Si mwa tovola inze, navutswa inze nda tovola mwinye, ni mmu vika mu tsie kwama makuyu, kandi makuyu genyu ga duke kumenya: kandi vyosi vya mu saala Dada ku lieta lyange a mu he.
Ni mu va ku avomkivala, nkano avomkivala va yanza avavo: navutswa kigira si mu veye ku avo mkivala, navutswa inze nda mu tovola ku vomkivala, yiki ni kigira avomkivala va mu dunyira.
Lwa nda li navo halala, nda va denda ku lieta lilyo va wa mpa: kandi nda va linda, kandi si ha veye nomulala kuvo wa gota, navutswa mwana wobudivi; amang'oda ga duke kudukidzwa.
Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.
kandi avakali avakulundu va ve ndiyo, va ve neligenda li dukananga nobutakatifu, va ta va avahudziridzi, kinga avatugwa vewaini inyingi, va ve avegidzi avevindu vilahi;
u kola ubwoni a twula ku Setani, kigira Setani a kola ubwoni kutwula mu litanga. Mwana wa Nyasaye ya lolekidzwa kigira yago, kwononnya miyinzi gya Setani.