Yohana 8:32 - KITABU KITAKATIFU

³² kandi mu la manya ageligali, nago ageligali ga la mu boholola.

Yohana 8:32 ပူးပေါင်းရင်းမြစ်များ

Zaburi 119:45

Kandi nda genda mu ubwiyangu; Kigira nyenyi megidzo gogo.

Zaburi 25:5

U nzimirire mu ageligali gogo, na u nzegidze; Kigira u veye Nyasaye wobukonyi bwange; Nindirira ive mbasu pei.

Tsing'ano 1:23

Mwegirunkannye kigira ligondoka lyange: Henza, nda mu tsukira roho wange Nda mu mannya makuva gange.

Tsing'ano 1:29

Kigira va dunyira limanya, Na si va tovola ubutii bwa Yahova:

Tsing'ano 4:18

Navutswa inzira yavalungi i fwanana nobulavu bu ng'ereng'ananga, Bu ng'ereng'ananga kuvita nokuvita, kuduka ku lidiku lidukiru.

Isaya 2:3

Na tsihiri tsinyingi tsyavandu va la tsia noku vola, Hambi kwanegire, kutsia ku kigulu kya Yahova, kutsia ku inyumba ya Nyasaye wa Yakobo; na a la kwegidza mu tsinzira tsitsye, ku la genda mu tsinzira tsitsye: kigira amalago ga la twula mu Zioni, na likuva lya Yahova li la twula mu Yerusalemi.

Isaya 30:21

amatu gogo ga la hulira likuva inyima wowo, ni li vola, Inzira ni yiyi, mu gende kuyo; lwa mu girunkana kutsia ku luvega lwomukono mulungi, kandi lwa mu girunkana kutsia ku luvega lwomukono mmosi.

Isaya 35:8

Na ha zana ha la va lihasi, nenzira, na i la langwa Inzira yobutakatifu; ava ta li avanifu si va li genda kuyo; navutswa i la va ya yavo: avandu volugendo, kali ni va veye avasiru, si va li hyolera kuyo.

Isaya 54:13

Na avana vovo vosi va legidzwa ku Yahova; nemirembe gyavana vovo gyi la va minene.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Jeremia 6:16

Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.

Hosea 6:3

Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.

Kyavalevi 25:41

ma a la twula ku ive, uyu na avana veve halala naye, na a lirana ku aviko veve, noku miyandu gya avaguga veve.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Matayo 11:29

Mu ginge inira yange, mwegire ku inze; kigira inze mbeye mhooma nomuhokya: mu la nyola lisosa mu myoyo gyenyu.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:17

Kigira lilaga lya leterwa ku Musa; tsimbabasi nageli gali ga leterwa ku Yesu Kristo.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 16:13

Navutswa lwa a li duka Roho wa geligali, a la mwimirira na a mu hile mu ageligali gosi: kigira si a li vola ku vyomwene; navutswa aga a li hulira a la vola: kandi vindu vi lidza a la mu vuulira.

Yohana 17:17

U va takase mu ageligali: likuva lilyo ni ageligali.

Yohana 6:45

Ga ng'odwa mu vi tabu vya vaprofeti, Vosi va legidzwa na Nyasaye. Sa mulala u hulira Dada wange, ni yega, yadza ku inze.

Yohana 7:17

Ku vosi u lalira kukola ubulaliri bwibwe, a la manya megidzo, ni ga va ni ga veye ga Nyasaye, kinga inze mwene mbola.

Yohana 8:36

Kigira yiki Mwana na a va na a mu boholola mu la va avabohololwi veligali.

Varumi 6:22

Navutswa kalunu, ni mu mali kukolwa ndi avaboholole kutwula ku bwoni kugwa avatugwa va Nyasaye, mu veye namakuyu kuduka ku butakatifu, nekiheri ki veye livamwoyo lyemihiga nemihiga.

Varumi 8:15

Kigira si mwa vugula roho gwobutugwa gu duke kandi mu butii; navutswa mwa vugula roho gwelibugirirwa kuva avana va Nyasaye. Ku yigu, gwa kwanirira ku, Abba, Dada.

Varumi 8:2

Ki gira lilaga lya Roho welivamwoyo mu Kristo Yesu li mali kumboholola kutwula mu lilaga lyobwoni nelyelikudza.

1 Vakorintho 7:22

Kigira uyu mutugwa wa langwa mu Mwami a veye muboholole wo Mwami: kandi ndiyo uyu wa langwa a veye muboholole, a veye mutugwa wa Kristo.

Vagalatia 5:1

Mu libohololwa lya Kristo ya ku boholola nalyo, mu singire mu budinyu, kandi mu ta gumirwa hali kaviri nenira yobutugwa.

Vagalatia 5:13

Kigira mwinye avamitu, mwa Iangwa mu nyole libohololwa; navutswa libohololwa lyenyu li ta va ubwiyangu bwomubiri, navutswa mu tumikirane avene navene nobuyanzi.

2 Timoteo 3:7

aveganga kazozo, navutswa si va nyala kali hakuzu kuduka ku limanya ageligali.

Yakobo 1:25

Navutswa uyu u henzanga malago madukiru ageliboholola, nokumenya mu, uyu si a veye muhuliri wivirira navutswa mukoli wemiyinzi, mundu uyu a la va nobugasu ku likola lilye.

Yakobo 2:12

Mu vole ndiyo, nokukola ndiyo kandi, kuli avandu va li kalagirwa ku malago gelibubohololwa.

1 Petro 2:16

Kuli avaboholole navutswa mu vuli kutumekira libohololwa bwenyu bu ve kikuniko kyobudamano, navutswa kuli avatagwa va Nyasaye.

2 Yohana 1:1

Mukulundu, ibaruwa yeye yiyi i dukire mukali mutovole navana veve, ava nyanza mu ageligali; kandi si a li inze tsyeng'ine, navutswa kandi vosi ava manya ageligali;