Yohana 4:23 - KITABU KITAKATIFU

²³ Navutswa isaa yidza nayo i mali kuduka, ya va kola miluka gyeligali va la kola miluka ku Dada na roho kandi nageligali: kigira Dada yenya va zana va ve avakoli vemiluka gyigye.

Yohana 4:23 ပူးပေါင်းရင်းမြစ်များ

1 Kyetsinyinga 29:17

Inze manya, O Nyasaye wange, ive u geridzanag mwoyo yigwo, na u sangaliranga ubulungi. Na mze, kigira bulungi bwomwoyo gwange mali kuhaana vindu yivi vyosi nomwoyo gwobulaliri: na kalunu ndoli nobusangali avandu vovo, ava veye hano, navo va haananga ku ive nomwoyo gwobulaliri.

Zaburi 147:11

Yahova a yanzidzwa mu yavo ava mu tidzanga, Mu yavo ava suuvira tsimbabasi tsitsye.

Zaburi 17:1

O Yahova, u hulire ubulungi, u tegidze ugutu gug; o ku lilira lyange; U huliridze lisaala lyange, li twula mmunwa bugira ubugadi.

Zaburi 32:2

A veye nobugasu mundu uyu wa Yahova a vula kuvalidza kuye ubukyamu, Kandi uyu wobugadi bu ta li mu mwoyo gwigwe.

Zaburi 51:6

Henza, ive u yanzidzwa na ageligali mugati mwevivero vyange; Na mu vivero viviseywi u la nzegidza ubugeeri.

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Lwimbu lwa Solomoni 2:14

O likuulu lyange, u veye mu tsimbwa tsyamagina, Mu lyevisa lyoku kisulungutu, Leka ndole mmoni mumwo, Leka mbulire mwoyo gugwo; Kigira mwoyo gugwo gu veye munolu, na mmoni mumwo mu veye mulahi.

Isaya 10:20

Mu lidiku yilyo ga la va, avatigala va Israeli, na va hona avenyumba ya Yakobo, si va lesedema kandi ku uyu wa va kuya, navutswa va lesedema ku Yahova, Mutakatifu wa Israeli, mu ageligali.

Isaya 29:13

Na Yahova ya vola, Kigira avandu yava visundi ku inze, na va nzidzominya nomunwa gwavo neminya gyavo, navutswa myoyo gyavo va gyi sundi ihale kutwula ku inze, nelitia lyavo lya va tidzanga inze li veye lilaga lyavandu lya vegidzwa:

Isaya 43:21

avandu va ndelombera inze mwe ne, va duke kulandidza lidzominywa lyange.

Isaya 58:2

Navutswa venyanga inze madiku gosi, na va yanzanga kumanya tsinzira tsyange: kuli ihiri i kolanga bulungi, na i vula kuleka amalago ga Nyasaye wavo, va teva ku inze makalago gobulungi; va yanza kwisunda himbi ku Nyasaye.

Jeremia 3:10

Kandi kali ku yaga gosi, amwavo wewe Yuda wobugadi si yirani ku inze nomwoyo gwigwe gwosi, navutswa nobubehi, Yahova a vola.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Ezekieli 22:30

Na ndenya nduke kulola mundu musatsa mu avandu yavo, u nyala kweba lugaga, nokusingira ha huduka imbiri wange kigira kivala yikyo, ni nta ki dividza: navutswa si nda nyola kali mulala mba.

Yohana 1:17

Kigira lilaga lya leterwa ku Musa; tsimbabasi nageli gali ga leterwa ku Yesu Kristo.

Yohana 12:23

Yesu ya va tivulira, na a vola, Isaa i duki, Mwana wa Adamu a kuminywe.

Yohana 16:2

Va la mu kunga mu mavugana: kandi isaa yidza ya vosi ava mwiita va levolera va kolera Nyasaye ubutumwa.

Yohana 16:32

Henza, isaa yidza, yee, i mali kuduka, ya mwinye mu lavukanira avandu sa mulala ku vindu vivye, mu leke inze tsyeng'ine: navutswa inze si mbeye tsyeng'ine, kigira Dada a veye halala ninze.

Yohana 4:21

Yesu ya mu volera, U nsuuvire, Mukali, isaa yidza ya mu li vula kukola miluka ku Dada mu kigulu yiki, kali mu Yerusalemi.

Yohana 5:25

Ligali, ligali, mmu volera, Isaa yidza, nayo i mali kuduka yavakudzi va la hulira mwoyo gwo Mwana wa Nyasaye, kandi ava hulira va la duka kuva mwoyo.

Yohana 5:28

Mu ta genya ku yaga: kigira isaa yidza ya yavo vosi va veye mu vilindwa va la hulira mwoyo gwigwe,

Varumi 1:9

Kigira Nyasaye, wa ntumekira mu mwoyo gwange mu ivangeli yo Mwana wewe, a veye mulolekidzi wange kuli mbongera kumutala mu lisaala lyange kazozo,

Varumi 8:15

Kigira si mwa vugula roho gwobutugwa gu duke kandi mu butii; navutswa mwa vugula roho gwelibugirirwa kuva avana va Nyasaye. Ku yigu, gwa kwanirira ku, Abba, Dada.

Varumi 8:26

Kandi ndiyo Roho a ku konyanga ku budedekere bwetu: kigira si ku manya kusaala kuli ga ku dukira; navutswa uyu Roho mwene a ku saalira nelikenya li ta nyalika kukenywa.

Vagalatia 4:6

Kandi kigira mu veye avana, Nyasaye ya tuma Roho wo Mwana wewe yingire mu myoyo gyetu nokulira, Abba, Dada.

Vafeso 6:18

nelisaala lyosi nokusaava mu lisaala tsinyinga tsyosi mu Roho, nokulinda mugeni yaga nelihongera lyosi nokusaalira avatakatifu vosi,

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

Joshua 24:14

Kunangwa kalunu mu tie Yahova, nokumutumekira mu libugirira nomu geligali; na mu vike ihale avanyasaye ava vaguga venyu va tumekira engereka ya Mugera, nomu Egepeti; na mu tumekire Yahova.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

1 Samweli 12:24

Mu tie Yahova, yaga geng'ine nokumutumekira ligali nomwoyo gwenyu gwosi; kigira mwidzulitse vindu vinene ndi vya ya mu kolera.