Yohana 5:23 - KITABU KITAKATIFU

²³ vosi va duke kukuminya Mwana, kuli va kuminya Dada. Uyu a vula kukuminya Mwana kandi si a kuminya Dada wa mu tuma.

Yohana 5:23 ပူးပေါင်းရင်းမြစ်များ

Zaburi 2:12

Mu buse mwana, gase a la va nobutima, na mwinye mu divira ku inzira, Kigira ubutima bwibwe bu laaka bwangu. Va veye nobugasu vosi ava suuvira kuye.

Isaya 42:8

Inze mbeye Yahova, yili ni lieta lyange; ubukumi bwange si nda ha wundi mba, kandi si nda ha vifwananyi vya vadzwa lidzominywa lyange mba.

Isaya 44:6

Yahova a vola yaga, Mwami wa Israeli, Mutungiri wewe, Yahova wa mahe: inze mbeye wokutanga, nowekiheri; si ha veye na Nyasaye wundi ku inze.

Isaya 45:15

Ligali ive u veye Nyasaye wivisanga mwene, O Nyasaye wa Israeli, Muhonyi.

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Matayo 10:37

U yanzanga ise na mama wewe kuvita inze si a dukana ninze; kandi u yanzanga mwana muyai kinga mukana kuvita inze, si a dukana ninze.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 12:21

Ku lieta lilye Tsihiri tsi la suuvira.

Matayo 15:8

Avandu yava va nzidzominya neminwa gyavo; Navutswa mwoyo gwavo gu veye ihale ninze.

Matayo 28:19

Kigira yaga mu tsie kukola avegidzwi ku tsihiri tsyosi, mu va batidze mu lieta lya Dada, nomu lyo Mwana, nomu Iva Roho Mtakatifu:

Luka 10:16

U hulira mwinye, a hulira inze; kandi u sula mwinye, a sula inze; kandi u sula inze, a sula wa ntuma.

Yohana 14:1

Mu ta henda myoyo gyenyu: suuviri Nyasaye, mu suuvire inze kandi.

Yohana 16:14

Kandi u li mbuminya inze: kigira a la vugula ku vyange yilwadze ku mwinye.

Yohana 17:10

vyosi vi veye vyange ni vivyo, kandi vivyo ni vyange: na inze mbuminyeywi kuvo.

Varumi 1:7

Ibaruwa yange yiyi i dukire vosi ava veye mu lidala lya Romi, avayanze va Nyasaye, ava langwa va ve avatakatifu. Tsimbabasi tsi ve ku mwinye, nemirembe gyi twulanga ku Dada wetu kandi ku Mwami Yesu Kristo.

Varumi 15:12

Kandi Isaya a vola Ki la vaho kitinya kya Jesse Kandi uyu a singira kwameha ku Tsihiri; Ave Tsihiri va la suuvira ku uyu.

Varumi 6:22

Navutswa kalunu, ni mu mali kukolwa ndi avaboholole kutwula ku bwoni kugwa avatugwa va Nyasaye, mu veye namakuyu kuduka ku butakatifu, nekiheri ki veye livamwoyo lyemihiga nemihiga.

Varumi 8:9

Navutswa mwinye si mu veye mu mubiri, navutswa mu Roho, Roho wa Nyasaye na a va na a menya mu mwinye. Navutswa ku vosi u ta veye na Roho wa Kristo si a li wewe mba.

1 Vakorintho 1:3

Tsimbabasi tsi ve ku mwinye nemirembe gyi twulanga ku Nyasaye Dada wetu noku Mwami Yesu Kristo.

1 Vakorintho 10:31

Kunangwa ni mu va ni mu lia naho ni mu nwedzanga, naho ni mu kola ku vindu vyosi mu kole vindu vyosi mu kuminye N; asaye.

1 Vakorintho 16:22

Ku vosi mundu na a ta yanza Mwami, a laamwe lwo Mwami a ladza.

1 Vakorintho 6:19

Naho si mu manya mubiri gu veye litempeli lya Roho Mutakatifu u veye mu mwinye, wa mu veye naye kutwula ku Nyasaye? Kandi mibiri si gyi veye gyenyu;

2 Vakorintho 1:9

Yee, kwinye avene kwa li nelikalagirwa lyelikudza mu myoyo gyetu, ku tesuuvira kwinye avene, navutswa ku suuvire Nyasaye u simugukidzanga avakudzu:

2 Vakorintho 13:14

Tsimbabasi tsyo Mwami Yesu Kristo, nobuyanzi bwa Nyasaye, nelisanga lya Roho Mutakatifu, vi ve nemwinye mwosi.

2 Vakorintho 5:14

Kigira ubuyanzi bwa Kristo bu ku niganga kigira ku ganagana ndi, mulala na a va ni ya kudzira vosi, vosi va kudza;

2 Vakorintho 5:19

kuli Nyasaye ya li mu Kristo na a leta avomkivala kuhambana naye, si a validza lihyola lyavo kuvo, na a vika ku kwinye likuva lyokuhambannya.

Vafeso 6:24

Tsimba basi tsi ve navo vosi ava yanzanga Mwami wetu Yesu Kristo, neliyanza li ta li nobwoneku.

2 Timoteo 1:12

Kigira yaga nyolanga vindu yivi: navutswa si mbeye isoni; kigira mmanya uyu wa nsuuviranga, kandi mmanya ligali a nyala kulinda kya nda vika kuye kuduka ku lidiku yilyo.

Vahebraina 1:6

Kandi lwa ya leta mu lirova wivulwa wokutanga ya vola, Tsingelosi va Nyasaye va msigamire.

2 Petro 1:1

Simoni Petro, mutugwa nomutumwa wa Yesu Kristo, ibaruua yange i duke ku ava nyoye lisuuvira lilala lyere lyobulahi halala nekwinye, mu bulungi bwa Nyasaye wetu, Muhonnyi wetu Yesu Kristo:

2 Petro 3:18

Navutswa mu kulire mu tsimbabasi nomu limanya lyo Mwami wetu Muhonnyi Yesu Kristo. Ubukumi bu ve kuye kalunu imihiga nemihiga. Amini.

1 Yohana 2:23

Ku vosi wambakana Mwana, uyu si a veye na Dada: uyu weyama Mwana a veye na Dada kandi.

2 Yohana 1:9

Ku vosi wimiriranga nokuvula kumenya mu megidzo ga Kristo, si a veye na Nyasaye: uyu u menya mu megidzo, a veye na Dada no Mwana.