Yohana 3:32 - KITABU KITAKATIFU

³² Aga a loli nokuhulira, nigo aga a lolekidza; kandi si ha veye nomundu u bugirira lilolekidza lilye.

Yohana 3:32 ပူးပေါင်းရင်းမြစ်များ

Isaya 50:2

Kunangwa, ni kindu ki, lwa ndadza mundu si ya li ho? Lwa nda langa, mundu si ya li ho wa ntivulira? Mukono gwange gu gehidzwi, gu ta nyala kandi kutungira? Naho inze si mbeye netsingulu tsyokuhonnya? Henza, ku ligondoka lyange nkaminya inyanza, nkola migera gyamadzi kuva kyangalangwi: tsisudzi tsyagyo tsi funya, kigira si ha veye namadzi, nokukudza kigira ubuluhu.

Isaya 53:1

Ni bwaha u bugirira makuva getu? Na mukono gwa Yahova gwa vuulirwa bwaha?

Matayo 7:8

Kigira ku vosi u saala a hebwanga; nowenya a nyolanga; nowigulihidza yigulirwa.

Yohana 1:11

Yadza kuvyo vivye, navo aveve si va mu bugirira mba.

Yohana 15:15

Kutwula kalunu si nyala kumulanga avatugwa; kigira mutugwa si a manya vyo wa mutuga a kolanga: navutswa mmu langi avalina; kigira vyosi vya nda hulira ku Dada wange, mmali kumuvolera.

Yohana 18:37

Kunangwa Pilatu ya mu volera, Nkani u veye mwami? Yesu ya tivula, Ive mwene u voye mbeye mwami. Yiki ni kigira ndivulwa, kandi yiki ni kigira nda duka mu lirova, nduke kulolekidza ageligali. Ku vosi u veye ku luvega lwa geligali a hulira mwoyo gwange.

Yohana 3:11

Ligali, ligali, nku volera, Ku vola ga ku manya, kandi ku lolekidza vya ku loli, navutswa lilolekidza lyetu si mu bugirira mba.

Yohana 3:26

Ni va tsia ku Yohana, ni va mu volera, Rabi, uyo wa li halala nive engereka ya Yordani, uyo wa u lolekidzeye henza, u batidzanga, navandu vosi va tsia kuye.

Yohana 3:33

Uyu u mali kubugirira lilolekidza lilye, u mali kukupa kyokulolera kyikye ku yaga, Nyasaye nu weligali.

Yohana 5:20

Kigira Dada a yanza Mwana na a mannya vindu vyosi vya a kolanga mwene: kandi a la mu mannya miyinzi gyi vita yigyi, mwinye mu duke kugenya.

Yohana 8:26

Mbeye nevindu vi nyingi vyokuvola ku mwinye nokukalaga ku mwinye: navutswa wa ntuma a veye weligali; na inze aga nda hulira kuye, nigo aga mbolera avomkivala.