Zefania 1:13 - KITABU KITAKATIFU

¹³ Nobutugi bwavo bu la va vilanye, netsinyumba tsyavo tsi la va hatswa: yee, va lombaka tsinyumba navutswa si va la menya mutsyo mba; va la simika mizabibu, navutswa si va la nwa iwaini yagyo mba.

Zefania 1:13 ပူးပေါင်းရင်းမြစ်များ

Isaya 6:11

Hene yaho nda teva, Yahova, kuduka inyinga ki? Naye ya ntivulira, Kuduka lwa madala ga kolwa mang'anye bugira mundu, netsinyumba bugira avandu, nekivala ki tigala kyere,

Jeremia 15:13

Ubutugi bubwo na akiba yoyo nda vi haana vi ve vilanye bugira kutungwa, ga veye kigira ubwoni bwavo bwosi, kali mu tsinzako tsyavo tsyosi.

Jeremia 17:3

O kigulu kyange kyomuiimi, nda haana ubutugi bubwo na akiba yoyo yosi vi ve vilanye na hadiguluku hoho kigira ubwoni mu tsinzako tsitsyo tsyosi.

Jeremia 4:20

Ubudivi igulu wo budivi bu lilirangwa; kigira kivala kyosi ki lanyeywi: mahema gange ga lanyeywi nonoho, netsingitu tsyange ku idagika indala.

Jeremia 4:7

King'ang'a kyanegiye kutwula mu liginga lyakyo, nomudividzi wetsihiri; a veye mu inzira, u mali kutwula hango hehe a duke kukola kivala kikyo kuva vutswa, amadala gogo ga kolwe vyanyi ga vule kuva nomundu mugo.

Jeremia 5:17

Va la lia ligesa lilyo, nobukima bubwo, ubwa, dukira ava na vovo vayai navakana kulagira; va la lia vyayo vivyo vyamagondi netsing'ombe; va la lia mizabibu gyigyo nemikuyu gyigyo: va la sambulannya madala gogo getsingaga, aga wa li ni wa suuvira, va la ga sambulannya nekivavi.

Jeremia 9:11

Nda kola Yerusale ni kuva vitumi, ubumenyo vyevibwe; kandi nda kola madala ga Yuda vyanyi, avandu va vule kumenya mugo.

Jeremia 9:19

Kigira mwoyo gwelisyoma gu hulirwa kutwula Zioni, kuvola, Ai, kwa lanywa kuli ndi ku genya ligali, kigira ku leki kivala, kigira va sambuye tsinyumba tsyetu.

Lisyoma lya Jeremia 5:2

Miyandu gyetu gyi girunkannyeywi kutsia ku vageni, Tsinyumba tsyetu tsi veye tsya avandu vandi.

Ezekieli 22:31

Kigira yaga ntsuki livihirirwa lyange kuvo; mmali kuvasamba nomuliru gwobutima bwange: ndeti inzira yavo avene ku mitwe gyavo, mwami Nyasaye a vola.

Ezekieli 7:19

Va la ta ifetha yavo mu mahasi, na ithahabu yavo i la va kuli kindu kidamano; ifetha yavo nethahabu yavo si vi la nyala kuvahonnya mu lidiku lyobutima bwa Yahova: si va ligutidza myoyo gyavo, kandi si va ligutidza amala gavo; kigira ga veye lyekigitala lyobudamano bwavo.

Ezekieli 7:21

Na nda vi vika mmakono gavageni kuva vilanye vyavo, noku vadamano vekivala kuva vihambe; navo va la vyononnya.

Ezekieli 7:24

Kunangwa nda leta avadamano ligali mu yavo avetsihiri, na va la gumira tsinyumba tsya yava: kandi nda heridza uluyai lwa vetsingulu; nomu hatakatifu havo mu lononnywa.

Amosi 5:11

Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

Mika 3:12

Kunangwa Zioni li la limwa kigira mwinye, na Yerusalemi li la gwa vitumi, na kigulu kyenyumb ki la va kuli hadiguluku homulitu.

Mika 6:15

U la taga, navutswa u la vula kugesa; u la mina mizeituni, navutswa si u levaka maguta gagyo; na lyagula lyemizabibu u la va nalyo, navutswa si u la nwa iwaini.

Zefania 1:9

Kandi mu lidiku yilyo nda kalagira vosi ava sira mukingi, yavo avizulitsa inyumba yomwami wavo kirage nobugadi.

Kwidzulitsa 28:30

U la kwa mukali, nomusatsa wundi a la va naye, u lombaka inyumba, na u la vula kumenya muyo: u la simika muzabibu, u la vula kutumekira makuyu gagwo.

Kwidzulitsa 28:39

u la simika mizabibu minyingi, na u la ga lomba, navutswa u la vula kunwa iwaini, kinga kwagula mazabibu; kigira tsing'ende tsi la ga lia.

Kwidzulitsa 28:51

naye a la lia lwalo lwemitugu gyigyo, nelyama lyekivala kikyo, kuduka u luhe u dividzwe; na si a la ku lekera ubuswage, kinga iwaini, kinga maguta, limedeka lyetsing'ombe tsitsyo, kinga avana vamagondi gogo, kuduka a luhe a ku dividze.