Yohana 9:34 - KITABU KITAKATIFU

³⁴ Va tiwla ni va mu volera, Ive wivulwa mu bwoni ligali, kandi ive wegidza kwinye? Ni va mu kunga.

Yohana 9:34 ပူးပေါင်းရင်းမြစ်များ

Litanga 19:9

Navo va vola, Vita inyima. Kandi va vola, Mundu uyu ya duka ku kwinye mumenya,, na nkani yenyanga kuva mukalagi: kalunu ku la ku kolera ubudamano kuvita yavo. Navo va mina ligali mundu uyu, Loti na visunda himbi kwononya muliango.

2 Kyetsinyinga 25:16

Na ga duka, lwa ya volerana naye, mwami ya mu volera, Ku viki ive u ve mboli womwami? Leka; kigira ki wenyanga kukuywa? Hene yaho muprofeti ya leka, na a vola, Mmanya Nyasaye u saaviye kudividza ive, kigira wa kola yaga, na wa vula kuhulira makuva gange.

Ayubu 14:4

Ni bwaha u nyala kutwulidza kindu kinifu ku kidamano? Si ha veye nonyala.

Ayubu 25:4

Mundu a nyala ndi kuvolwa kuva mulungi imbiri wa Nyasaye? Kinga a nyala ndi kuva munifu womukali yivula?

Zaburi 51:5

Henza, ndivulwa mu liva lyobwoni; Kandi mama wange ya mbereka mu bwoni.

Kutwula 2:14

Naye ya tivula, Ni bwaha wa ku vika kuva mwami na mukalagi ku kwinye? U ganagana kunziita, kuli wa li kwiita Muegepeti? Na Musa ya tia, na a vola, Nkani inkuva yiyi i manyekani ligali.

Tsing'ano 22:10

U kunge wekihenyahenye, na lihing'ana li la twula; Yee, lihing'ana na tsisoni vi la hera.

Tsing'ano 26:12

U lola mundu weganagana mwene a veye mugeeri? Ha veye nelisuuvira mu makuva gomusiru kuvita uyu.

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Isaya 65:5

ava volanga, Singira weng'ine, u tesunda ku inze, kigira mbeye mutakatifu kuvita ive. Yava va veye mwoki mu amolu gange, muliru gwaakanga mbasu bei.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Luka 11:45

Mulala ku vegidzi velilaga ya tivula na a mu volera, Mwegidzi, nu u vola ndi u ku nyega kandi.

Luka 14:11

Kigira ku vosi weginga a la gehidzwa; nowegehidza mwene a la nenehidzwa.

Luka 18:17

Ligali mmu volera, Ku vosi u ta vugula ubwami bwa Nyasaye kuli mwana mukekeke si a lingira mu, kali hakuzu.

Luka 6:22

Mu veye nobugasu, mwinye, avandu lwa va li mu dunyira, kandi lwa va li mwesigana, nokumunyega, nokuta lieta lyenyu kuli li veye lidamano, kigira Mwana wa Adamu.

Yohana 6:37

Vyosi vya Dada a mbedza vi ladza ku inze; naye udza ku inze si nda mu kunga mba.

Yohana 8:41

Mwinye mu kola miyinzi gya dada wenyu. Va mu volera, Kwinye si kwivulwa indasimba; ku veye na dada mulala yeng'ine, ni Nyasaye.

Yohana 9:2

Kandi avegidzwi veve va mu teva ni va vola, Rabi, wa kola ubwoni nibwaha, mundu uyu naho avivuli veve, yivulwe mboku?

Yohana 9:22

Vindu yivi avivuli veve va vola kigira va tia Avayuda: kigira Avayuda va li ni va mali kulagana, mundu ni yeyama uyu ni Kristo, a kungwe mu livugana.

Yohana 9:35

Yesu ya hulira va mu kungi; na a mu nyola na a vola, Ive u suuvira Mwana wa Nyasaye?

Yohana 9:40

Avalala ku Vafarisayo ava li halala naye va hulira amakuva yaga, ni va mu volera, Kwinye kandi ku veye avaboku?

1 Vakorintho 5:13

Navutswa ava veye kyova, Nya saye a va kalagira. Mu twulidze mundu mudamano a twule ku mwinye.

Vagalatia 2:15

Kwinye ku veye Avayuda mu livulwa lyetu, si ku veye avoni va twulanga mu Tsihiri,

Vafeso 2:3

Na kwinye kwosi kwa menya muvo ku matsyambiri, mu likayirwa lyemibiri gyetu, ni ku londa ubulaliri bwomubiri nobwetsi ganagani, kandi ku liva lyetu kwa li avana vobutima kuli avandi:

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.

3 Yohana 1:10

Kigira yaga ni mba ni nduka, ndidzulitsa miyinzi gyigye gya a kolanga, u vola ku kwinye ga vutswa mu makuva madamano: kandi yaga si ga mu duka, navutswa mwene si a bugirira avamitu, kandi avenyanga kuvabugirira a va ga yanga nokuvakunga mu livugana.

3 Yohana 1:9

Nda ng'oda makekeke ku livugana: navutswa Dioterefe, u yanza kuva imbiri kuvo, si a ku bugirira mba.

Likunula 13:17

kandi si ha li nomundu kali mulala u nyala kugula kindu kinga kugulidza wundi kindu, na a ta li uyu u veye nekyokumanyirwa nakyo ni lieta lyenyama yiyi kinga hesabu yelieta lilye.