Yohana 5:18 - KITABU KITAKATIFU

¹⁸ Kigira yaga Vayuda va kira kwenya kumwiita, kigira si yononnya lisabato lyeng'ine navutswa kandi ya langa Nyasaye Dada wewe, ni yekola mwene a leng'ane na Nyasaye.

Yohana 5:18 ပူးပေါင်းရင်းမြစ်များ

Zekaria 13:7

U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke.

Matayo 12:5

Kinga si mwa soma mu malago, ku lidiku lyelisabato avasalisi mu litempeli vononya lisabato, va ta li nekindu kuvo?

Yohana 1:19

Kandi yili ni lilolekidza lya Yohana, inyinga Avayuda va tuma avasalisi na Valevi va twula Yerusalemi kumuteva, Ive ni bwaha?

Yohana 10:30

Inze na Dada ku veye kindu kilala.

Yohana 10:33

Avayuda va mu tivulira, Si ku ku lasa kigira muyinzi mulahi, navutswa kigira ubunyegi; kandi kigira ive, mundu, mwene wekola Nyasaye.

Yohana 14:23

Yesu ya tivula, na a mu volera, Mundu na a nyanza, a la gumira likuva lyange: na Dada wange a la mu yanza kwinye ku ladza kuye, na ku la, menya naye.

Yohana 14:9

Yesu ya mu volera, Tsinyinga yitsi tsyosi mbeye halala ne mwinye, nive u ta manya inze, Filipu? U lola inze u loli Dada; kigira ki u vola, U ku mannye Dada?

Yohana 19:7

Avayuda va mu tivulira, Kwinye ku veye nelilaga, kandi ku lilaga zana nu bulahi a kudze, kigira yekola Mwana wa Nyasaye.

Yohana 5:15

Mundu uyo ya tsia na a volera Vayuda ni Yesu wa mu honnya.

Yohana 5:16

Kigira yaga Vayuda va dambidza Yesu, kigira ya kola vindu yivi ku lisabato.

Yohana 5:17

Navutswa Yesu ya va tivulira, Dada wange kali kuduka kalunu a kola miyinzi, na inze nkola miyinzi.

Yohana 5:23

vosi va duke kukuminya Mwana, kuli va kuminya Dada. Uyu a vula kukuminya Mwana kandi si a kuminya Dada wa mu tuma.

Yohana 7:1

Inyima yevindu yivi Yesu ya vaya mu Galilaya: kigira si yenya kuvaya Buyuda, kigira Avayuda venya kumwiita.

Yohana 7:19

Si ya li Musa wa mu ha lilaga? Navutswa si ha veye nomulala ku mwinye u kola lilaga. Kigira ki mwinye mwenya kunziita?

Yohana 8:54

Yesu ya tivula, Inze ni mba ni nziyidzominya, ubukumi bwange si bu veye kindu: ni Dada wange u nzidzominyanga, wa mu vola, ni Nyasaye wenyu;

Yohana 8:58

Yesu ya va volera, Ligali, ligali, mmu volera, Abrahamu na a tivulwa, inze mbeye.

Vafilipi 2:6

uyu, wa li ku lugano lwa Nyasaye, si ya lola lile ng'ana na Nyasaye ni kindu kyokuhandwa ku,

Likunula 22:1

Kyo Mwana Weligondi. Kandi ya mmannya mugera gwamadzi gelivamwoyo, mang'ereng'anu kuli ubulengeru, gu senukanga mu intebe ya Nyasaye neyo Mwana Weligondi,

Likunula 22:3

Kandi si ha la va nelilaama kandi: kandi intebe ya Nyasaye neyo Mwana Weligondi i la va mu: kandi avatugwa veve va la mu tumekira;