Yohana 5:39 - KITABU KITAKATIFU

³⁹ Mwinye mwenya mu mang'oda, kigira mu vola mu la nyola mu, livamwoyo li ta hera mba; kandi yaga nigo ga lolekidza ku inze;

Yohana 5:39 ပူးပေါင်းရင်းမြစ်များ

Zaburi 1:2

Navutswa a yanza miima gya Yahova; Na a ganagana miima gyigye mbasu nobudiku.

Zaburi 119:11

Mbiki makuva gogo mu mwoyo gwange, Mbule kukukolera ubwoni.

Zaburi 133:3

Kuli lime lya Herimon, Likanga ku vigulu vya Zioni: Kigira niho ha Yahova ya laga ubugasu bwibwe, Kali livamwoyo lyemihiga nemihiga

Zaburi 16:11

U la mmannya inzira yelivamwoyo: Imbiri wa ive ha veye nobusangali budukiru; Mu mukono gugwo mulungi ha veye nobuyanzi mihiga nemihiga.

Zaburi 21:4

Ya teva ku ive livamwoyo, wa mu ha, Kali ubutambi bwamadiku manyingi gemihiga nemihiga.

Zaburi 36:9

Kigira kisenukiru kvamadzi gelivamwoyo ki veye ku ive: Mu ubulavu bubwo ku la lola ubulavu.

Tsing'ano 6:23

Kigira lilaga li veye itaya; na lyegidza li veye ubulavu; Na lyegidzwa lyeligondokirwa li veye inzira yelivamwoyo:

Isaya 34:16

Mwenye mu kitabu kya Yahova, mu some: si ha veye mu yivi vyosi kilala kuvula kuva ho si ha veye nekikali kali kilala ki ii daka kisatsa; kigira munwa gwange gu mali kulaga, na Roho wewe a vi vungidzi halala.

Isaya 8:20

Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo.

Jeremia 8:9

Avandu vobugeeri va nyoye tsisoni, va timuki inkolo nokugumirwa: henza, va suye likuva lya Yahova; na va veye nobugeeri ki muvo?

Danyeli 12:2

Kandi avanyingi ku yavo ava gonanga mu lugukyi lwelirova va la vuka, avalala kuduka mu buhindiri bu ta hera mba na avandu kuduka mu tsisoni na liiegwa li ta hera mba.

Matayo 22:29

Yesu ya tivula na a va volera, Mu kosanga, kigira si mu manya mang'oda, kandi tsingulu tsya Nyasaye.

Marko 10:3

Ya tivula na a va volera, Musa ya mu laga ki?

Marko 12:10

Si mu somi kali ling'oda yili: Ligina lya vombaki va suye, Yili lyene lya kolwa mutwe gwo lwiga

Luka 16:29

Navutswa Abrahamu ya vola, Va veye na Musa navapro feti; va va hulire.

Luka 16:31

Naye ya mu volera, Ni va ta hulira Musa navaprofeti, kandi si va nyala kuhulira amakuva gomundu u twula mu vakudzi.

Luka 24:25

Kandi ya va volera, O avandu avasiru, avemyoyo midinyu kusuuvira vyosi vyavaprofeti va vola

Luka 24:27

Kandi ya tanga kutwula ku Musa noku vaprofeti vosi, na a va vuulira mu mang'oda gosi vindu vya volwa kuye mwene.

Luka 24:44

Kandi ya va volera, Yaga namakuva ga nda mu volera, lwa nda li halala nemwinye, Vindu vyosi vya ng'odwa ku inze mu lilaga ya Musa nomu vaprofeti nomu zaburi, vi nigwa vi kolwa.

Yohana 1:45

Filipu ya nyola Natanaeli, na a mu volera, Ku nyoye uyu wa Musa ya ng'oda kuye mu lilaga kandi avaprofeti, Yesu wa Nazareti, mwana wa Yosefa.

Yohana 5:32

Wundi a veyo u ndolekidzira; kandi inze mmanya lilolekidza lilye lya a ndolekidzira ni lyeligali.

Yohana 5:36

Navutswa lilolekidza lya mbeye nalyo li vita lya Yohana; kigira miyinzi gya Dada ya mpa kumaliridza, miyinzi zana gya nkola, gyi ndolekidza, he, Dada ya ntuma.

Yohana 5:40

kandi mwinye si mu yanza kuudza ku inze mu nyole livamwoyo.

Yohana 5:46

Kigira mwinye mu va mu suuvira Musa, nkano mu suuvira inze; kigira ya ng'oda ku inze.

Yohana 7:52

Va tivula ni va mu volera, Ive kandi si u li wa Galilaya? Wenye u lole, si ha veye nomuprofeti u twula Galilaya.

Vikolwa 13:27

Kigira yava ava menya Yerusalemi, navanene vavo, kigira si va mu manya, kandi si va manya myoyo gyavaprofeti ava somangwa amasabato gosi va va dukidza ku limukalagira.

Vikolwa 17:11

Yava va li kukuminywa kuvita ava Tesalonike, kigira va bugirira likuva bwangu, ni venya kazozo mu mang'oda kulola amakuva ga ve ageligali naho.

Vikolwa 26:27

Mwami Agiripa, u suuvira avaprofeti ? Mmanya u suuvira.

Varumi 1:2

ya ya tanga kulagira mu minwa gyavaprofeti veve mu mangoda ma takatifu,

Varumi 3:2

Li konya ligali ku gosi. Lwambiri kigira va hebwa lilinda lyelivola lya Nyasaye.

Kwidzulitsa 18:15

Yahova Nyasaye wowo a la ku singeridzira mprofeti hagati hoho, ku vamwavo vovo, u veye kuli inze; mu hulire uyu;

Kwidzulitsa 18:18

Nda va singeridzira mprofeti hagati ha vamwavo vavo, a veye kuli ive; na nda vika amakuva gange mmunwa gwigwe, na a la va volera gosi aga nda mu laga.

Kwidzulitsa 29:29

Vya viswa ni vya Yahova Nyasaye wetu, navutswa vya lang'aminywa ni vyetu ni vya avana vetu mihiga nemihiga, ku duke kukola amakuva gosi gelilaga yili.

Kwidzulitsa 32:47

Kigira si ga veye amakuva ga vutswa ku mwinye; kigira ga veye livamwoyo lyenyu, noku inkuva yiyi ma madiku genyu mu la ga kola manyingi ku kivala, kya mwambukanga Yordani kukigumira.

Vakolosai 3:16

Likuva lya Kristo li menye mu mwinye nobuhinda: mu bugeeri bwosi mwegidzane nokugerihidzana avene navene ku zaburi noku tsinyimbu noku tsinyimbu tsyomu roho, mwimbire Nyasaye nemyoyo milahi.

Vahebraina 11:16

Navutswa kalunu venyanga kivala kilahi kuvita, nakyo ki veye migulu; kigira yaga Nyasaye si ya lola tsisoni kulangwa Nyasaye wavo; kigira u va lombeye lidala.

Vahebraina 11:35

Avakali va vugula avakudzu vavo mu lisimugukidzwa; navandi va saliridzwa nobudamano, va sula lihona lyavo, va duke kunyola lisimuguka lilahi kuvita.

Joshua 1:8

Kitabu yiki kyelilaga si ki la twula mmunwa gugwo, navutswa u la ganagana kukyo mbasu nobudiku, u duke kulinda kukola kuli gosi aga ng'odwa mu: kigira inyinga zana u la gasidza inzira yoyo, na inyinga zana u la kola nobugeeri.

Likunula 19:10

Kandi nda gwa hasi ha virenge vivye kumusigamira. Naye ya mbolera, Henza, u ta kola mba; inze mbeye wakyo halala na ive navamwavo vovo ava gumira lilolekidza lya Yesu: U sigamire Nyasaye: kigira lilolekidza lya Yesu li veye roho gwobuprofeti.