Yudasi 1:16 - KITABU KITAKATIFU

¹⁶ Yava nivo avamonyi naviliriri, ava gendanga kuli likayirwa lyavo avene (minwa gyavo gyi volanga amakuva manene naga vimbanga), velidzanga avandu kigira linyola kindu.

Yudasi 1:16 ပူးပေါင်းရင်းမြစ်များ

Ayubu 32:21

Mwadza, u ta ndeka kwelidza mmoni mwomundu kali mulala Kandi si nda ha mundu ku vosi ameta gokumidzominya vutswa.

Ayubu 34:19

Nasindi uyu u vulanga kwelidza myoyo gyavanene, Kinga kuhenza avatugi kuvita avadaka; Kigira yava vosi va veye miyinzigyamakono gege.

Zaburi 106:25

Navutswa va monya mu mahema gavo, Na si va hulira mwoyo gwa Yahova.

Zaburi 15:4

Mu tsimoni tsitsye mundu mudamano a legannywa, Navutswa yidzominya yavo ava tia Yahova; Uyu yesuha ku lyekolera ubudamano mwene, na si a girunkannya mba;

Zaburi 17:10

Mwoyo gwavo mudamano va hani ligali: Nomunwa gwavo va vola agobuhaga.

Zaburi 73:8

Va henyahenyanga, nokuvola age kirage mbudamano bwavo: Aga va vola ga veye agokwigingira.

Tsing'ano 28:21

Si bu li bulahi kwelidza avandu; Kinga mundu kukola mahyolo kunyola lidonye lyobukima.

Isaya 29:24

Na yavo ava hyolanga mu myoyo gyavo va la nyola li manya, na yavo va monyanga va legidzwa megidzo.

Kyavalevi 19:15

Mu ta kola aga ta li malungi mu likalaga: kandi u teridza liva lyomudaka, kinga kwidzominya liva lyowetsingulu; navutswa u la kalagira wakyo nobulungi.

Livalidza 14:36

Na avandu yavo ava Musa ya tuma kuluta kivala, avirana na va kola livugana lyosi kumumonya, ku lileta makuva madamano ku kivala,

Livalidza 16:11

Yiki ni kigira ive na livugana lilyo lyosi mu vungnyeywi kuhing'ana na Yahova: na Haruni a veye kindu ki mu duke kumumonya?

Livalidza 16:41

Navutswa mugamba livugana lyosi lya avana va Israeli va monya Musa na Haruni, ni va vola, Mwinye mwiiti avandu va Yahova.

Luka 15:2

Vafarisayo navang'odi vosi va monya, ni va vola, Mundu uyu a yanza avoni, kandi a lia halala navo.

Luka 19:7

Lwa va lola va monya vosi, ni va vola, U tsiye kugona homundu mwoni.

Luka 5:30

Kandi Avafarisayo navang'odi vavo va monya avegidzwi veve, ni va vola, Kigira ki mu litsa nokunwa halala navasololi vobushutu navoni?

Yohana 6:41

Ku Avayuda va mu monya, kigira ya vola, Inze nibwo ubukima bwa twula migulu.

Yohana 6:61

Navutswa Yesu ya manya mwene, avegidzwi veve va monya ku livola yili, na a va teva, Yili li mwikigitalidza?

1 Vakorintho 10:10

Kandi mu ta monya kuli avalala kuvo va mo nya, nomudividzi ya va dividza.

Vagalatia 5:16

Navutswa mbola, Mu gende netsingulu tsya Roho, mu la vula kudukidza likayirwa lyomubiri.

Vagalatia 5:24

Kandi yava ava veye va Kristo Yesu va mali kubambwa mubiri halala nelyegombwa lyagwo lidamano nelikayirwa lyagwo.

Kwidzulitsa 1:27

na mwa monyira mmahema genyu, ni mu vola, Kigira Yahova ya ku dunyira ya ku twulidza mkivala kya Egepeti a duke kukuvika mmakono ga Vaamori, kukudividza.

Vafilipi 2:14

Mu kole vindu vyosi bugira limonya nobuhing'ani;

1 Vatesalonike 4:5

si mu li mu lyegomba nomu likayirwa, kuli avandu yavo ave Tsihiri ava vula kumanya Nyasaye;

1 Timoteo 6:5

nelihing'ana lyavandu, voneika ubugeeri navo va daki ageligali, va ganagana litibwa lya Nyasaye li veye inzira yevyambeti.

2 Timoteo 4:3

Kigira inyinga i ladza ya va li vula kubugirira megidzo geligali navutswa va li vungidzira avegidzi kuli likayirwa lyavo, va veye namatu geviyago;

1 Petro 1:14

kuli avana avahuliri, mu tefwanannya nelikayirwa lyenyu lya kale lyenyinga yobusiru:

1 Petro 2:11

Avayanze, ng'oonya mwinye avamenyi kandi avageni, mwiyahule ku likayirwa lyomubiri, li hing'ana nomwoyo;

1 Petro 4:2

kunangwa kutwula kalunu tsinyinga tsyenyu tsi tigaye mu mubiri, mu ta menya mu likayirwa lyavandu, navutswa mu bulaliri bwa Nyasaye.

2 Petro 2:10

navutswa kuvita ni yavo ava londanga mu mubiri mu likayirwa lyekifwabwi, nokulega ubwamehi. Avobuluviriri mu budamano, avahingi, ava vula kudegera ku livola amanyego ku ga kuminyangwa:

2 Petro 2:18

Kigira mu livola amakuva ga vimba ligali ga vutswa va goonya mu likayirwa lyomubiri nekifwabwi, yavo ava tanganga kwiruka kutwula ku yavo ava menya mu bugadi;

2 Petro 3:3

mu litanga kumanya likuva yili, mu madiku gekiheri avekihenyahenye va ladza nekihenyahenye ava gendanga kuli likayirwa lyavo avene,

Yudasi 1:15

a kole likalaga ku vosi nokulang'aminya vosi ava vula kutia Nyasaye kigira miyinzi gyavo gyosi midamano gya va kola, ku livula kutia Nyasaye, kandi kigira vindu vyosi vidinyu vya voni va vula kutia Nyasaye va volanga kuye.

Yudasi 1:18

va volera mwinye amakuva yaga, mu tsinyinga tsyekiheri va la va ho avekihenyahenye ava gendanga kuli likayirwa lyobwebaali bwavo avene.