Zefania 1:14 - KITABU KITAKATIFU

¹⁴ Lidiku linene lya Yahova li veye himbi, li veye himbi lidzanga bwangu ligali, kali mwoyo gwelidiku lya Yahova; mundu wobunyali a liranga yo nobululu ligali.

Zefania 1:14 ပူးပေါင်းရင်းမြစ်များ

Isaya 15:4

Heshibon li liranga kandi, na Eleale; mwoyo gwavo gu hulirwa kuduka Jahazu: kigira yaga avandu vasatsa va Moabu ava li nevyuma, va kupa tsikwili ligali; mwoyo gwigwe gu degera muye.

Isaya 33:7

Henza, avaluviriri vavo va kupanga uluku kyova; avatumwa avemi rembe va liranga nobululu.

Isaya 66:6

Mwoyo gwekivihiri gu twulanga mu lidala, mwoyo gu twulanga mu litempeli, mwoyo gwa Yahova wa vanziranga kisalya yavo avasigu veve.

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Jeremia 25:36

Gu veye mwoyo gwolukwili lwavayi, nemyoyo gyelitsunwa gya avobunyali vekyayo kigira Yahova wononyi ubwayiru bwavo.

Jeremia 30:7

O bayaye kigira lidiku yilyo li veye linene, si ha li nelindi li fwana nalyo: li veye inyinga yekivi kya Yakobo; navutswa a la honywa kuyo.

Jeremia 46:5

Kigira ki ndoli inkuva yiyi? Va timuka enkolo na virana inyima; avaluviriri vavo va duywa, navo viruka, nokuvula kwekevuka; li veye litihidza tsimbega tsyosi, Yahova a vola.

Jeremia 48:41

Keriothu li vuguywe, netsimpinga tsi gumeywi, lidiku yilyo myoyo gya valuviriri va Moabu gyi la va kuli mwoyo gwomukali u lumangwa.

Ezekieli 12:23

Kigira yaga u va volere, Mwami Nyasaye a vola ndi: Nda heridza lugano yilu, va la vula kulutumekira kandi kuli lugano mu kivala kya Israeli; navutswa u va volere, Amadiku ga veye himbi, nobudukiru bwa malola gosi.

Ezekieli 30:3

Kigira lidiku yilyo li veye ahimbi lidiku lya Yahova li veye ahimbi; li veye lidiku lyamalesi, i la va inyinga yetsihiri.

Ezekieli 7:12

Inyinga i duki, lidiku li sundanga himbi: u gulanga a ta sangala, kinga mugulidzi a ta verera; kigira ubutima bu veye ku bunyingi bwavo bwosi.

Ezekieli 7:16

Navutswa ku yavo ava li hona va la hona, na va la va mu vigulu kuli makuulu go mmavona, vosi va la va ni va liranga, sa mulala ku budamano bwibwe.

Joeli 1:15

O Bayaye lidiku yili kigira lidiku lya Yahova li veye himbi, nalyo li la duka kuli lidividza li twula ku Wanyala Vyosi.

Joeli 2:1

Mu kupe kisiliva mu Zioni, mu kupe uluku mu kigulu kitakatifu kyange; na avamenyi mu kivala vosi va degere: kigira lidiku lya Yahova lidzanga, kigira li veye himbi;

Joeli 2:11

Na Yahova a vola nomwoyo gwigwe imbiri welihe lilye; kigira hokusosa hehe na hanene; kigira a veye netsingulu u kolanga likuva lilye; kigira lidiku lya Yahova li veye linene nelyokutihidza; ibwaha u nyala kwikudzera kulyo?

Joeli 2:31

Na liuva li la girunkanywa li gwe kisundi, na mweli gu la girunkanywa gu gwe masahi, lidiku lya Yahova linene na lyokutihidza li kikiri kuduka.

Joeli 3:14

Va veye ho avanyingi, avanyingi mwivona lyokutovolera mu kigira lidiku lya Yahova li veye himbi mwivona lyokutovolera mu.

Joeli 3:16

Na Yahova a la huuma kutwula mu Zioni, na a la vola kutwula Yerusalemi, na ligulu na li rova li la degera: navutswa Yahova a la va ubuhaliru bwa avandu veve, na a la va lugaga lwa avana va Israeli.

Amosi 8:2

Naye ya vola, Amosi, u lola ki? Na inze nda vola, Ndola kihinda kyamakuyu genyinga yoluya. Hene yaho Yahova ya mbolera, Avandu vange Israeli, kiheri kyavo ki duki kuvo; si nda va leka kandi mba.

Zefania 1:10

Kandi mu li diku yilyo, Yahova a vola, li la va ho liyoga lyelilira mu kiribwa kyetsisudzi, nelisyoma mu lusoma lwa kaviri, nomuliviti mu vigulu.

Zefania 1:7

Kiring'ana lwo Mwami Nyasaye a veye nive; kigira lidiku lya Yahova li veye ahimbi: kigira Yahova u lombi kihaanwa, u takasi avageni veve va ya langa.

Malaki 4:5

Henza, nda tuma Elija muprofeti, yadze ku mwinye ni li kikiri ku duka lidiku linene lyokutihidza lya Yahova.

Vikolwa 2:20

Liuva li la girunkanywa li gwe kisundi, Kandi mweli gu la girunkanywa gu gwe masahi Li kikiri kuduka lidiku lyo Mwami, Li veye linene nokumanyekana:

Vafilipi 4:5

Ubuhokya bwenyu bu mhnyekane ku vandu vosi. Mwami a veye himbi.

1 Vatesalonike 4:16

Kigira Mwami mwene a liika kutwula migulu nomwoyo munene, kandi nomwoyo gwengelosi munene kandi nogwekisiliva kya Nyasaye, na yavo va kudza mu Kristo va la simuguka imbiri;

Vahebraina 12:26

womwoyo gwigwe gwa degeridza lirova inyinga yeyo: navutswa kalunu u suuviridzi, na a vola, Inyinga yindi kandi nda degeridza, si li li lirova lyeng'ine, navutswa ligulu kandi.

Yakobo 5:9

Mu ta monyana avene navene, avamitu, mu duke kuvula kukalagirwa: henzi, mukalagi u singiye ku viliango.

2 Petro 2:3

Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.