Yohana 8:28 - KITABU KITAKATIFU

²⁸ Kigira yaga Yesu ya va volera, Lwa mu li ginga Mwana wa Adamu, nilwo lwa mu li manya inze niye, kandi si nkola kindu mwene, navutswa mbola vindu yivi kuli wa Dada ya nzegidza.

Yohana 8:28 ပူးပေါင်းရင်းမြစ်များ

Kutwula 3:14

Na Nyasaye ya volera Musa, INZE MBEYE U VEYE HO: na ya vola, U la volera avana va Israeli inkuva yiyi, INZE MBEYE HO u ntumi ku mwinye.

Matayo 24:5

Kigira vanyingi va ladza ni lieta lyange, ni va vola, Inze niye Kristo; va la gotidza vanyingi.

Marko 13:6

Kigira vanyingi va ladza mu lieta lyange ni va vola, Inze niye; kandi va la gotidza vanyingi.

Luka 21:8

Ya vola, Mu gelihe, mu ta gadwa: kigira vanyingi va ladza mu lieta lyange, ni va vola, Inze niye; kandi inyinga i veye himbi: mu ta va londa.

Yohana 11:42

Kandi nda manya u mbulira madiku gosi: navutswa kigira kiduma ki singira ku inyasi, nda ga vola, va duke kusuuvira nkani nive wa ntuma.

Yohana 13:19

Kutwula kalunu inze mmu volera, ga kikiri kuduka, lwa ga mala kuduka mu duke kusuuvira inze niye.

Yohana 16:10

ku bulungi, kigira ntsia ku Dada na mwinye si mu ndola kandi;

Yohana 18:32

Li duke kuduka likuva lya Yesu ya vola, na a mannya ni likudza ki lya a li kudza.

Yohana 19:18

Va mu bambira ho, kandi halala naye avandi vaviri, mulala ha luvega yilu no wundi ha luvega yilu, na Yesu hagati.

Yohana 3:11

Ligali, ligali, nku volera, Ku vola ga ku manya, kandi ku lolekidza vya ku loli, navutswa lilolekidza lyetu si mu bugirira mba.

Yohana 3:14

Kandi kuli Musa ya ginga inzoka mwigendanyama, kandi Mwana wa Adamu a la gingwa ndiyo;

Yohana 4:26

Yesu ya mu volera, Inze wa ku volerana nive, niye.

Yohana 5:19

Kigira yaga Yesu ya tivula na a va volera, Ligali, ligali, mmu volera, Mwana si a nyala kukola kindu mwene, navutswa vya a lola Dada a kolanga: kigira ku vindu vyosi vya a kola, yivi kandi Mwana a kola ndiyo.

Yohana 5:30

Si nyala kukola kindu inze mwene: kuli mbuliranga nkalaga ndiyo; kandi likalaga lyange li veye lilungi; kigira si nyenya ubulaliri bwange, navutswa ubulaliri bwa uyu wa ntuma.

Yohana 6:38

Kigira si nda twula migulu kukola ubulaliri bwange, navutswa ubulaliri bwa uyu wa ntuma.

Yohana 8:24

Yiki ni kigira nda mu volera, Mu la kudzera mu bwoni bwenyu: ni i va mu vula kusuuvira inze niye, mu la kudzera mu bwoni bwenyu.

Yohana 8:27

Si va manya a va volera ku Dada.

Yohana 8:58

Yesu ya va volera, Ligali, ligali, mmu volera, Abrahamu na a tivulwa, inze mbeye.

Vikolwa 2:41

Yavo ava vugula likuva lilye, va batidzwa: kandi lidiku yilyo va daswa avandu kuduka himbi tsielfu tsivaka.

Vikolwa 4:4

Navutswa vanyingi kuvo ava hulira likuva va suuvira; kandi livalidza lyavo lya li himbi kuduka tsielfu tsitanu.

Varumi 1:4

kandi wa lang aminywa kuva Mwana wa Nyasaye netsingulu, ku lugano lwa roho wobutakatifu, nelisimuguka kutwula mu vakudzu; Yesu Kristo Mwami wetu.

Kwidzulitsa 18:18

Nda va singeridzira mprofeti hagati ha vamwavo vavo, a veye kuli ive; na nda vika amakuva gange mmunwa gwigwe, na a la va volera gosi aga nda mu laga.