Yohana 6:39 - KITABU KITAKATIFU

³⁹ Yibwo nibwo ubulaliri bwa uyu wa ntuma, ku vyosi vya ya mpa kindu kali kilala ki ta gota, navutswa nda ki simugukidza ku lidiku lyekiheri.

Yohana 6:39 ပူးပေါင်းရင်းမြစ်များ

Jeremia 23:4

Na nda singeridza kuvo avayi, avokuvaya; na si va la tia kandi, kinga kutimuka enkolo, kandi si ha la va nomulala u gota, Yahova a vola.

Matayo 10:15

Ligali mmu volera, Ubulahi bwekivala kya Sodoma nekya Gomora mu lidiku lyokukalaga bu la vita bwelidala yilyo.

Matayo 18:14

Na ndiyo si bu li ubulaliri bwa Dada wenyu u veye migulu, mulala ku vakekeke yava a dive.

Luka 12:32

Mu ta tia, mwinye kyayo kikekeke; kigira Dada wenyu a yanza kumuha ubwami.

Yohana 12:48

Mundu u nyambakana, na a ta bugirira amakuva gange, a veye nomulala u mu kalagira: livola lya nda vola li la mu kalagira ku lidiku lyekiheri.

Yohana 17:12

Lwa nda li navo halala, nda va denda ku lieta lilyo va wa mpa: kandi nda va linda, kandi si ha veye nomulala kuvo wa gota, navutswa mwana wobudivi; amang'oda ga duke kudukidzwa.

Yohana 17:2

kuli ive wa mu ha tsingulu ku inyama yemibiri gyosi, vosi va wa mu ha a va he livamwoyo li ta hera mba.

Yohana 17:24

Yava ava wa mpa, Dada, ha mbeye inze nyenya yava va ve ho, va duke kulola ubukumi bwange, bwa wa mpa: kigira wa nyanza, lirova li kikiri kutemwa muse.

Yohana 17:6

Lieta lilyo mmali kuvuulira avandu va wa mpa ku avomkivala: va li avovo, nive wa mpa; kandi va gumiye likuva lilyo.

Yohana 17:9

Inze mba saavira: si nsaavira avomkivala, navutswa nsaa vira yavo va wa mpa; kigira va veye avovo:

Yohana 18:9

Li duke kudukidzwa likuva lya ya vola, Kuvo va wa mpa si ha li nomulala u goti.

Yohana 5:28

Mu ta genya ku yaga: kigira isaa yidza ya yavo vosi va veye mu vilindwa va la hulira mwoyo gwigwe,

Yohana 6:37

Vyosi vya Dada a mbedza vi ladza ku inze; naye udza ku inze si nda mu kunga mba.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Yohana 6:44

Si ha veye nomundu u nyala kuudza ku inze vutswa, wa Dada wa ntuma a ta ng'usa: kandi inze nda mu simugukidza ku lidiku lyekiheri.

Yohana 6:54

Uyu u lia inyama yomubiri gwange nokunwa masahi gange a veye nelivamwoyo li ta hera mba; kandi inze nda mu simugukidza ku lidiku lyekiheri.

Varumi 8:11

Navutswa Roho wa uyu wa simugukidza Yesu kutwula mu vakudzu na a va na a menya mu mwinye, uyu wa simugukidza Kristo Yesu kutwula mu vakudzu, kandi a la simugukidza imibiri gyenyu gyeli kudza klgira Roho wewe u menya mu mwinye.

1 Vakorintho 6:14

Kandi Nyasaye ya simugukidza Mwami, kandi a la simugukidza kwinye netsingulu tsitsye.

2 Timoteo 2:19

Navutswa muse gwe tsingulu gwa Nyasaye gu singira, gu veye nekiloleru yiki: Mwami a manya yava ava veye aveve: kandi, Ku vosi u talanga lieta lyo Mwami yelehe ku budamano.

Yakobo 5:15

lisaala lyelisuuvira li la honnya uyu u veye mulwaye, na Mwami a la mu vukidza; na a va ni ya kola ubwoni, a la samefwa.

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.

Yudasi 1:1

Yudasi, mutugwa wa Yesu Kristo, amwavo wa Yakobo, ibaruula yange yiyi i duke ku va langwa ava yanzangwa mu Nyasaye Dada, ava lindirangwa Yesu Kristo:

1 Samweli 25:29

Kandi ni i va mundu a singira kukulonda, nokwenya livamwoyo lilyo, navutswa livamwoyo lilyo, munene wange, li la bofwa mu liboha lyelivamwoyo halala nelivamwoyo lya Yahova Nyasaye wowo: nemyoyo gya avasigu vovo, a la gyi syuva kyova, kuli lisyuvwa lyeligina hagati holukova.