundu a la gula ki liva mwoyo lilye?

1 Vakorintho 10:22

Naho ku kendekidza Mwami? Ku veye netsingulu kumuvita?

Kwidzulitsa 31:17

Hene yaho ubutima bwange bu laaka kuvo lidiku yilyo, na nda va leka, na nda visa mmoni mwange kuvo, va duke kumirwa, nobudamano bunyingi nekivi vi la duka kuvo, kuduka va vole lidiku yilyo, Ubudamano bunyingi yibu bu duki ku kwinye si ga veye kigira Nyasaye wetu si a veye hagati hetu?