Yohana 4:36 - KITABU KITAKATIFU

³⁶ Mugesi a vugula madanyi, na a vungidza makuyu gelivamwoyo li ta hera mba, mumidzi nomugesi va duke kusangala halala.

Yohana 4:36 ပူးပေါင်းရင်းမြစ်များ

Tsing'ano 11:18

Mudamano yenyolera madanyi gobugadi Navutswa uyu u midzanga bulungi a veye namadanyi geligali.

Tsing'ano 11:30

Amakuyu gavalungi ga veye musala gwelivamwoyo; Uyu wobugeeri a nyolanga myoyo gyavandu.

Danyeli 12:3

Kandi avobugeeri va laaka kuli ubung'ereng'anu bwombwerefu; na yava ava girunkannya avanyingi kulonda ubulungi va laaka kuli tsing'ereng'ani mihiga nemihiga.

Matayo 19:29

Ku vosi u leki tsinyumba, kinga avamwavo, kinga avabotso, kinga ise, kinga mama, kinga avana, kinga milimi, kigira lieta lyange, a la nyola vindu hali mia, kandi a la nyola liva mwoyo li ta hera mba.

Yohana 3:36

U suuvira Mwana a veye nelivamwoyo li ta hera mba; navutswa uyu u ta tia Mwana si a li lola livamwoyo, navutswa ubutima bwa Nyasaye bu menya kuye.

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Varumi 1:13

Si nyenya mwinye mu vule kumanya, vamitu, hali kanyingi nsaavira kuudza ku mwinye (ninze nzigalirangwa kali kuduka kalunu), nduke kwama makuyu mu mwinye kandi, kuli ga veye mu Tsihiri tsindi.

Varumi 2:7

yavo avikudziranga mu miyinzi milahi venya ubukumi, nelidzominywa, nevya vula ubwoneku, va la hebwa livamwoyo lyemihiga nemihiga:

Varumi 6:22

Navutswa kalunu, ni mu mali kukolwa ndi avaboholole kutwula ku bwoni kugwa avatugwa va Nyasaye, mu veye namakuyu kuduka ku butakatifu, nekiheri ki veye livamwoyo lyemihiga nemihiga.

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

1 Vakorintho 9:17

Kigira ni nkola yaga nobuyanzi bwange mwene, mbeye namadanyi: navutswa ni bu ta li ubuyanzi bwange mwene, mbebeywi ubulindi bwevangeli.

1 Vakorintho 9:18

Kunangwa madanyi gange ga veye ki? Ga veye yaga inyinga nzilwadza ivangeli nduke kukola ivangeli i ta va nomutungu, mbule kutumekira tsingulu tsyange tsyosi mu ivangeli.

1 Vatesalonike 2:19

Kigira lisuuviridzwa lyetu li veye ki, kinga lisangala lyetu li veye ki, kinga itaji yeliidzominya lyetu li veye ki? Si mu li mwinye imbiri wo Mwami wetu Yesu Kristo mu lidza lilye?

1 Timoteo 4:16

Welinde mwene, kandi u linde lyegidza lilyo. U menye mu vindu yivi; kigira mu likola yaga u lehonnya mwene, kandi ava ku hulira.