Zefania 1:17 - KITABU KITAKATIFU

¹⁷ Na nda leta lidambidza ku avandu, va luhe va gende kuli avaboku, kigira va koli ubwoni ku Yahova; masahi gavo ga la tahidzwa kuli lugukyi, netsinyama tsyemibiri gyavo kuli isina.

Zefania 1:17 ပူးပေါင်းရင်းမြစ်များ

Zaburi 83:10

Ava diva ha Endoru, Ava gwa kuli amavululi ku lirova.

Isaya 29:10

Kigira Yahova u tsuki ku mwinye roho gwetsindolo tsinene, na u vakulidzi tsimoni tsyenyu avaproieti; na mitwe gyenyu, avaioli, u gyi kuniki.

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Jeremia 10:18

Kigira Yahova a vola ndi, Henza, inyinga yiyi nolukova lwokulasa nda ta avamenyi ku kivala yiki, nda va dambidza, va hulire kivi.

Jeremia 15:3

Nda laga kuvo tsing'ano tsine, Yahova a vola: kivavi kwiita, netsimbwa kutandula, na manyonyi gombwerefu, netsinyama tsindulu tsyekivala, kulia nokudividza.

Jeremia 18:21

Kunangwa kigira yaga haana avana yavo va lola inzala, u va haane va ve isi wetsingulu tsyekivavi; navakali vavo, avana va gote kuvo, navo va ve avakunzakali; na avasatsa vavo viitwe nelikudza, na vasoleli vavo vayai viitwe nekivavi mbulwani.

Jeremia 2:17

Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 3:25

Ku gone hasi mu tsitsoni tsyetu, na lileganywa lyetu li ku kunike; kigira ku koleye Yahova Nyasaye wetu ubwoni, kwinye navaguga vetu, kutwula busoleli bwetu kuduka lidiku lya lero yili; kwa vula kuhulira mwoyo gwa Yahova Nyasaye wetu.

Jeremia 4:18

Inzira yoyo nelikola lilyo vi ku nyoleye inkuva yiyi; henza ubudamano bubwo; kigira bu veye bululu, kigira bu dukanga ku mwoyo gugwo.

Jeremia 8:2

na va la vi vagala ku mbasu noku bwomweli, noku lihe lyosi iyomigulu, avanyasaye va va li ni va yanza, nokuvatumekira, nokuvalonda, nokuvenya, nokuvasi gamira: vi la vula kuvungidzwa, kandi vi la vula kutebwa, vi la va isina mmoni mwekivala.

Lisyoma lya Jeremia 1:14

Inira ya mahyolo gange, mukono gwigwe gu gi bohi; Ga hambannyeywi halala, ga nini kwigoti lyange; u heridzi tsingulu tsyange: Yahova u mbiki mu makono gavo, ava nta nyala ku singira kuvo mba.

Lisyoma lya Jeremia 1:18

Yahova nowobulungi; kigira inze nzebaaye ku lilaga lilye: Mwadza, mu huliye mwinye ava ndu vosi, mu lole livererera lyange: Avakana vagima vange, na vayai vange va tsiye mu lyadikidzwa.

Lisyoma lya Jeremia 1:8

Yerusalemi ya kola ubwoni ligali; kigira yaga u gwiye kuli kindu kidamano; Yavo ava li ni va mwidzominya va mu lega, kigira va loli kyahonyo kikye: Yee, a kenyanga, nokwegirunkannya a tsie inyima.

Lisyoma lya Jeremia 2:21

Muyai nomusakulu va gona hasi mu mahasi; Avakana vagima vange navasoleli vange va gwiye ku kivavi: U viiti ku lidiku lyobutima bu bwo; u viiti, na si u va vereye tsimbabasi mba.

Ezekieli 16:38

Na nda kalagira ive, kuli vakali va kwebwa ava heyanga, nokutahidza masahi, va kalagirangwa; na nda leta ku ive amasahi gobutima nagembodoka.

Ezekieli 24:7

Kigira masahi gege ga veye hagati hehe; ya ga vika ku lwanda igulu; si ya ga tsuka hasi kugafuma nolugukyi mba.

Ezekieli 24:8

Ga duke kuleta ubutima kuvanza kisalya, inze mmali kuvika amasahi gege ku lwanda igulu ga vule kufumwa.

Amosi 4:10

Nda leta hagati henyu iplegi ku lugano lwa Egepeti: ndiita avasoleli venyu nekivavi, netsiparasi tsyenyu ntsi twulidzeywi ku mwinye; na nda kola lifunya lya hokusosa henyu kwa negira igulu nokwingira mu amolo ge nyu: navutswa si mu galuki ku inze, Yahova a vola.

Mika 7:13

Halala na yaga kivala ki la va vutswa kigira yava ava menyanga mu kyo na kigira makuyu gelikola lyavo.

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.

Varumi 11:25

Kigira si nyenyi, mwinye avamitu, mu vule kumanya kya viswa yiki, gase mu la va nobugeeri bwenyu avene; ubudinyu bulala bu gwiriye Israeli, kuduka inyinga yobudukidza bwe Tsihiri bu duka kwingira;

Varumi 11:7

Kunangwa ni kindu ki? Ikya Israeli ya li ni yenya, yiki si ya ki nyola; navutswa avatovole va ki nyola, navandi va kolwa avadinyu:

2 Vakorintho 4:4

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

2 Petro 1:9

Kigira uyu u daka vindu yivi a veye muboku, u lolanga vi veye himbi vyeng'ine nokwivirira litakaswa lyobwoni bwibwe bwa kale.

1 Yohana 2:11

Navutswa u dunyira amwavo wewe a veye mu kisundi, kandi a genda mu kisundi, kandi si a manya wa a tsitsa, kigira kisundi kya vakulidza tsimoni tsitsye.

Likunula 3:17

Kigira u vola, Inze mbeye mutugi, kandi nyoye ubutugi, kandi si mbeye nelyenya kindu; kandi si u manya u veye mudambi, kandi u veye muyingu nomudaka nomuboku nomwere: