Yohana 8:12 - KITABU KITAKATIFU

¹² Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Yohana 8:12 ပူးပေါင်းရင်းမြစ်များ

Ayubu 33:28

A tungiye mwoyo gwange gu vule kutsia mbogo, Na livamwoyo lyange li la lola ubulavu.

Zaburi 18:28

Kigira ive u laakidza itaya yange: Yahova Nyasaye wange, a la lavidza kisundi kyange.

Zaburi 49:19

A la tsia ha makula ga vaguga veve; Va la vula kulola ubulavu mihiga gyosi.

Zaburi 97:11

Ubulavu bu midzirwa avalungi, Na ubusangali ku yavo ava li nomwoyo mulahi.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 50:10

Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.

Isaya 9:2

Avandu va genda mu kisundi va loli ubulavu bunene: yavo va menya mkivala kvekiriri kyelikudza, ubulavu bu ng'e ring'ani kuvo.

Hosea 6:3

Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Matayo 5:14

Mwinye mu veye ubulavu bwelirova. Lidala li veye mkigulu si li nyala kuviswa mba.

Luka 2:32

Ubulavu bwokuvuulira Tsihiri, Kandi ubukumi bwavandu vovo Israeli.

Yohana 12:35

Kunangwa Yesu ya va volera, Ha tigaye hakekeke ubulavu bu veye ku mwinye. Gendi lwa mu veye nobulavu, kisundi ki ta mu nyola: kandi uyu u genda mu kisundi si a manya wa a tsitsa.

Yohana 12:36

Lwa mu kikiri nobulavu, mu suuvire ubulavu, mu duke kuva avana vobulavu. Vindu yivi Yesu ya vola, kandi ya tsia ni yivisa.

Yohana 12:46

Inze ntsitsi kuva ubulavu bwavomkivala, ku vosi u suuvira inze a ta menya mu kisundi.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 3:19

Kandi likalaga ni yili, ubulavu bwingiye mu kivala, na vandu va yanza kisundi kuvita ubulavu; kigira miyinzi gyavo gyi veye midamano.

Yohana 7:17

Ku vosi u lalira kukola ubulaliri bwibwe, a la manya megidzo, ni ga va ni ga veye ga Nyasaye, kinga inze mwene mbola.

Yohana 9:5

Lwa mbeye mu kivala, mbeye ubulavu bwavomkivala.

Vikolwa 13:47

Kigira Mwami ya ku laga ndiyo, na a vola, Mmali kukuvika u ve ubulavu bwe Tsihiri, U ve nobuhonnyi kuduka ku kiheri kyelirova.

Vikolwa 26:23

kuli ga dukira Kristo a saliridzwe, kandi kuli mwene a la tanga kusimugukidzwa mu vakudzi, nokwilwadza ubulavu ku vandu noku Tsihiri.

2 Petro 2:17

Yava nivo vidabo vi ta li namadzi, nelilumbe lyekihuudzudzi ki hilanga, ava vikeywi ubumwamu bwekisundi.

2 Petro 2:4

Kigira Nyasaye na a va ni ya vula kuvererera tsingelosi lwa vona, navutswa ya va ta mu gehena, nokuvavika mu bogo bwekisundi, va lindwe kuduke likalagirwa;

1 Yohana 1:6

Ni ku va ku vola ku veye nelisanga naye na ku genda mu kisundi, ku veha kandi si ku kola ageligali mba:

Yudasi 1:13

kandi va veye viguvuli vyenyanza vitigali rangwa, nokutwula tsisoni tsyavo kuli lufwulu; kandi va veye tsing'ereng'ani tsi vodonkana, kigira yavo ubumwamu bwekisundi bu vikeywi mihiga nemihiga.

Yudasi 1:6

Kandi tsingelosi ava vula kulinda liva lyavo lyokutanga, navutswa va leka ubumenyo bwavo avene, a va lindanga mu libofwa lyamadiku gosi, mu kisundi kuduka mu likalagirwa lyelidiku linene yilyo.

Likunula 21:24

Kandi tsihiri tsi la genda mu bulavu bwalyo: navami velirova va leta ubukwni bwavo mulyo.