Yohana 7:28 - KITABU KITAKATIFU

²⁸ Kigira yaga Yesu ya gamba ni yegidza mu litempeli, na a vola, Inze, mwinye mu mmanya, kandi mu manya ha nda twula; kandi si ntsitsa inze mwene, navutswa uyu wa ntuma noweligali, wa mu ta manya mwinye.

Yohana 7:28 ပူးပေါင်းရင်းမြစ်များ

Zaburi 9:10

Navo ava manya lieta lilyo va la suuvira ive; Kigira ive, Yahova, si u leki ava kwenya ive.

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Jeremia 9:6

Ubumenyo bubwo bu veye hagati hobugadi; mu bugadi bwavo va sula kumanya inze, Yahova a vola.

Hosea 4:1

Mu hulire likuva lya Yahova, mwinye avana va Israeli; kigira Yahova a veye nelihing'ana ku vamenyanga mkivala yikyo, kigira si ha veye na geligali, kinga tsimbabasi, kinga limanya Nyasaye mu kivala.

Hosea 5:4

Likola lyavo si li va leka kuduka va girunkane ku Nyasaye wavo; kigira mwoyo gwa malaya gu veye muvo, na si va manyi Yahova mba.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 2:23

Na a duka kumenya mu lidala lya langwa Nazareti; ga duke kukolwa aga volwa nomunwa gwavaprofeti, a la langwa Munazareti.

Matayo 26:55

Inyinga zana Yesu ya volera viduma, Mu ntwuliye kungumira nevivavi netsi mpimbo kuli mu londanga munuli? Madiku gosi ndikala mu litempeli ni nzegidza, na si mwa ngumira mba.

Luka 10:22

Dada wange ya mba vindu vyosi: kandi si ha li nomundu u manya Mwana ni bwaha, navutswa Dada; kandi Dada ni bwaha, navutswa Mwana, naye wo Mwana u yanza kumuvuulira.

Luka 2:11

kigira lero Muho nnyi wenyu naye a veye Kristo Mwami, wivuleywi mu lidala lya Daudi.

Luka 2:39

Lwa va mala vindu vyosi vya lagwa nelilago lyo Mwami, virana Galilaya, ni va tsia mu lidala lyavo, Nazareti.

Luka 2:4

Kandi Yosefa yanegira kutwula Galilaya, mu lidala lya Nazareti, na a tsia Buyuda, mu lidala lya Daudi, lya langwa Bethlehemu, kigira ya li wenyumba naviko va Daudi;

Luka 2:51

Kandi ya sulunguta navo na a duka Nazareti; ni yegehidza kuvo: na mama wewe ya vika amakuva yaga gosi mu mwoyo gwigwe.

Yohana 1:46

Natanaeli ya mu volera, Kindu kilahi ki nyala kutwula mu Nazareti? Filipu ya mu volera, Hamba, u lole.

Yohana 10:36

wa Dada ya tovola na a mu tuma kuudza mu kivala, mwinye mu vola kuye, U nyega; kigira nda vola, Inze mbeye Mwana wa Nyasaye?

Yohana 12:49

Kigira inze si nda vola aga twula ku inze mwene; navutswa Dada wa ntuma ya mpa lilaga, lya mbola nelya nzilwadza.

Yohana 14:10

Si u suuvira inze mbeye mu Dada, na Dada a veye mu inze? Amakuva ga mmu volera si nga vola inze mwene: navu tswa Dada a veye mu inze a kolanga miyinzi gyigye.

Yohana 14:31

navutswa kuli wa Dada ya ndaga, inze nkolanga ndiyo, avomkivala va duke kumanya nyanza Dada. Singiri, ku gende.

Yohana 16:3

Kandi yaga va la kola kigira si va manya Dada, kandi inze.

Yohana 17:25

Dada mulungi, avomkivala si va ku manya, navutswa inze nda ku manya; kandi yava va manya ive wa ntuma;

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Yohana 3:2

Ya tsia ku Yesu ubudiku na a mu volera, Rabi, ku manya ive u veye mwegidzi wa twula ku Nyasaye; kigira si ha li nomundu u nyala kukola vilolekidzu yivi vya u kolanga, Nyasaye na a ta li halala naye.

Yohana 3:33

Uyu u mali kubugirira lilolekidza lilye, u mali kukupa kyokulolera kyikye ku yaga, Nyasaye nu weligali.

Yohana 5:32

Wundi a veyo u ndolekidzira; kandi inze mmanya lilolekidza lilye lya a ndolekidzira ni lyeligali.

Yohana 5:43

Inze ndadza ku lieta lya Dada wange, na mwinye si mu mbugirira mba: wundi na a va na a li duka ku lieta lilye mwene, mu la mu bugirira.

Yohana 6:42

Kandi va vola, Uyu si a li Yesu mwana wa Yosefa, wa ku manya dada wewe na mama wewe? Kigira ki kalunu a vola, Ndula migulu?

Yohana 7:14

Navutswa lwe lilia lya duka hagati, Yesu yanegira mu litempeli, ni yegidza.

Yohana 8:14

Yesu ya tivula na a va volera, Kali ni mba ni ndolekidza, lilolekidza lyange li veye lyeligali; kigira nzemanya wa nda twula, nowa ntsitsa; navutswa mwinye si mu manya ha ntwula, na ha ntsitsanga.

Yohana 8:16

Kandi inze kali ni mba ni nkalaga, likalaga lyange li veye lyeligali; kigira inze si mbeye tsyeng'ine, navutswa inze na Dada wa ntuma.

Yohana 8:19

Kigira yaga va mu volera, Dada wowo a veye ha li ha? Yesu ya tivula, Si mu manya inze, kali Dada wange: ni mba ni mu manya inze, nkano mu manya Dada wange.

Yohana 8:26

Mbeye nevindu vi nyingi vyokuvola ku mwinye nokukalaga ku mwinye: navutswa wa ntuma a veye weligali; na inze aga nda hulira kuye, nigo aga mbolera avomkivala.

Yohana 8:42

Yesu ya va volera, Nyasaye na a ve Dada wenyu, nkano mu yanza inze: kigira inze nda twula ku Nyasaye kuduka hano; kandi si nzidzi mwene, navutswa ya ntuma.

Yohana 9:29

Ku manya Nyasaye ya volera Musa amakuva: navutswa mundu uyu si ku manya wa a twula.

Vikolwa 17:23

Kigira lwa nda vita, ni mbenza vindu vyemiluka gyenyu, nda nyola kandi bwali bulala bwa ng'odwa amakuva yaga, BWA NYASAYE U TA MANYWA. Inze mmu vuulira yiki kya mu kolera miluka bugira kukimanya.

Varumi 1:28

Kandi kuli va sula kuva na Nyasaye mu limanya lyavo, Nyasaye ya va leka nomwoyo gwokuvihiriridza, va kole vindu vi ta dukana.

Varumi 3:4

Auwa: leka Nyasaye a ve weligali, navutswa avandu vosi va ve avabehi; kuli ga ng'odwa, U hebwe ubulungi mu makuva gogo, Kandi u guute lwa u li duka mu likalaga.

2 Vakorintho 1:18

Na vutswa kuli Nyasaye a veye musuuviriiu, amakuva getu ga ku mwilwadzira si ga veye yee na auwa.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

Tito 1:2

mu lisuuviridzwa lyelivamwoyo li ta hera mba, lya Nyasaye a ta nyala kuveha, ya suuviridza imbiri wemihiga nemihiga;

Vahebraina 6:18

ku vindu viviri vi ta nyala kugirunkana, mu yivi si ga nyalika Nyasaye a vole ububehi, ku duke kunyola ubukonyi bwetsingulu, kwinye ava kwirukanga kunyagula kugumira lisuuviridzwa li vikeywi imbiri wetu.

1 Yohana 5:10

U suuvira Mwana wa Nyasaye a veye nelilolekidza muye; u ta suuvira Nyasaye u mali kumukola mubehi; kigira si ya suuvira lilolekidza lya Nyasaye a lolekidza ku Mwana wewe.

1 Samweli 2:12

Navana va Eli va li vadamano; si va manya Yahova.