Yohana 5:17 - KITABU KITAKATIFU

¹⁷ Navutswa Yesu ya va tivulira, Dada wange kali kuduka kalunu a kola miyinzi, na inze nkola miyinzi.

Yohana 5:17 ပူးပေါင်းရင်းမြစ်များ

Zaburi 65:6

Uyu u singeridzanga vigulu netsingulu tsitsye, Webohi nobunyali;

Isaya 40:26

Mu ginge tsimoni tsyenyu mu henze igulu, mu lole ni bwaha wa vi lomba, uyu u letanga lihe lyavo nelivalidza; a langanga lyosi ameta gavo; nobunene bwobunyali bwibwe, kandi kigira a veye wanyala mu tsingulu, si ha veye nekilala ki vula kuva ho.

Matayo 10:29

Si ga gulangwa matondelidzi gaviri isenti indala? Navutswa kali lilala si li nyala kugwa hasi bugira Dada wenyu na a la li manya.

Yohana 10:36

wa Dada ya tovola na a mu tuma kuudza mu kivala, mwinye mu vola kuye, U nyega; kigira nda vola, Inze mbeye Mwana wa Nyasaye?

Yohana 14:10

Si u suuvira inze mbeye mu Dada, na Dada a veye mu inze? Amakuva ga mmu volera si nga vola inze mwene: navu tswa Dada a veye mu inze a kolanga miyinzi gyigye.

Yohana 5:16

Kigira yaga Vayuda va dambidza Yesu, kigira ya kola vindu yivi ku lisabato.

Yohana 5:18

Kigira yaga Vayuda va kira kwenya kumwiita, kigira si yononnya lisabato lyeng'ine navutswa kandi ya langa Nyasaye Dada wewe, ni yekola mwene a leng'ane na Nyasaye.

Yohana 9:4

Ga ku dukira kukola miyinzi gya uyu wa ntuma, gu kiri mbasu: ubudiku buudza, inyinga yomundu a ta nyala ku kola miyinzi.

Vikolwa 14:17

Navutswa si veleka mwene a vule kuva nevilolekidzu, kigira ya kola bulahi, na a leta tsimbula tsyomigulu na a mu ha imihiga gyeligesa, ni yizulitsa myoyo gyenyu vyokulia nobutsantsaliki

Vikolwa 17:28

kigira ku uyu ku veye mwoyo, kandi ku genda, kandi ku hindira; kuli avalala ku va lomba tsinyimbu tsyenyu, va vola. Kigira kwinye ku veye visukululwi vivye.

1 Vakorintho 12:6

Kandi ha veye netsing'ano tsyeliyinzira, nawtswa Nyasaye a veye mulala, u kolanga vindu vyosi mu vosi.

Vakolosai 1:16

kigira vindu vyosi vya lombekera muye, vyomigulu nevya hasi, vi lolekanga ne vi ta lolekanga, ni vi veye ho visako vyobwami, kinga lyameha, kinga ubunene, kinga tsingulu; vindu vyosi vya lomberwa mu uyu, kandi kigira mwene uyu.

1 Vatesalonike 2:13

Kigira yaga kwinye kandi ku santidzanga Nyasaye bugira kulekera, kigira lwa mwa nyola ku kwinye likuva lyobutumwa nalyo ni likuva lya Nyasaye, mwinye si mwa li gumira kuli li veye likuva lyavandu, navutswa kuli li veye ligali likuva lya Nyasaye, li kola kandi mu mwinye ava suuvira.

Vahebraina 1:3

Uyu u veye bung'ering'anu bwobukumi bwibwe, nelifwana lyolugano lwilwe mwene, kandi u diranga vindu vyosi ku likuva lyetsingulu tsitsye, kandi lwa ya mala kulomba lyogidza lyobwoni, yikala ha mukono mulungi gwo Munene migulu;