Na Yahova ya teva Musa, Avandu yava va la ndega kuduka inyinga ki? Na va la vula kusuuvira inze kuduka inyinga ki, kali ni nkoli vilolekidzu vyosi hagati havo?
Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.
Ku, va menya yo tsinyinga tsinyingi, ni vilwadza ku Mwami nobuluviriri, naye ya lolekidza tsimbabasi tsitsye na a haana vilolekidzu nevyokugennya vi kolwe namakono gavo.
Mwinye avasatsa va Israeli, mu huliridze amakuva yaga: Yesu wa Nazareti, mundu wa Nyasaye a langaminyi ku mwinye ku vikolwa vyetsingulu nevyokugenya nevilolekidzu, vya Nyasaye ya kola hagati henyu naye, kuli mwinye avene mu manya;
Mundu uyu ya vimirira kutwula, inyima wa ya kola vyokugenya nevilolekidzu mu Egepeti, nomu Inyanza Inzakanyu, kandi mu kyangalangwi imihiga amakumi gane.