Yohana 8:36 - KITABU KITAKATIFU

³⁶ Kigira yiki Mwana na a va na a mu boholola mu la va avabohololwi veligali.

Yohana 8:36 ပူးပေါင်းရင်းမြစ်များ

Zaburi 119:133

U singeridze virenge vyange mu likuva lilyo; Na u ta leka ububi kali bulala kwameha ku inze.

Zaburi 119:32

Nda nyagula ku inzira yamalago gogo, Lwa u li nenehidza mwoyo gwange.

Zaburi 19:13

Kandi u gaye mutumekiri wowo ku bleoni bwelihindagiridza; Bu vule kwameha ku inze: Kunangwa nda va mulungi, Kandi nda va museredze ku bwe baali bunene.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Varumi 8:2

Ki gira lilaga lya Roho welivamwoyo mu Kristo Yesu li mali kumboholola kutwula mu lilaga lyobwoni nelyelikudza.

1 Vakorintho 7:22

Kigira uyu mutugwa wa langwa mu Mwami a veye muboholole wo Mwami: kandi ndiyo uyu wa langwa a veye muboholole, a veye mutugwa wa Kristo.

2 Vakorintho 3:17

Mwami a veye Roho uyu: ha Roho wo Mwami a veye libohololwo bu veye yo.

Vagalatia 5:1

Mu libohololwa lya Kristo ya ku boholola nalyo, mu singire mu budinyu, kandi mu ta gumirwa hali kaviri nenira yobutugwa.