Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.
Kunangwa Mufarisayo wa mu langa, lwa ya lola ndi, ya ganagana, Mundu uyu na a va muprofeti, nkano u manyi ya li bwaha, kandi kuli a veye mukali wa liva ki u mu diranga, kigira a veye mwoni.
Maku avasalisi vanene navanyampara lwa va mu lola, va kola liyoga, ni va vola, Mbambe, mbambe Pilatu ya va volera, Mu mbugule mwinye avene, mu mbambe: kigira inze si ndola kindu kuye.
Kunangwa avalala ku Vafarisayo va vola, Mundu uyu si a veye wa twula ku Nyasaye, kigira si a gumira lisabato. Navutswa avandi va vola, Mundu mwoni a nyala ndi kukola vilolekidzu kuli yivi? Ku, lya li lyavukana kuvo.
Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:
Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.