Yohana 5:20 - KITABU KITAKATIFU

²⁰ Kigira Dada a yanza Mwana na a mannya vindu vyosi vya a kolanga mwene: kandi a la mu mannya miyinzi gyi vita yigyi, mwinye mu duke kugenya.

Yohana 5:20 ပူးပေါင်းရင်းမြစ်များ

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

Matayo 4:8

Kandi, Setani ya mu hila mkigulu kitambi munonono, na a mmannya bwami bwosi bwelirova, nobukumi bwabwo;

Luka 10:22

Dada wange ya mba vindu vyosi: kandi si ha li nomundu u manya Mwana ni bwaha, navutswa Dada; kandi Dada ni bwaha, navutswa Mwana, naye wo Mwana u yanza kumuvuulira.

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 10:32

Yesu ya va tivulira, Miyinzi milahi minyingi mmu mannya gyi twulanga ku Dada; ku miyinzi yigyo ni gu li ha gwa mu ndasira magina?

Yohana 14:12

Ligali, ligali mmu volera, Uyu u suuvira inze miyinzi gya nkolanga naye kandi a la gyi kola; kandi a la kola minene ku vita yigyi; kigira inze ntsitsa wa Dada.

Yohana 15:15

Kutwula kalunu si nyala kumulanga avatugwa; kigira mutugwa si a manya vyo wa mutuga a kolanga: navutswa mmu langi avalina; kigira vyosi vya nda hulira ku Dada wange, mmali kumuvolera.

Yohana 17:26

na inze mmali kuvamannya lieta lilyo, kandi nda va mannya; ubuyanzi bwa wa nyanza nabwo bu duke kuva muvo, na inze muvo.

Yohana 3:35

Dada a yanza Mwana, kandi u mali kumuha vyosi mu makono gege.

Yohana 5:21

Kigira kuli Dada a simugukidzanga avakudzi na a va ha liva mwoyo, kandi ndiyo Mwana a hedza vosi va a tovola, liva mwoyo.

Yohana 5:25

Ligali, ligali, mmu volera, Isaa yidza, nayo i mali kuduka yavakudzi va la hulira mwoyo gwo Mwana wa Nyasaye, kandi ava hulira va la duka kuva mwoyo.

Yohana 5:29

ma va twule mu, yavo va kola bulahi va duke ku lisimuguka lyelivamwoyo; navo ava kola ubudamano va duke ku lisimuguka lyelikalagirwa.

2 Petro 1:17

Kigira ya nyola ku Nyasaye Dada lidzominywa nobukumi, lwa gwa duka kuye mwoyo gu twula mu Bukumi Ubunene, Uyu niye Mwana wange muyanze wange, u nyanzidzanga: