Yohana 6:38 - KITABU KITAKATIFU

³⁸ Kigira si nda twula migulu kukola ubulaliri bwange, navutswa ubulaliri bwa uyu wa ntuma.

Yohana 6:38 ပူးပေါင်းရင်းမြစ်များ

Isaya 53:10

Navutswa ga yanzidza Yahova kumukuya; ya mu vereridza: lwa u kola mwoyo gwigwe kuva kyokusayasayira ubwoni, a la lola kisukululwi kikye, a la meda madiku gege, na ga Yahova a yanza ga la gasidzwa mmukono gwigwe.

Matayo 20:28

kuli Mwana wa Adamu si yadza kutumekirwa, navutswa kutumekira, nokuhaana liva mwoyo lilye li ve litungira lya vanyingi.

Yohana 3:13

Kandi si ha li nomundu wa tsia migulu, navutswa uyu wika ku twula migulu, niye Mwana wa Adamu, a veye migulu.

Yohana 3:17

Kigira Nyasaye si ya tuma Mwana wewe kuudza mu kivala kukalagira avomkivala; navutswa kuhonnya avomkivala.

Yohana 3:31

Uyu u twula migulu a veye igulu wa vosi: u twula mu kivala, uyu nu mundu wekivala, kandi a vola agomu kivala: u twula migulu a veye igulu wa vosi.

Yohana 4:34

Yesu ya va volera, Vyokulia vyange nokukola ubulaliri bwa uyu wa ntuma, nokumaliridza miyinzi gyigye.

Yohana 5:19

Kigira yaga Yesu ya tivula na a va volera, Ligali, ligali, mmu volera, Mwana si a nyala kukola kindu mwene, navutswa vya a lola Dada a kolanga: kigira ku vindu vyosi vya a kola, yivi kandi Mwana a kola ndiyo.

Yohana 5:30

Si nyala kukola kindu inze mwene: kuli mbuliranga nkalaga ndiyo; kandi likalaga lyange li veye lilungi; kigira si nyenya ubulaliri bwange, navutswa ubulaliri bwa uyu wa ntuma.

Yohana 6:29

Yesu ya tivula na a va volera, Miyinzi gya Nyasaye ni yigyi, mwinye mu suuvire uyu wa ya tuma.

Yohana 6:33

Kigira ubukima bwa Nyasaye ni yibwo bu twula migulu, kandi u hedzanga avomkivala liva mwoyo.

Yohana 6:42

Kandi va vola, Uyu si a li Yesu mwana wa Yosefa, wa ku manya dada wewe na mama wewe? Kigira ki kalunu a vola, Ndula migulu?

Yohana 6:57

Kuli Dada welivamwoyo ya ntuma, na inze mbeye mwoyo kigira Dada; kandi ndiyo uyu u ndia a la va mwoyo kigira inze.

Varumi 15:3

Kigira Kristo mwene kandi si yeyanzidza mba; navutswa, kuli ga ng'odwa, Amanyego ga va nyeganga ive ga duka ku inze.

Vafeso 4:9

(Kunangwa likuva yili, Yanegira li veye ndi ni li ta li, yika ni yingira mugati mwelirova?

Vahebraina 5:8

kali ya li Mwana, navutswa yeyegidza kuhulira ku vindu vyobusaliri bwa mu gwira,