Yohana 5:4 - KITABU KITAKATIFU

⁴ Kigira ku tsinyinga, ingelosi yika ku lidivalia ku duvula amadzi, na uyu wingira kutanga lwa amadzi ga duvulwa, ya hona kubulwaye bwosi bwa mu nyola.

Yohana 5:4 ပူးပေါင်းရင်းမြစ်များ

2 Avami 5:10

Na Elisha ya tuma mutumwa kuye, na a vola, Tsia uesinge mu mugera gwa Yordani hali gatano na gaviri, nenyama yomubiri gugwo i lirana ku ive kandi, na u la va munifu.

Zaburi 119:60

Nda kola bwangu, na si nda linda gira, Kugumira malago gogo.

Tsing'ano 6:4

U ta ha tsimoni tsitsyo tsindolo mba, Kandi u ta ha vigohe vivyo litengedza;

Tsing'ano 8:17

Nyanzanga yavo ava yanza inze; Navo avenyanga budinyu va la nyola inze.

Kohelethu 9:10

Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Ezekieli 47:8

Ma ya mbolera, Amadzi yaga aga twulanga kutsia ku luvega lwekivala kyevugwe, ga lika kutsia ku kyangalangwi; na ga la tsia ku luvega lwenyanza; ga twulanga ha zana ga la tsia mu inyanza; namadzi genyanza ga la honywa.

Hosea 13:13

Ubusaliri bwomukali u lumangwa bu la duka kuye: a veye mwana u ta veye nobugeeri; kigira inyinga i duki i ta dukana kusingira ha avana va hudula va twule.

Zekaria 13:1

Mu lidiku yilyo kisenukiru ki la senukira inyumba ya Daudi, nava menyi Yerusalemi, kigira ubwoni na kigira busamuku.

Zekaria 14:8

Na ga la duka ku lidiku yilyo, amadzi ga veye mwoyo ga la twula mu Yerusalemi; luvega lulala kugo ga la tsia ku luvega lwenyanza yevugwe, na luvega lwago lundi ga la tsia ku luvega lwenyanza ye madioli: ga la va ndiyo inyinga yoluya noku inyinga yobukindu.

Matayo 11:12

Kutwula ku madiku ga Yohana Mbatidzi kuduka lero ubwami bwomigulu bwingirangwa netsingulu, kandi avetsingulu va bu vugula netsingulu.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Luka 13:24

Mu dinye kwingira mu kiliango kinye rere: kigira inze mmu volera, Vanyingi va lenya kwingira navutswa si va li nyala mba.

Luka 16:16

Lilaga navaprofeti va li ho kuduka inyinga ya Yohana: kutwula inyinga yeyo ivangeli yobwami bwa Nyasaye yilwadzwa, navandu vosi vingira mu netsingulu.

Yohana 5:3

Va gona mutsyo kiduma kinene kyavalwaye, avaboku, avaleema, avafwogoya. Va lindanga lidivula lya amadzi.

Yohana 5:5

Ya li ho mundu mulala wa li mu budekeranu bwibwe mihiga amakumi gavaka nemihiga gyitanu negyivaka.

Yohana 5:7

Mulwaye ya mu tivulira, Mwami, si mbeye nomundu wokumbika mu lidavalia inyinga amadzi ga duvuka: navutswa inyinga ntsitsanga wundi vingira imbiri wange.

1 Vakorintho 6:11

Kandi ku mwinye avalala va li kuli yava, navutswa mwogidzeywi, kandi mwa takaseywi, navutswa mwa volwa kuva avalungi ku lieta lyo Mwami Yesu Kristo, noku Roho wa Nyasaye wetu.

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.