Yohana 9:39 - KITABU KITAKATIFU

³⁹ Kandi Yesu ya vola, Inze nzidzi mu kivala yiki ku likalaga, ava ta lola va duke kulola; navo ava lola va vakule.

Yohana 9:39 ပူးပေါင်းရင်းမြစ်များ

Isaya 29:10

Kigira Yahova u tsuki ku mwinye roho gwetsindolo tsinene, na u vakulidzi tsimoni tsyenyu avaproieti; na mitwe gyenyu, avaioli, u gyi kuniki.

Isaya 44:18

Si va manya, kandi si va gana gana: kigira u va vakulidzi tsimoni tsyavo, va vule kulola; na myoyo gyavo va ta nyala kurnanya.

Isaya 6:9

Naye ya mbolera, Tsia, u volere avandu yava, Mu hulire ligali, navutswa mu ta manya; mu henze ligali, navutswa mu ta lola mba.

Ezekieli 12:2

Ive mwana womundu, u menyanga hagati henyumba yobwebaali, avandu vetsimoni tsyokulola, navutswa si va lolanga mba, avandu vamatu gokuhulira navutswa si va huliranga mba; kigira ni inyumba yobwebaali.

Matayo 11:5

vaboku va hebwa kulola, navaleema va genda, navagere va honnywa, navahana amatu va hulira navakudzu va simugukidzwa, navadaka vilwadzirwa ivangeli.

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.

Matayo 6:23

Navu tswa imoni yoyo ni i veye indamano, mubiri gugwo gwosi gu lizula kisundi. Ubulavu bu veye mu ive ni bu veye kisundi, kisundi ki veye kinene ndi

Luka 1:79

Bu ng'ereng'ane kuvo ava menya mu kisundi nomu kiriri kyelikudza. Kwimirira virenge vyetu ku inzira yemirembe.

Luka 13:30

Kandi henza, va ve yo avandu venyima va la ka ve vembiri, kandi avembiri va la va venyima.

Luka 2:34

kandi Simeoni ya va saavira ubu lahi, na a volera Maria mama wewe, Henza, mwana uyu u vikeywi, ava nyingi ku Israeli va gwe kandi va vuke; kandi a ve kiloleru ki li hangalidzwa;

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Luka 7:21

Ku isaa yeyo ya honnya vanyingi ubulwaye nobusaliri na roho midamano; navaboku vanyingi ya va ha lilola.

Yohana 12:31

Kalunu ni likalaga lyavomkivala yiki: kalunu munene wekivala yiki a la tebwa.

Yohana 12:46

Inze ntsitsi kuva ubulavu bwavomkivala, ku vosi u suuvira inze a ta menya mu kisundi.

Yohana 3:17

Kigira Nyasaye si ya tuma Mwana wewe kuudza mu kivala kukalagira avomkivala; navutswa kuhonnya avomkivala.

Yohana 3:19

Kandi likalaga ni yili, ubulavu bwingiye mu kivala, na vandu va yanza kisundi kuvita ubulavu; kigira miyinzi gyavo gyi veye midamano.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Yohana 8:15

Mwinye mu kalaga kuli inyama yomubiri; inze si nkalagira mundu kali mulala.

Yohana 9:25

Ku, ya tivula, Kali na a veye mwoni, si mmanya: kindu kilala mmanya, nda i mboku, kalunu ndolanga.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

2 Vakorintho 2:16

ha luvega lulala mwayu kutwula ku likudza kuduka ku likudza; ha luvega lundi mwayu kutwula ku livamwoyo kuduka ku livamwoyo. Kandi ibwaha a dukana nevindu yivi?

Vafeso 5:14

Kigira yaga a vola, Vuka, ive u gonanga, simuguka u twule mu vakudzu, na Kristo a la ku letera ubulavu.

2 Vatesalonike 2:10

nobugadi bwosi bwobudamano ku yava ava divanga; kigira si va vugula ubuyanzi bwageligali, va duke kuhonnywa.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

1 Yohana 2:11

Navutswa u dunyira amwavo wewe a veye mu kisundi, kandi a genda mu kisundi, kandi si a manya wa a tsitsa, kigira kisundi kya vakulidza tsimoni tsitsye.