Yohana 9:16 - KITABU KITAKATIFU

¹⁶ Kunangwa avalala ku Vafarisayo va vola, Mundu uyu si a veye wa twula ku Nyasaye, kigira si a gumira lisabato. Navutswa avandi va vola, Mundu mwoni a nyala ndi kukola vilolekidzu kuli yivi? Ku, lya li lyavukana kuvo.

Yohana 9:16 ပူးပေါင်းရင်းမြစ်များ

Matayo 12:10

Kandi henza, ya li mu mundu ya linomkono gwa leema. Va mteva ni va vola, Nobulahi kuhonnya ku lidiku lyelisabato? Va duke kumuyala.

Matayo 12:2

Navutswa Vafarisayo lwa va lola ndiyo, va mbolera, Henza, avegidzwi vovo va kola agomugyiru mu lidiku lyelisabato.

Luka 13:14

Na munene welivugana ya vihirirwa kigira Yesu ya honnya ku lisabato, na a tivula na a volera kiduma, Ga veye amadiku gatanu na lilala agavandu va nyala kukola mu miyinzi: mudze kuhonnywa mu yago, mu tadza ku lidiku lyelisabato.

Yohana 10:19

Lya duka kandi lyavukana ku Vayuda kigira amakuva yaga.

Yohana 14:11

Mu suuvire inze mbeye mu Dada, na Dada a veye mu inze: kinga mu suuvire inze kigira miyinzi gyeng'ine.

Yohana 15:24

Mbula kukola kuvo miyinzi gyomundu wundi a ta kola, nkano si va veye nobwoni: navutswa va mali kulola nokudunyira inze na kandi Dada wange.

Yohana 2:11

Litanga yili lyevilolekidzu vivye, Yesu ya kola mu Kana lya Galilaya, na a mannya ubukumi bwibwe; kandi avegidzwi veve va mu suuvira.

Yohana 3:2

Ya tsia ku Yesu ubudiku na a mu volera, Rabi, ku manya ive u veye mwegidzi wa twula ku Nyasaye; kigira si ha li nomundu u nyala kukola vilolekidzu yivi vya u kolanga, Nyasaye na a ta li halala naye.

Yohana 5:10

Kunangwa Avayuda va volera uyu wa honnywa, Li veye lisabato, si bu li bulahi ive u ginge kitali kikyo.

Yohana 5:36

Navutswa lilolekidza lya mbeye nalyo li vita lya Yohana; kigira miyinzi gya Dada ya mpa kumaliridza, miyinzi zana gya nkola, gyi ndolekidza, he, Dada ya ntuma.

Yohana 6:52

Kigira yaga Avayuda va hangalidzana, ni va vola, Mundu uyu a nyala ndi kukuha inyama yomubiri gwigwe ku lie?

Yohana 7:12

Kandi limonya linyingi lya duka mu viduma kuye. Avalala va vola, A veye mundu mulahi; avandi va vola, Auwa, navutswa a gada kiduma.

Yohana 7:23

Ni bu Ii bulahi mundu a kebwa ku lisabato, lilaga ya Musa i tono nywa; kigira ki mwa ndunyira lwa nda kola mundu mulamu ligali ku lisabato?

Yohana 7:43

Ku lihangalidzana lya duka mu kiduma kuye.

Yohana 9:24

Kunangwa va langa hali kaviri mundu wa li mboku, ni va mu volera, U he Nyasaye ubukumi: kwinye ku manya mundu uyu a veye mwoni.

Vikolwa 14:4

Navutswa kiduma kyelidala kyavukana; avalala va li ha luvega ha Vayuda, navandi va li ha luvega havatumwa.