Yohana 8:55 - KITABU KITAKATIFU

⁵⁵ na mwinye si mwa mu manya: navutswa inze mmanyi, na inze ni mba ni mbola, Si mu manya nda va mbehi kuli mwinye: navutswa inze mmanya kandi ngumira likuva lilye.

Yohana 8:55 ပူးပေါင်းရင်းမြစ်များ

Jeremia 4:22

Kigira avandu vange va veye avasiru, si va manya inze; va veye avana avemitwe midinyu, si va veye nelimanya; va veye nobugeeri kukola budamano navutswa si va veye nelimanya kukola bulahi.

Jeremia 9:3

Va hingiranga tsinimi tsyavo, kuli ubuta, va duke kuvola bubehi; va gwiye avetsingulu mu kivala, navutswa si ga li ku geligali mba: kigira va tsitsagil'langa kutwula ku budamano kuduka ku budamano, si va manya inze, Yahova a vola.

Hosea 5:4

Likola lyavo si li va leka kuduka va girunkane ku Nyasaye wavo; kigira mwoyo gwa malaya gu veye muvo, na si va manyi Yahova mba.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Luka 10:22

Dada wange ya mba vindu vyosi: kandi si ha li nomundu u manya Mwana ni bwaha, navutswa Dada; kandi Dada ni bwaha, navutswa Mwana, naye wo Mwana u yanza kumuvuulira.

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 10:15

kuli Dada a manya inze, na inze mmanya Dada; kandi mbaana livamwoyo lyange kigira magondi.

Yohana 15:10

Ni mu va ni mu gumira malago gange, mu la menya mu buyanzi bwange; kuli inze ngumira malago ga Dada wange, kandi menya mu buyanzi bwibwe.

Yohana 15:21

Navutswa yaga gosi va la mu kolera kigira lieta lyange, kigira si va manya wa ntuma.

Yohana 16:3

Kandi yaga va la kola kigira si va manya Dada, kandi inze.

Yohana 17:25

Dada mulungi, avomkivala si va ku manya, navutswa inze nda ku manya; kandi yava va manya ive wa ntuma;

Yohana 6:46

Si ha veye nomundu wa lola Dada, navutswa uyu wa twula wa Nyasaye, uyu niye wa lola Dada.

Yohana 8:19

Kigira yaga va mu volera, Dada wowo a veye ha li ha? Yesu ya tivula, Si mu manya inze, kali Dada wange: ni mba ni mu manya inze, nkano mu manya Dada wange.

Yohana 8:29

Kandi wa ntuma a veye halala ninze; si ya ndeka tsyeng'ine; kigira inze kazozo nkolanga vindu vya a yanza.

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

Yohana 8:51

Ligali, ligali mmu volera, mundu na a gumira likuva lyange, si a li lola likudza mihiga nemihiga.

Yohana 8:52

Avayuda va mu volera, Kalunu ku manya u veye nelidemone. Abrahamu ya kudza, kandi avaprofeti; nive u vola, Mundu na a gumira likuva lyange si a li tsatsama likudza mihiga nemihiga.

Vikolwa 17:23

Kigira lwa nda vita, ni mbenza vindu vyemiluka gyenyu, nda nyola kandi bwali bulala bwa ng'odwa amakuva yaga, BWA NYASAYE U TA MANYWA. Inze mmu vuulira yiki kya mu kolera miluka bugira kukimanya.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

1 Yohana 1:6

Ni ku va ku vola ku veye nelisanga naye na ku genda mu kisundi, ku veha kandi si ku kola ageligali mba:

1 Yohana 2:22

Ibwaha a veye umubehi navutswa uyu wambakana Yesu kuva Kristo? Uyu nomuhangalidzi-kristo, uyu wambakana Dada no Mwana.

1 Yohana 2:4

U volanga, mmu manya, na a vula kugumira amalago gege, a veye mubehi, nageligali si ga veye muye;

1 Yohana 5:10

U suuvira Mwana wa Nyasaye a veye nelilolekidza muye; u ta suuvira Nyasaye u mali kumukola mubehi; kigira si ya suuvira lilolekidza lya Nyasaye a lolekidza ku Mwana wewe.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.