Yohana 4:14 - KITABU KITAKATIFU

¹⁴ navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

Yohana 4:14 ပူးပေါင်းရင်းမြစ်များ

Isaya 49:10

Si va la lola inzala kandi si va la va nobuluhu; kandi uluya kinga liuva si i la va samba: kigira uyu wa va vemrera a la vimirira, na a la va hila himbi visenukiru vyamadzi.

Isaya 55:1

O, mwinye sa mulala u veye nobuluhu, hambi ku madzi, na u veye bugira ifetha; hambi, mu gule, mu lie; yee, hambi, mu gule iwaini namaveere bugira ifetha, na bugira buguli.

Isaya 58:11

na Yahova a la kwimirira kazozo, na a la kwigutilza mu hosi ha ta veye namadzi, nokuvika vigumba vivyo tsingulu; na u la va kuli mulimi gwa samwa amadzi, na kuli kisenukiru kyamadzi, kya amadzi gakyo ga vula kukama.

Jeremia 2:13

Ki gira avandu vange yava va koli ubudamano buviri: va leki inze u veye kisenukiru kyamadzi gelivamwoyo, navo vekongeye madavalia, madava lia aga dika, aga ta nyala kugumira amadzi.

Jeremia 31:25

Kigira mmali kwigutidza mwoyo gwa li ni gu luhi, nemyoyo sa mulala ugwa li ni gu vereranga mmali kugwirannya kuva umuhya.

Ezekieli 47:9

Na ga la duka ndi, vilembe vyosi vi veye mwoyo, vyaala ho, hosi hemigera gyi li duka, vi la hona; kandi ha la va netsisudzi tsinyingi; kigira amadzi yaga ga duka yo, namadzi genyanza ga la honywa, halala na vilombe vyosi hosi homugera gu duka.

Kyavalevi 11:36

Navutswa kidaho kinga lina lya amadzi ga veye mu ki la va kilahi; navutswa yiki ki dira mibiri mikudzu gyavyo ki la va kidamano.

Matayo 25:46

Yava va la tsia mu kivi ki ta hera mba: navutswa avalungi va la tsia mu liva mwoyo li ta hera mba.

Matayo 5:6

Va veye nobugasu ava veye nenzala nobuluhu bwobulungi: kigira va ligutidzwa.

Yohana 10:10

Mwivi si yadza bugira kwiva, nokwiita, nokwononnya: inze ndadza va nyola livamwoyo, kandi va li nyole linyingi.

Yohana 11:26

ku vosi u veye mwoyo na a suuvira inze si a li kudza mihiga nemihiga. U suuviye yaga?

Yohana 4:10

Yesu ya tivula na a mu volera, Ive nu u manya kihaanwa kya Nya saye, kandi ni bwaha u ku volera Mpe, kunwa; nkano wa ka mu teva naye nkano ya ka ku ha amadzi agelivamwoyo.

Yohana 4:11

Mukali ya mu volera, Mwami, Si u veye nekyokudahira, nekidaho ki veye hasi: u la nyola ha li ha amadzi yaga gelivamwoyo?

Yohana 4:13

Yesu ya tivula na a mu volera, Amadzi yaga, ku vosi u nwa ku a la lola ubuluhu kandi:

Yohana 4:36

Mugesi a vugula madanyi, na a vungidza makuyu gelivamwoyo li ta hera mba, mumidzi nomugesi va duke kusangala halala.

Yohana 6:27

Mu ta yinzira ku vugula vyokulia vyoneka, navutswa mu yinzire kuvugula vyokulia vi menya kuduka ku livamwoyo li ta hera mba, vyo Mwana wa Adamu a la mu ha: kigira Dada, Nyasaye, u mali kukupa kuye kyokulolera.

Yohana 6:35

Yesu ya va vo lera, Inze nibwo ubukima bweliva mwoyo: uyu udza ku inze si a li lola inzala mba, kandi u suuvira inze si a li lola ubuluhu mihiga nemihiga.

Yohana 6:58

Yibwo ni'owo ubukima bwa twula migulu: si bu veye kuli vaguga va lagira, kandi va kudza; u lagira ubukima yibu a la va mwoyo mihiga nemihiga.

Yohana 7:37

Ku lidiku lyekiheri, lidiku linene lyelilia, Yesu ya singira na a gamba, na a vola, Mundu na a va na a veye nobuluhu, yadze ku inze a nwe.

Varumi 5:21

kuli ubwoni bwameha mu likudza, kandi ndiyo tsimbabasi tsi nyala kwameha mu bulungi kuduka ku livamwoyo lyemihiga nemihiga mu Yesu Kristo Mwami wetu.

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

2 Vakorintho 1:22

u ku viki muhuri, kandi u ku heye kihambiriru kya Roho mu myoyo gyetu.

Vafeso 4:30

Kandi mu ta vereridza Roho Mutakatifu wa Nyasaye wa mwa vikirwa ku muhuri, mu luhe mu duke ku lidiku lyelitungirwa.

1 Petro 1:22

Kigira mu mali kwitakasa myoyo gyenyu mu lihulira ageligali, kuduka ku liyanza avamitu li ta li nobugadi, mu yanzane avene navene ligali mu mwoyo.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

Likunula 7:16

Va la vula kulola inzala kandi, kandi si va la va nobuluhu kandi; kandi liuva li la vula kuvasamba, kali uluya lwosi:

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.