Yohana 6:57 - KITABU KITAKATIFU

⁵⁷ Kuli Dada welivamwoyo ya ntuma, na inze mbeye mwoyo kigira Dada; kandi ndiyo uyu u ndia a la va mwoyo kigira inze.

Yohana 6:57 ပူးပေါင်းရင်းမြစ်များ

Zaburi 18:46

Yahova a veye mwoyo; na lu gasidzwe lwanda lwange; Nyasaye wobuhonnyi bwange a nenehidzwe.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Matayo 16:16

Simoni Petro ya tivula, na a vola, Ive u veye Kristo, Mwana wa Nyasaye weliva mwoyo.

Yohana 14:19

I tigaye inyinga inkekeke, avomkivala si va li ndola kandi; navutswa mwinye mu ndolanga: kigira inze mbeye mwoyo, kandi mwinye mu la va mwoyo.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 17:21

vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.

Yohana 3:17

Kigira Nyasaye si ya tuma Mwana wewe kuudza mu kivala kukalagira avomkivala; navutswa kuhonnya avomkivala.

Yohana 5:26

Kigira kuli Dada a veye neliva mwoyo muye mwene, kandi ndiyo ya ha Mwana a ve neliva mwoyo muye mwene:

Yohana 6:29

Yesu ya tivula na a va volera, Miyinzi gya Nyasaye ni yigyi, mwinye mu suuvire uyu wa ya tuma.

Yohana 6:38

Kigira si nda twula migulu kukola ubulaliri bwange, navutswa ubulaliri bwa uyu wa ntuma.

1 Vakorintho 15:22

Kigira kuli vosi va kudzira mu Adamu, kandi ndiyo mu Kristo vosi va la kolwa kuva mwoyo.

1 Vakorintho 15:45

Kandi ndiyo ga ng'odwa, Mundu wembiri Adamu ya gwa mwika gwelivamwoyo. Adamu wenyima ya gwa roho gu haana livamwoyo.

2 Vakorintho 13:4

kigira ya bambwa mmudedekere, navutswa a veye mwoyo mu tsingulu tsya Nyasaye. Kigira kwinye kandi ku veye avadedekere muye, navutswa ku la va mwoyo halala naye ku tsingulu tsya Nyasaye itsi veye ku mwinye.

Vagalatia 2:20

Nda bambwa halala na Kristo; kandi si a li inze mwene u veye mwoyo, ni Kristo u veye mwoyo mu inze: nelivamwoyo lya mbeye nalyo mu mubiri, yili mbeye nalyo mu lisuuvira li veye ku Mwana wa Nyasaye, wa yanza inze, kandi yehaana kigira inze.

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

1 Yohana 4:9

Ku yaga ubuyanzi bwa Nyasaye bwa loleka ku kwinye, kigira Nyasaye ya tuma Mwana wewe muderwa mu lirova, kwinye ku duke kuva mwoyo muye.