Yohana 5:44 - KITABU KITAKATIFU

⁴⁴ Mu nyala ndi kusuuvira mwinye ava hereridzana ubukumi, mu vula kwenya ubukumi bu twula wa Nyasaye u veye yeng'ine?

Yohana 5:44 ပူးပေါင်းရင်းမြစ်များ

2 Kyetsinyinga 6:8

Navutswa Yahova ya volera dada wange Daudi, Kigira ga veye mu mwoyo gugwo kwombakira lieta lyange, inyumba, wa kola bulahi kigira ga li mu mwoyo gugwo:

Jeremia 13:23

Muethiopia a nyala kugirunkannya ligodo lilye, naho ingo i nyala kugirunkannya ubusalago bwayo? Nu u va nu u nyala yaga hene yaho na mwinye mu la nyala kukola bulahi, ava mwa nala kukola budamano.

Matayo 23:5

Navutswa miyinzi gyavo gyosi gya va kola, va kolanga avandu va va lole: va kola tsifilateri tsyavo tsimamba lalu, ni va dasa tsing'oli ku nyasi kwetsingubo tsyavo,

Luka 19:17

Ya mu volera, U koli bulahi, ive mutugwa mulahi: kigira wa li nelisuuvirwa ku kakuzuzu ligali, u ve netsingulu ku madala likumi.

Yohana 12:43

kigira va yanza ubukumi bu twula ku vandu kuvita ubukumi bu twula ku Nvasaye.

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Yohana 3:20

Kigira ku vosi u kola ubudamano a dunyira ubulavu, kandi si ya tsia ku bulavu, gase miyinzi gyigye gyi la kyaywa.

Yohana 5:41

Si mbugula ubukumi ku vandu.

Yohana 8:43

Kigira ki si mu manya livola lyange? Kigira si mu nyala kuhulira likuva lyange.

Varumi 2:10

navutswa ubukumi nelidzominywa nemirembe ku vosi ava kolanga bulahi, kutanga ku Vayuda, kandi ku Vagreki:

Varumi 2:29

navutswa uyu a veye Muyuda u veye Muvuda mugati; nelikevwa ni yili lyomwoyo, mu roho si li veye mu induguta; lidzominywa lilye si li veye lyavandu, navutswa lya Nyasaye.

Varumi 2:7

yavo avikudziranga mu miyinzi milahi venya ubukumi, nelidzominywa, nevya vula ubwoneku, va la hebwa livamwoyo lyemihiga nemihiga:

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

2 Vakorintho 10:18

Kigira si a li uyu wiidzominyanga mwene u bugirirwa, navutswa ni uyu wo Mwami yidzominyanga.

Vafilipi 2:3

Mu ta kola kindu kali kilala nelihing'ana kinga kwenya ubukumi bwa vutswa, navutswa mu lyegehidza lyomwoyo mundu sa mulala a lole wundi kuva munene kuye mwene;

1 Vatesalonike 2:6

kandi s; kwenya ubukumi bu twulanga ku vandu, naho bu twulanga ku mwinye kinga ku vandi, lwa kwa li ni ku nyala kuvugula tsingulu kuli avatumwa va Kristo.

1 Timoteo 1:17

Kalunu ku Mwami u ta hera mba, kandi u toneka, kandi u ta lolekanga, u veye Nyasaye mulala yeng'ine, lidzominywa nobukumi bu ve kuve mihiga nemihiga Amini.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

Yakobo 2:1

Avamitu, mu ta va nelisuuvira lyo Mwami wetu Yesu Kristo uyu niye Mwami wobukumi, nelyeridza ku vandu.

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.

Yudasi 1:25

ku uyu a veye Nyasaye yeng'ine Muhonnyi wetu, kigira Yesu Kristo Mwami wetu, vi ve kuye ubukumi nobunyali netsingulu nelinyala imbiri wetsinyinga tsyosi, kandi kalunu, kandi kuduka imihiga nemihiga. Amini.

1 Samweli 15:30

Hene yaho ya vola, Nkoli ubwoni: kali ni ga veye ndiyo, nku goonya, u nzidzominye kalunu imbiri wa vakulundu vavandu vange, na imbiri wa Israeli, na wirane kandi halala ninze nduke kusigamira Yahova Nyasaye wowo.

1 Samweli 2:30

Kunangwa Yahova, Nyasaye wa Israeli, a vola, Inze nda vola, Ligali inyumba yoyo, nenyumba yadada wowo, i la genda imbiri wange kazozo: navuts va kalunu Yahova a vola, Inkuva yiyi i veve ihale ku inze; kigira yavo vidzominya inze nda vidzominya, na yavo va lega inze va la v olerwa, si vn veye kindu.