Zaburi 67:4 - KITABU KITAKATIFU

⁴ Tsihiri tsyosi tsi sangale nokwimba nobusangali; Kigira ive u la kalagira avetsihiri nobulungi, Na u limirira tsihiri tsyelirova [lSelaha

Zaburi 67:4 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

Zaburi 2:8

U nteve, na nda ku ha tsihiri tsi ve miyandu gyigyo, Na vyekiheri kyelirova kuva vivyo.

Zaburi 82:6

Nda vola, Mu veye avanya saye, Na mwinye vosi avana va Uyu Weigulu Ligali.

Zaburi 9:8

Naye a la kalagira avelirova mu bulungi, Na a la kalagira avandu mu bulungi.

Zaburi 96:10

Mu vole hagati hetsihiri, Yahova yamehanga: Lirova kandi li singiridziywi, kuduka li ta nyala kudengeya: A la kalagira avandu nobulungi.

Zaburi 98:9

Imbiri wa Yahova; kigira yadzanga kukalagira lirova: A la kalagira lirova nobulungi, Na avetsihiri nelikalaga lilahi.

Isaya 54:1

Yimba, ive mugumba, na ive wa vula kuvereka; leta lwimbu, wimbe, kupa lwanga ligali, ive wa vula kuva nelilumwa lyelivula: kigira avana va uyu mugalang'atani va veye avanyingi kuvita avomukali wa hilwa, Yahova a vola.

Isaya 55:4

Henza, mali kumuhaana a ve muloli imbiri wavandu, mwimiriri nomunene wavandu.

Isaya 60:6

Ubunyingi bwetsing'amia bu la ku kunika, netsing'amia tsisoleli tsya Midiani na Efa; vosi va twula Sheba va ladza; va la leta ithahabu nekimuli, na va lilwadza lidzominya lya Yahova.

Vikolwa 17:31

kigira u mali kulaga lidiku lyokukalagira avomkivala nobulungi, ku mundu wa ya tovola; naye ya ha vandu vosi kisuuviri kulyo kigira u mali kumusimugukidza mu vakudzi.

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

Vagalatia 4:27

Kigira ga ng'odwa U sangale, ive u veye mugumba wa vula kwivula avana; U twulidze mwoyo u lire ive wa vula kulola ubusaliri bwelivula: Kigira avana va uyu u menya yeng'ine va veye avanyingi kuvita va uyu u veye nomusatsa.

Kwidzulitsa 32:43

Mwinye tsihiri, mwidzominye, halala navandu veve: Kigira a la vanza kisalya kyavatumekiri veve, A la vanza kisalya ku vasigu veve, Kandi a la lomba kyokukunika ubwoni ku kivala kikye, ku avandu veve.