Yohana 7:4 - KITABU KITAKATIFU

⁴ Kigira si ha veye nomundu u kola kindu makiriri na mwene yenya kumanyekana. Nu u va nu u kola vindu yivi, wemannye ku avomkivala.

Yohana 7:4 ပူးပေါင်းရင်းမြစ်များ

1 Avami 22:13

Na mutumwa wa tsia kulanga Mikaiya ya mu volera, na a vola, Henza, kalunu, makuva gavaprofeti gilwadzeye umwami ubulahi nomunwa mulala; makuva gogo kandi ga ve lugano lulala nagomulala kuvo, na u vole ubulahi.

Matayo 23:5

Navutswa miyinzi gyavo gyosi gya va kola, va kolanga avandu va va lole: va kola tsifilateri tsyavo tsimamba lalu, ni va dasa tsing'oli ku nyasi kwetsingubo tsyavo,

Matayo 4:6

na a mbolera, Ive nu u va nu u ve Mwana wa Nyasaye, u tuume hasi: kigira ga ng'odeywi, A la ha tsingelosi veve munwa ku ive: Na kandi Va la ku ginga mmakono gavo, Gase u likigitala kirenge kikyo kwigina.

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Matayo 6:5

Kandi lwa mu saala, mu ta va kuli avagadi: kigira va yanza kusingira nokusaala mmasomero na mbwavakaniru bwetsinzira, avandu va va lole. Ligali mmu volera, Va mali kunyola madanyi gavo.

Luka 6:45

Mundu mulahi ku vindu vyomwoyo gwigwe, a twulidza vindu vilahi; nomundu mudamano, ku vindu vidamano vyomwoyo gwigwe, a twulidza vindu vidamano: kigira ku vindu vya kira mu mwoyo, munwa gwigwe gu vola.

Yohana 18:20

Yesu ya mu tivulira, Inze mmali kuvolera avomkivala amakuva gange habulavu; inze madiku gosi nzegidza mu masomero nomu litempeli, ha Vayuda vosi va vugana; si nda vola kindu makiriri.

Yohana 7:3

Kigira yaga avamwavo veve va mu volera, Twula hano, u tsie Buvuda, avegidzwi vovo va duke kulola miyinzi gyigyo gya u kolanga.

Yohana 7:5

Kigira kali avamwavo veve si va mu suuvira mba.