Yohana 8:44 - KITABU KITAKATIFU

⁴⁴ Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

Yohana 8:44 ပူးပေါင်းရင်းမြစ်များ

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

1 Avami 22:22

Na Yahova ya mu teva, Na ki? Nagwo gwa vola, Nda twula, ntsie kuva roho gwelivola ububehi mu minwa gyavaprofeti veve vosi Naye ya vola, Ive u la mu gada, kandi u la nyala, tsia u kole ndiyo.

1 Kyetsinyinga 21:1

Inyinga yeyo Setani ya vukira Israeli, na a vukidzira Daudi tsiganagani tsyokuvalidza Israeli.

Ayubu 1:11

Navutswa nyira mukono gugwo kalunu, u dire vyosi vya a veye navyo, na a la ku nyega imbiri wommoni mumwo.

Matayo 12:34

Mwinye lwivulo lwetsinzoka avadamano mu nyala ndi kuvola bulahi? Kigira aga veye mmwoyo munwa gu la vola.

Matayo 13:15

Kigira mwoyo gwavandu yava gu gwiye mudamano, Kandi amatu gavo si ga hulira bulahi Va hannyi tsimoni tsyavo; Gase va la lola netsimoni tsyavo, Nokuhulira namatu gavo Nokumanya mmwoyo gwavo, Nokweganira, Na inze mba honnye.

Matayo 13:38

mulimi na vomulirova, na bugutsa bulahi, yava na vana vobwami; na mavanze na vana vomu damano;

Yohana 6:70

Yesu ya va tivulira, Si nda tovola mwinye likumi na vaviri, na mulala ku mwinye ni setani?

Yohana 7:17

Ku vosi u lalira kukola ubulaliri bwibwe, a la manya megidzo, ni ga va ni ga veye ga Nyasaye, kinga inze mwene mbola.

Yohana 8:38

Mbolanga aga nda lola ku Dada wange: na mwinye kandi mu kola ga mwa hulira ku dada wenyu.

Yohana 8:41

Mwinye mu kola miyinzi gya dada wenyu. Va mu volera, Kwinye si kwivulwa indasimba; ku veye na dada mulala yeng'ine, ni Nyasaye.

Yohana 8:55

na mwinye si mwa mu manya: navutswa inze mmanyi, na inze ni mba ni mbola, Si mu manya nda va mbehi kuli mwinye: navutswa inze mmanya kandi ngumira likuva lilye.

Vikolwa 13:10

na a vola, E ive wizula ubugadi nekirage kyosi, mwana wa setani, musigu wobulungi bwosi, si u leka kukyaminya tsinzira tsinungi tsyo Mwami?

Vikolwa 24:9

Kandi Avayuda va bugirira, ni va vola vindu yivi ni ndiyo vya li.

Vikolwa 5:3

Navutswa Petro ya vola, Anania, kigira ki Setani a kwizula mwoyo gugwo u volere Roho Mutakatifu ububehi, na u vaase tsindi ku tsishilling tsyo mulimi?

2 Vakorintho 11:3

Navutswa ntidza gase ku vyosi, tsiganagani tsyenyu tsi la gotidzwa nokuleka ubugasu bwomwoyo nobulahi obu yeka ku Kristo kuli inzoka ya gada Hawa nobugeeri bwayo.

1 Petro 5:8

Mu ve nobugeeri, mu linde: kigira musigu wenyu kuli king'ang'a ki fwumanga, a tsitsanga yiyi neyiyi ni yenya wa a nyala kumira:

2 Petro 2:4

Kigira Nyasaye na a va ni ya vula kuvererera tsingelosi lwa vona, navutswa ya va ta mu gehena, nokuvavika mu bogo bwekisundi, va lindwe kuduke likalagirwa;

1 Yohana 1:8

Ni ku vola si ku veye nobwoni, kwigadidza, nageligali si ga veye mu kwinye.

1 Yohana 2:21

Si nda mu ng'odera kigira mu vula kumanya ageligali navutswa kigira mu ga manya, kandi kigira si ha li nobubehi kali bulala bu twula ku ageligali.

1 Yohana 2:4

U volanga, mmu manya, na a vula kugumira amalago gege, a veye mubehi, nageligali si ga veye muye;

1 Yohana 3:12

ku ta va kuli Kaini ya li womudamano, ni yiita amwavo wewe. Kandi ya mwiita kigira ki? Kigira vikolwa vivye vya li vidamano, nevyamwavo wewe vya li vilungi.

1 Yohana 3:15

Ku vosi u dunyira amwavo wewe nu mulumindi: kandi mwinye mu manya mulumindi kali mulala si a veye nelivamwoyo li ta hera li menya muye.

Yudasi 1:6

Kandi tsingelosi ava vula kulinda liva lyavo lyokutanga, navutswa va leka ubumenyo bwavo avene, a va lindanga mu libofwa lyamadiku gosi, mu kisundi kuduka mu likalagirwa lyelidiku linene yilyo.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 13:14

Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 22:15

Ikyova tsi veye ho tsimbwa, navakumu, navaheyi, naviiti, nava sigamira misambwa, na vosi ava yanzanga nokukola ububehi.

Likunula 9:11

Tsi veye nomwami kutsyo ingelosi wombogo: lieta lilye mu Luhebraina a langwa Abadoni, noku Lugreki Apolion.