Yohana 5:26 - KITABU KITAKATIFU

²⁶ Kigira kuli Dada a veye neliva mwoyo muye mwene, kandi ndiyo ya ha Mwana a ve neliva mwoyo muye mwene:

Yohana 5:26 ပူးပေါင်းရင်းမြစ်များ

Zaburi 36:9

Kigira kisenukiru kvamadzi gelivamwoyo ki veye ku ive: Mu ubulavu bubwo ku la lola ubulavu.

Zaburi 90:2

Lwa vigulu vi kikiri kulombwa, Kinga lwa u kikiri kulomba lirova na vyomulirova Kutwula mihiga nemihiga, kuduka mihiga nemihiga, ive u veye Nyasaye.

Kutwula 3:14

Na Nyasaye ya volera Musa, INZE MBEYE U VEYE HO: na ya vola, U la volera avana va Israeli inkuva yiyi, INZE MBEYE HO u ntumi ku mwinye.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Yohana 1:4

Muye lya li liva mwoyo; na liva mwoyo lya li ubulavu bwavandu.

Yohana 10:18

Si ha veye nomundu u nyaga Ziva mwoyo, navutswa ndi haana inze mwene. Mbeye netsingulu kulihaana, kandi mbeye netsingulu kuligumira kandi. Lilago yili nda nyola ku Dada wange.

Yohana 11:25

Yesu ya mu volera, Inze mbeye lisimuguka, kandi mbeye livamwoyo: u suuvira inze, kaliva na a kudza, a la va mwoyo;

Yohana 11:26

ku vosi u veye mwoyo na a suuvira inze si a li kudza mihiga nemihiga. U suuviye yaga?

Yohana 14:19

I tigaye inyinga inkekeke, avomkivala si va li ndola kandi; navutswa mwinye mu ndolanga: kigira inze mbeye mwoyo, kandi mwinye mu la va mwoyo.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 4:10

Yesu ya tivula na a mu volera, Ive nu u manya kihaanwa kya Nya saye, kandi ni bwaha u ku volera Mpe, kunwa; nkano wa ka mu teva naye nkano ya ka ku ha amadzi agelivamwoyo.

Yohana 6:57

Kuli Dada welivamwoyo ya ntuma, na inze mbeye mwoyo kigira Dada; kandi ndiyo uyu u ndia a la va mwoyo kigira inze.

Yohana 8:51

Ligali, ligali mmu volera, mundu na a gumira likuva lyange, si a li lola likudza mihiga nemihiga.

Vikolwa 17:25

kandi si a tumekirwa namakono gavandu, kuli mudaka wekindu kali kilala, kigira niye mwene a hedzanga vosi livamwoyo nomwika, nevindu vyosi.

1 Vakorintho 15:45

Kandi ndiyo ga ng'odwa, Mundu wembiri Adamu ya gwa mwika gwelivamwoyo. Adamu wenyima ya gwa roho gu haana livamwoyo.

1 Timoteo 1:17

Kalunu ku Mwami u ta hera mba, kandi u toneka, kandi u ta lolekanga, u veye Nyasaye mulala yeng'ine, lidzominywa nobukumi bu ve kuve mihiga nemihiga Amini.

1 Timoteo 6:16

u veye neliwla kukudza yeng'ine, u menyanga mu bulaw obu tisundwa himbi; womundu a ta lola kali mulala, kandi si ha veye nomundu u nyala kumulola: kuye lidzominywa netsingulu tsi ve kuye mihiga nemihiga. Amini.

Vahebraina 1:2

kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.

Likunula 21:6

Kandi ya mbolera, Ga koleywi. Inze mbeye Alfa na Omega, litanga nekiheri. Inze nda ha wobuluhu kisenukiru kyamadzi gelivamwoyo, a nwe ku vutswa.

Likunula 22:1

Kyo Mwana Weligondi. Kandi ya mmannya mugera gwamadzi gelivamwoyo, mang'ereng'anu kuli ubulengeru, gu senukanga mu intebe ya Nyasaye neyo Mwana Weligondi,

Likunula 22:17

Kandi Roho nomwiha va vola, Hamba. Kandi uyu u huliranga a vole, Hamba. Kandi uyu u veye nobuluhu yadze: kandi uyu wenyanga a vugule vutswa amadzi gelivamwoyo.

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.